1Samoela 19:5 - Baiboly Katolika

⁵ nanao vy very ny ainy, namono an’ilay Filistinina izy, ka izy no nanaovan’i Iaveh famonjena lehibe ho an’i Israely rehetra. Nahita izany ianao sy nifaly tamin’izany. Ka ahoana no hataonao amin’ny ra tsy mana-tsiny, amin’ny famonoana, tsy misy antony, an’i Davida?»

Baiboly Protestanta Malagasy 2011

⁵ ary efa nanao ny ainy tsy ho zavatra izy ka namono ny Filistina; eny, NY TOMPO nahavita famonjena lehibe ho an’ny Israely rehetra, ary nahita izany ianao ka faly. Koa nahoana no dia hanota handatsaka ny ran’ny tsy manan-tsiny ianao ka hahafaty an’i Davida tsy amin’antony?

DIEM PROTESTANTA

⁵ Nivarotra aina mihitsy izy namono nahafaty an’i Gôliata ilay Filistinina, ka dia fandresena lehibe ho an’i Israely no azo avy amin’ny TOMPO, ary faly erỳ ianao raha nahita izany. Koa nahoana ankehitriny no hanisy ratsy olona tsy manan-tsiny ianao ka hahafaty an’i Davida tsy amin’antony?

Dikateny Iombonana Eto Madagasikara

⁵ Nivarotra aina mihitsy izy namono nahafaty an’i Gôliata ilay Filistinina, ka dia fandresena lehibe ho an’i Israely no azo avy amin’ny TOMPO, ary faly erỳ ianao raha nahita izany. Koa nahoana ankehitriny no hanisy ratsy olona tsy manan-tsiny ianao ka hahafaty an’i Davida tsy amin’antony?

Baiboly Protestanta Malagasy

⁵ fa izy efa nanao ny ainy tsy ho zavatra ka namono ny Filistina, ary Jehovah nahavita famonjena lehibe ho an’ny Isiraely rehetra; hianao nahita izany ka faly; koa nahoana no dia hanota handatsaka ra marina hianao ka hahafaty foana an’i Davida?

Malagasy Bible

⁵ fa izy efa nanao ny ainy tsy ho zavatra ka namono ny Filistina, ary Jehovah nahavita famonjena lehibe ho an'ny Isiraely rehetra; ianao nahita izany ka faly; koa nahoana no dia hanota handatsaka rà marina ianao ka hahafaty foana an'i Davida?

La Bible en Malgache

⁵ ary efa nanao ny ainy tsy ho zavatra izy ka namono ny Filistina; eny, NY TOMPO nahavita famonjena lehibe ho an’ny Israely rehetra, ary nahita izany ianao ka faly. Koa nahoana no dia hanota handatsaka ny ran’ny tsy manan-tsiny ianao ka hahafaty an’i Davida tsy amin’antony?

1Samoela 19:5 Rohy Ifampitohizana

2Samoela 23:10

fa niakatra nihemotra kosa ny lehilahy amin’i Israely. Nitsangana namely ny Filistinina izy mandra-pahavizan’ny tanany, sy efa nihidy velona tamin’ny sabatra. Nanao famonjen-dehibe i Iaveh tamin’izay andro izay, ka nandroso indray nanaraka an’i Eleazara ny vahoaka fa tsy nanao afa-tsy ny manangona ny zavatra babo izy ireo.

1Tantara 11:14

Lasa nankeo afovoan’ny saha izy ireo, niaro azy sy nandresy ny Filistinina, dia nanao famonjena lehibe i Iaveh.

1Tantara 11:18

Niaraka tamin’izay ireo teo lahy ireo dia namakivaky ny tobin’ny Filistinina ka nanovo rano teo amin’ny famorian-drano eo am-bavahadin’i Betlehema, dia noraisiny sy nentiny nankeo amin’i Davida. Kanjo tsy nety nisotro izany i Davida, fa nataony fanatitra araraka ho an’i Iaveh izany, ary hoy izy:

Salamo 109:5

Valiany ratsy ny soa nataoko, valiany fankahalana ny fitiavako.

Salamo 119:109

Hatenda lava izao ny aiko, nefa tsy manadino ny lalànao aho.

Salamo 25:3

Tokoa fa tsy hisy ho menatra izay rehetra manantena Anao; izay mivadika foana dia ireo no ho menatra.

Salamo 69:4

Sasatry ny mitaraina aho; maimay ny tendako; valaka eo amin’ny fiandrasana an’Andriamanitra, ny masoko.

