1Tantara 14:17 - Baiboly Katolika

¹⁷ Dia niely eran’ny tany rehetra ny lazan’i Davida, ary nataon’i Iaveh natahotra azy ny firenena rehetra.

Baiboly Protestanta Malagasy 2011

¹⁷ Niely teny amin’ny tany rehetra ny lazan’i Davida; ary nataon’NY TOMPO nahazo ny firenena rehetra ny tahotra an’i Davida.

DIEM PROTESTANTA

¹⁷ Dia niely eran’ny tany rehetra ny lazan’i Davida, ary nataon’ny TOMPO matahotra an’i Davida ny firenena rehetra.

Dikateny Iombonana Eto Madagasikara

¹⁷ Dia niely eran’ny tany rehetra ny lazan’i Davida, ary nataon’ny TOMPO matahotra an’i Davida ny firenena rehetra.

Baiboly Protestanta Malagasy

¹⁷ Ary ny lazan’i Davida niely teny amin’ny tany rehetra; ary nataon’i Jehovah nahazo ny firenena rehetra ny tahotra an’i Davida.

Malagasy Bible

¹⁷ Ary ny lazan'i Davida niely teny amin'ny tany rehetra; ary nataon'i Jehovah nahazo ny firenena rehetra ny tahotra an'i Davida.

La Bible en Malgache

¹⁷ Niely teny amin’ny tany rehetra ny lazan’i Davida; ary nataon’NY TOMPO nahazo ny firenena rehetra ny tahotra an’i Davida.

1Tantara 14:17 Rohy Ifampitohizana

1Tantara 14:16

Dia nataon’i Davida izay nandidian’Andriamanitra azy, ka nandresy ny tafiky ny Filistinina, hatrany Gabaôna ka hatrany Gazera izy ireo.

1Tantara 17:8

nomba anao tamin’izay rehetra nalehanao Aho, nandringana ny fahavalonao rehetra teo anoloanao Aho, ary nataoko malaza toy ny anaran’ireo lehibe eto ambonin’ny tany ny anaranao.

2Tantara 26:8

Nitondra fanatitra ho an’i Oziasa ny Amônita, ary niely hatrany akaikin’i Ejipta ny lazany, fa tonga nahery indrindra izy.

Salamo 18:44

Manafaka ahy amin’ny fikomian’ny vahoaka Ianao, sady manandratra ahy ho lohan’ny firenen-tsamihafa; vahoaka tsy fantatro avy no manompo ahy koa.

Deoteronomia 11:25

Tsy misy olona hahatoha anareo fa araka ny voalazan’i Iaveh Andriamanitrareo taminareo, dia handatsaka tahotra sy horohoro amin’ny tany rehetra hodiavinareo Izy.

Deoteronomia 2:25

Hatramin’ny anio dia haeliko amin’ny vahoaka rehetra mbamin’ny lanitra ny horohoro aman-tahotra ny anaranareo; ka raha vao mandre ny lazanareo izy dia hangovitra sy hangorohoro noho ny aminao.

Josoa 6:27

Nomban’i Iaveh i Jôsoe, ka niely tamin’ny tany rehetra ny lazany.

Josoa 9:24

Dia izao no navalin’izy ireo an’i Jôsoe: «Nambara tamin’ny mpanomponao ny didy nomen’i Iaveh Andriamanitrao an’i Môizy mpanompony mba hanolotra anareo avokoa ny tany rehetra ary mba handringananareo eo anoloanareo ny mponina rehetra amin’ny tany. Nony mby akaiky ianareo, dia natahotra mafy ny ho faty izahay, ka izany no nanaovanay toy izao.