1Tantara 13:7 - Baiboly Katolika

⁷ Napetrany teo ambony sarety vaovao ny fiaran’Andriamanitra dia nentiny avy tao an-tranon’i Abinadaba: i Ozà sy i Ahiao nitarika ny sarety;

Baiboly Protestanta Malagasy 2011

⁷ Ary noentiny tamin’ny sarety vaovao niala tao an-tranon’i Abinadaba ny vata misy ny faneken’Andriamanitra. I Oza sy i Ahio no nampandeha ny sarety.

DIEM PROTESTANTA

⁷ Nalaina tao an-tranon’i Abinadaba ny Vatamasina, dia nataingina teo ambony sarety vaovao; ka i Hozà sy i Ahiao no mpandroaka ny sarety.

Dikateny Iombonana Eto Madagasikara

⁷ Nalaina tao an-tranon’i Abinadaba ny Vatamasina, dia nataingina teo ambony sarety vaovao; ka i Hozà sy i Ahiao no mpandroaka ny sarety.

Baiboly Protestanta Malagasy

⁷ Ary nentiny tamin’ny sariety vaovao niala tao an-tranon’i Abinadaba ny fiaran’Andriamanitra, ary Oza sy Ahio no nampandeha ny sariety.

Malagasy Bible

⁷ Ary nentiny tamin'ny sariety vaovao niala tao an-tranon'i Abinadaba ny fiaran'Andriamanitra, ary Oza sy Ahio no nampandeha ny sariety.

La Bible en Malgache

⁷ Ary noentiny tamin’ny sarety vaovao niala tao an-tranon’i Abinadaba ny vata misy ny faneken’Andriamanitra. I Oza sy i Ahio no nampandeha ny sarety.

1Tantara 13:7 Rohy Ifampitohizana

2Samoela 6:3

Napetrany teo ambony sarety vaovao ny Fiaran’Andriamanitra ary nentiny avy tao an-tranon’i Abinadaba teo an-kavoana; ka i Ozà sy i Akiaô zanak’i Abinadaba, no nitarika ny sarety vaovao.

2Samoela 6:4

Ary nentiny avy ao an-tranon’i Abinadaba teo an-kavoana, mbamin’ny Fiaran’Andriamanitra. I Akiaô no nandeha teo aloha.

1Tantara 15:13

Fa satria noho ianareo tsy nampiakatra azy tamin’ilay voalohany, no nikapohan’i Iaveh Andriamanitsika antsika, satria tsy nitady azy araka ny lalàna isika.»

1Tantara 15:2

Hoy i Davida tamin’izay: «Tsy misy afa-tsy ny Levita ihany no hitondra ny Fiaran’Andriamanitra satria ireo no voafidin’i Iaveh hitondra ny fiaran’Andriamanitra sy hanao ny fanompoana momba azy mandrakizay.»

Nomery 4:15

Rehefa vitan’i Aarôna sy ny zanany ny fanaronana ny fitoerana masina mbamin’ny fanaka rehetra momba azy, ka hifindra lasy, dia ho avy ny taranak’i Kaata hitondra azy; tsy hikasika ny zavatra masina anefa izy ireo, fandrao maty. Izany zavatra momba ny trano lay fihaonana izany, no ho anjara entan’ny taranak’i Kaata.

1Samoela 6:7

Koa ankehitriny manaova sarety iray vaovao, ary mangalà omby vavy roa mitaiza, tsy mbola nitondra jioga; afehezo amin’ny sarety ny ombivavy, ary ny zanany ento lavitra azy any an-tranon’omby.