1Samoela 23:9 - Baiboly Katolika

⁹ Fa rehefa fantatr’i Davida kosa fa niomana hanisy ratsy azy i Saola, dia hoy izy tamin’i Abiatara mpisorona: «Ento atỳ ny efôda.»

Baiboly Protestanta Malagasy 2011

⁹ Nony fantatr’i Davida fa namorona hevi-dratsy hamelezana azy i Saoly dia hoy izy tamin’i Abiatara mpisorona: Ento etỳ ny efoda.

DIEM PROTESTANTA

⁹ Fantatr’i Davida fa nisaina hanao ratsy azy i Saoly; koa nasainy nentin’i Abiatara mpisorona ny efôda hanontaniana ny Tompo.

Dikateny Iombonana Eto Madagasikara

⁹ Fantatr’i Davida fa nisaina hanao ratsy azy i Saoly; koa nasainy nentin’i Abiatara mpisorona ny efôda hanontaniana ny Tompo.

Baiboly Protestanta Malagasy

⁹ Ary fantatr’i Davida fa Saoly namorona sain-dratsy hamelezana azy; dia hoy izy tamin’i Abiatara mpisorona: Ento etỳ ny efoda.

Malagasy Bible

⁹ Ary fantatr'i Davida fa Saoly namorona sain-dratsy hamelezana azy; dia hoy izy tamin'i Abiatara mpisorona: Ento etỳ ny efoda.

La Bible en Malgache

⁹ Nony fantatr’i Davida fa namorona hevi-dratsy hamelezana azy i Saoly dia hoy izy tamin’i Abiatara mpisorona: Ento etỳ ny efoda.

1Samoela 23:9 Rohy Ifampitohizana

1Mpanjaka 2:26

Ary hoy ny mpanjaka tamin’i Abiatara mpisorona: «Mandehana ianao mankany amin’ny taninao, any Anatôta, nefa noho ianao nitondra ny Fiaran’i Iaveh Tompo teo anatrehan’i Davida raiko, sy noho ianao nanana anjara tamin’ny fahoriana rehetra nahazo an’ikaky, dia tsy ataoko maty amin’izao andro izao ianao.»

Jeremia 33:3

Antsoy Aho dia hamaly anao, haneho zava-dehibe aminao, zava-tsy takatry ny saina izay tsy fantatrao.

Hosea 3:4

Fa mandritra ny andro maro ny zanak’i Israely no hitoetra tsy mana-mpanjaka, tsy mana-mpanapaka, tsy manan-tsorona, tsy manan-tsangam-bato, tsy manana efôda ary tsy manan-terafima.

Nomery 27:21

Izy hankeo anatrehan’i Eleazara mpisorona izay hanadina amin’ny fitsaràn’ny Orima ho azy, eo anatrehan’i Iaveh, ka araka ny teniny no hivoahan’i Jôsoe, araka ny teniny no hidirany, dia i Jôsoe, ny zanak’i Israely rehetra miaraka aminy, ary ny fiangonana rehetra. Hitarika azy hivoaka sy hiditra, hitondra sy hifehy azy.

Asan’ny Apostoly 14:6

saingy reny izany, ka lasa nankany Listra sy Derbe, tanàna any Likaônia, ary tamin’ny tany rehetra manodidina izy ireo, dia nitory ny Evanjely tany.

Asan’ny Apostoly 9:24

fantatr’i Saoly ihany anefa ny hevi-dratsiny. Nambenan’izy ireo andro aman’alina ny vavahady mba hamonoany azy;

1Samoela 10:22

Amin’izany dia nanontany an’i Iaveh indray ny olona hoe: «Moa mbola misy olona tonga eto va?» Hoy ny navalin’i Iaveh: «Indro izy miery eo amin’ny entana.»

1Samoela 14:18

Ary hoy i Saola tamin’ny Akiasy: «Ento mankatỳ ny Fiaran’Andriamanitra», fa teo amin’ny zanak’i Israely ny Fiaran’Andriamanitra tamin’izany andro izany.

1Samoela 22:20

Anankiray ihany tamin’ny zanak’i Akimeleka zanak’i Akitoba no afa-nandositra; Abiatara no anarany, ary nandositra tany amin’i Davida izy.

1Samoela 23:10

Dia hoy i Davida: «Ry Iaveh Andriamanitr’i Israely ô, nandre ny mpanomponao fa mioman-ko avy atỳ Keilà i Saola mba handrava ny tanàna noho ny amiko.

1Samoela 23:6

Fony i Abiatara zanak’i Akimeleka nandositra tany amin’i Davida any Keilà, dia nidina izy nitondra ny efôda eo an-tanany.

1Samoela 23:8

Ka nantsoin’i Saola ny olona rehetra hiantafika hidina any Keilà sy hanao fahirano an’i Davida sy ny olony.

1Samoela 30:7

Hoy i Davida tamin’i Abiatara mpisorona zanak’i Akimeleka: «Ento atỳ amiko ny efôda». Dia nentin’i Abiatara teo amin’i Davida ny efôda;