1Samoela 27:3 - Baiboly Katolika

³ Dia nitoetra teo amin’i Akisa, tany Geta i Davida sy ny olony, samy nomban’ny fianakaviany avy, ary nomba an’i Davida izy roa vavy, dia i Akinôama avy any Jezraela, sy i Abigaila avy any Karmela, ilay novinadin’i Nabala.

Baiboly Protestanta Malagasy 2011

³ Nitoetra tao amin’i Akisy tao Gata i Davida, dia izy sy ny olony, samy miaraka amin’ny ankohonany avy ka i Davida dia niaraka tamin’ny vadiny roa, dia i Ahinoama jezirelita sy i Abigaila vadin’i Nabala karmelita.

DIEM PROTESTANTA

³ Nitoetra tao amin’i Akisy tany Gata i Davida sy ny olony nombàm-pianakaviana avy, mbamin’ireo vadin’i Davida roa, dia Ahinôhama avy any Jizrehela sy i Abigaîla vady navelan’i Nabala avy any Karmela.

Dikateny Iombonana Eto Madagasikara

³ Nitoetra tao amin’i Akisy tany Gata i Davida sy ny olony nombàm-pianakaviana avy, mbamin’ireo vadin’i Davida roa, dia Ahinôhama avy any Jizrehela sy i Abigaîla vady navelan’i Nabala avy any Karmela.

Baiboly Protestanta Malagasy

³ Ary nitoetra tao amin’i Akisy tao Gata Davida, dia izy sy ny olony, samy nomban’ny ankohonany avy, ary Davida mbamin’ny vadiny roa, dia Ahinoama Jezirelita sy Abigaila Karmelita, ilay novinadin’i Nabala.

Malagasy Bible

³ Ary nitoetra tao amin'i Akisy tao Gata Davida, dia izy sy ny olony, samy nomban'ny ankohonany avy, ary Davida mbamin'ny adiny roa, dia Ahinoama Jezirelita sy Abigaila Karmelita, ilay novinadin'i Nabala.

La Bible en Malgache

³ Nitoetra tao amin’i Akisy tao Gata i Davida, dia izy sy ny olony, samy miaraka amin’ny ankohonany avy ka i Davida dia niaraka tamin’ny vadiny roa, dia i Ahinoama jezirelita sy i Abigaila vadin’i Nabala karmelita.

1Samoela 27:3 Rohy Ifampitohizana

2Samoela 2:3

Nampiakatra ny olona teo aminy mbamin’ny fianakaviany koa i Davida ka nonina tamin’ny tanàna momba an’i Hebrôna izy ireo.

1Samoela 25:3

Nabala no anaran-dralehilahy io, ary Abigaila no anaran’ny vadiny; ravehivavy dia hendry tokoa sy tsara tarehy, fa ralehilahy kosa sady henjana no ratsy fiaina; taranak’i Kaleba izy io.

1Samoela 27:4

Nilazana i Saola fa nandositra tany Geta i Davida ka dia tsy nandeha hanjòhy azy intsony izy.

1Samoela 30:3

Nony tonga tao an-tanàna i Davida sy ny olony, dia hitany fa voadoro ny tanàna, ary ny vadiny, ny zanany lahy, ny zanany vavy lasan-ko babo.

1Samoela 30:5

lasan-ko babo mbamin’izy roa vavy, vadin’i Davida, dia i Akinôama avy any Jezraela, sy i Abigaila avy any Karmela, ilay novinadin’i Nabala.