Salamo 94:21

Midodododo hamono aina ny marina izy ireo; ary manameloka ny ra tsy manan-tsiny.

Eksodosy 14:13

Fa hoy kosa i Môizy tamin’ny vahoaka: «Aza matahotra fa mipetraha tsara eo, ka zahao ny famonjena hataon’i Iaveh aminareo anio; fa ireo Ejiptianina hitanareo anio ireo tsy ho hitanareo intsony mandrakizay.

Jeremia 26:15

Fantaro anefa, fa raha mamono ahy ianareo, dia handatsaka ra tsy manan-tsiny aminareo sy amin’ity tany ity, ary amin’ny mponina eo aminy, satria i Iaveh marina tokoa, no naniraka ahy ho atỳ aminareo hilaza ireo teny rehetra ireo ho ren’ny sofinareo.»

Matio 27:24

Nony hitan’i Pilaty, fa tsy nahomby izy fa vao mainka nitombo aza ny tabataba, dia nampaka rano izy ka nanasa tanana teo anatrehan’ny vahoaka ary nanao hoe: «Afa-tsiny amin’ny Ran’io Lehilahy marina io aho; fa raharahanareo.»

Matio 27:4

nanao hoe: «Nanota aho, fa nanolotra ny Ra marina.» «Ahoanay izany? hoy ireo, fa asanao.»

Jaona 15:25

Ary izany no tonga dia mba hahatanteraka ny teny voasoratra ao amin’ny Lalàna hoe: Nankahala Ahy foana izy ireo.

Asan’ny Apostoly 20:24

Tsy misy atahorako anefa izany zavatra izany; ary tsy ataoko ho zavatra ny aiko rehefa tanteraka ny diako, ka vitako ny raharaha noraisiko tamin’i Jesoa Tompo, dia ny mitory ny Evanjelin’ny fahasoavan’Andriamanitra.»

Filipiana 2:30

fa ny raharahan’i Kristy no saika nahafaty azy; ary ny fanefana ny fanompoana ahy tsy efanareo no nanaovany ny ainy tsy ho zavatra

Hebreo 2:3

hataontsika ahoana no fandositra raha tsy asiantsika raharaha ny famonjena lehibe toy izany, izay nambaran’ny Tenan’ny Tompo aloha, ka izay nandre taminy no nanorina azy mafy tamintsika,

Mpitsara 12:3

Nony hitako fa tsy tonga hamonjy ahy ianareo, dia nanao vy very ny aiko aho, ka nandeha niady tamin’ny taranak’i Amôna, ary natolotr’i Iaveh teo an-tanako ireny. Ka nahoana ianareo no miakatra atỳ amiko anio hiady amiko?»

Mpitsara 9:17

fa niady ho anareo ny raiko, nanao vy very ny ainy ka nanafaka anareo tamin’ny tanan’i Madiàna izy;

1Samoela 11:13

Fa hoy i Saola: «Tsy misy olona hatao maty anio, fa androany no namonjen’i Iaveh an’i Israely.»

1Samoela 14:45

Fa hoy ny vahoaka tamin’i Saola: «I Jônatasy izay nanao izao famonjen-dehibe izao tamin’i Israely indray ve no ho faty è! Sanatria izany! Raha velona koa i Iaveh tsy hisy latsaka amin’ny tany, na dia ny singam-bolondohany iray akory aza; fa ny nataony androany dia niarahany tamin’Andriamanitra.» Toy izany no namonjen’ny vahoaka an’i Jônatasy, ka tsy maty izy.

1Samoela 19:6

Nihaino ny tenin’i Jônatasy i Saola, ka nianiana i Saola nanao hoe: «Velona i Iaveh, tsy hovonoina i Davida!»

1Samoela 20:32

Namaly an’i Saola rainy, i Jônatasy, ka nanao taminy hoe: «Ahoana no hovonoina izy? Fa naninona izy?»

1Samoela 22:14

Fa namaly ny mpanjaka i Akimeleka ka nanao hoe: «Iza moa amin’ny mpanomponao rehetra no tahaka an’i Davida, mahatoky indrindra, vinanton’ny mpanjaka, mpanolo-tsaina anao, sady manan-kaja ao an-tranonao?

1Samoela 28:21

Nankeo amin’i Saola ilay vehivavy, ka nahita azy very hevitra efa izay tsizy, ka dia nanao taminy hoe: «Efa nihaino ny feonao ny ankizivavinao ary nanao vy very ny aiko aho, tamin’ny nanekeko ny teny nolazainao tamiko.