39 Andininy Baiboly fohy indrindra

Ry sakaiza, fantatrao ve fa na dia boky 66 aza no mandrafitra ny Tenin’Andriamanitra dia misy andininy fohy ihany izay tena mahery vaika eo amin’ny fiainantsika? Afaka mampiasa azy ireny isika rehefa tojo olana, na koa mba hamporisihana sy hampaherezana ny havantsika na ny mpiara-mivavaka amintsika izay tratran’ny fakam-panahy.

Na fohy aza ireny andininy ireny, tadidio fa “Izay soratra rehetra nomen’ny tsindrimandrin’Andriamanitra dia mahasoa koa ho fampianarana, ho fandresen-dahatra, ho fanitsiana izay diso, ho fitaizana amin’ny fahamarinana” (2 Timoty 3:16).

Raha sarotra aminao ny mitadidy andininy lava be dia azonao atomboka amin’ireo fohy ireo aloha. Ho mora kokoa aminao ny mitadidy ireo lava kokoa rehefa avy eo. Sady mahavelona ny fanahy koa izany, ary ho afaka hisaintsaina ny Tenin’Andriamanitra mandrakariva ianao. Ho feno ny fonao ka hahafahanao mamoa ny vokatry ny Fanahy fa tsy ny asan’ny nofo.

Aza adino fa tsy izay zavatra henoina no mandoto antsika fa izay zavatra lazaina. Koa aoka ny vavanao hamoaka ny Tenin’Andriamanitra izay efa voatahiry ao am-ponao.

Ary nitomany i Jesoa.

«Tsy hamono olona ianao.»

mamely ahy tontolo andro ny mpanohitra ahy, maro izy ireo miandranandrana miady amiko.

‹Hitahy anao sy hiaro anao anie i Iaveh.

Ho ao aminareo rehetra anie ny fahasoavan’i Jesoa Kristy Tompo, sy ny fitiavan’Andriamanitra, ary ny firaisana amin’ny Fanahy Masina!

Salamon’i Davida. I Iaveh no mpiandry ahy, tsy hanan-java-mahory aho.

aza manamavo ny faminaniana,

Izaho sy ny Ray dia iray ihany.»

ary misaora amin’ny zavatra rehetra, fa izany no sitrapon’Andriamanitra, ao amin’i Kristy Jesoa ho anareo rehetra.

Mivavaha ho anay, ry kristianina havana!

Aza mamono ny Fanahy;

mivavaha lalandava;

Tsarovy ny vadin’i Lôta!

Mifalia mandrakariva;

«Tsy hangalatra ianao.»

(satria finoana moa no andehanantsika, fa tsy fahitana),

Izaho no mofon’aina.

Efa nanangana ny Tompo ho velona Andriamanitra, ka hanangana antsika amin’ny heriny koa.

Aoka ho tia an’Andriamanitra àry isika, fa Izy no efa tia antsika taloha.

Ataovy amim-pitiavana ny zavatra rehetra.

Mifalia mandrakariva ao amin’ny Tompo; eny averiko indray: mifalia e!

I Iaveh no ataovy firavoravoanao, dia omeny anao izay irin’ny fonao.

«Tsy hijangajanga ianao.»

Miderà an’Andriamanitra eo amin’ny fitoerany masina! Miderà Azy amin’ny fitoeran’ny fahefany!

Ohabolan’i Salômôna. Ny zanaka hendry mahafaly ny rainy, fa ny zanaka adala mampahory ny reniny.

Anaka, tandremo fandrao manompo sampy ianareo.

Miderà an’i Iaveh ianareo, ry firenena rehetra, mankalazà Azy, ry vahoaka rehetra!

Ity no andro nataon’i Iaveh, mifalia sy miravoravoa isika.

Mifalia amin’ny fanantenana, mandefera amin’ny fahoriana, ary mahareta amin’ny fivavahana;

Ny ady natsahany hatramin’ny faran’ny tany; ny tsipìka notapahiny; ny lefona nofolahiny; ny kalesy fiadiana nodorany tamin’ny afo.

Ny valin-teny mora, mampitony havinirana; fa ny teny henjana, mampirehi-katezerana.

Mahareta amin’ny fitiavana toy ny mpiray tam-po.

Aza manao anao ho hendry eo imasonao, fa matahora an’i Iaveh ary mialà amin’ny ratsy.

Ianareo no fahazavan’izao tontolo izao: tsy azo afenina izay tanàna miorina eo an-tampon-tendrombohitra,

Ny teninao dia fanilo mialoha ny diako, fahazavana eny an-dalako.

Izay tsy tia dia tsy mahalala an’Andriamanitra, satria Andriamanitra dia fitiavana.

Ny Anjelin’i Iaveh mitoby, manodidina izay matahotra Azy, ka mamonjy azy.

fa mora entina ny jiogako, ary maivana ny entako.

Ny mpamafy dia mamafy ny teny.

Vavaka amin’Andriamanitra