Salamo 23:1 - Baiboly Katolika

¹ Salamon’i Davida. I Iaveh no mpiandry ahy, tsy hanan-java-mahory aho.

Baiboly Protestanta Malagasy 2011

¹ NY TOMPO no Mpiandry ahy: Tsy misy zava-mahory ahy.

DIEM PROTESTANTA

¹ Salamo nataon’i Davida Ny TOMPO no mpiandry ahy ka tsy ory na inona na inona aho.

Dikateny Iombonana Eto Madagasikara

¹ Salamo nataon’i Davida Ny TOMPO no mpiandry ahy ka tsy ory na inona na inona aho.

Baiboly Protestanta Malagasy

¹ Salamo nataon’i Davida. JEHOVAH no Mpiandry ahy, Tsy hanan-java-mahory aho,

Malagasy Bible

¹ Salamo nataon'i Davida. Jehovah no Mpiandry ahy, tsy hanan-java-mahory aho,

La Bible en Malgache

¹ NY TOMPO no Mpiandry ahy: Tsy misy zava-mahory ahy.

Salamo 23:1 Rohy Ifampitohizana

Salamo 34:11

Ny liona tanora mety noana aman-tsy ampy hanina ihany, fa izay mitady an’i Iaveh tsy orin-java-tsoa akory.

Salamo 78:52

Nampandeha toy ny ondry, ny vahoakany, nentiny tany an’efitra toy ny andiam-biby fiompy.

Salamo 79:13

Ary izahay, vahoakanao, sy ondry amin’ny tanim-bilonao kosa, dia hanome voninahitra Anao mandrakizay; hitory ny fiderana Anao amin’ny taona mifandimby.

Salamo 84:11

Fa aleo andro iray ao an-kianjanao, toy izay arivo; aleoko mitoetra eo an-tokonam-baravaran’ny tranon’ny Andriamanitro, toy izay monina ao an-dain’ny ratsy fanahy.

Isaia 40:11

Toy ny mpiandry ondry hiandry ny andian’ondry Izy; handray ny zanak’ondry amin’ny sandriny, hitondra an’ireny eo an-trotroany, ary handroaka moramora ny mampinono.

Jeremia 31:10

Ianareo, firenena, mihainoa ny tenin’i Iaveh, ary torionareo izany, avy amin’ireo nosy lavitra; ataovy hoe: «Ilay nampiely an’i Israely, dia hanangona azy indray; ary hiandry azy toy ny fiandrin’ny mpiandry ondry ny ondriny»;

Ezekiela 34:14

Amin’ny tany tsara ho fiandrasana no hiandrasako azy; ary any an-tendrombohitra avon’i Israely no ho valany; any izy no handry amin’ny valan’ondry tsara, sy hihinana amin’ny tany be vilona, eny an-tendrombohitr’i Israely

Mika 5:2

Koa noho izany, dia hanolotra an’ireny izy mandra-piavin’ny fotoana hiterahan’ilay tsy maintsy hiteraka; ary ny sisa amin’ireo rahalahiny dia hiverina amin’ny zanak’i Israely.

Mika 5:4

Izy no ho fiadanana. Rehefa ho tonga eto amin’ny tanintsika ny Asirianina, ka hanitsaka ny lapantsika ny tongony, dia hanangana mpiandry ondry fito isika, hamely azy, sy mpifehy ny vahoaka valo,

Matio 6:33

Koa katsaho àry aloha ny fanjakan’Andriamanitra sy ny fahamarinany, dia homena izany rehetra izany ianareo ho fanampiny.

Jaona 10:11

Izaho no mpiandry ondry tsara. Ny mpiandry ondry tsara dia mahafoy ny ainy ho an’ny ondriny;

Jaona 10:14

Izaho no mpiandry ondry tsara, sady mahalala ny Ahy Aho no fantatry ny Ahy,

Romana 8:32

Izy tsy nandala ny tena Zanany, fa nahafoy Azy ho antsika rehetra, ka ahoana no tsy hanomezany antsika ny zavatra rehetra koa miaraka aminy?

Filipiana 4:19

Fa Andriamanitro kosa no hamonona izay ilainareo rehetra, araka ny hareny, sady hampombainy voninahitra ao amin’i Kristy Jesoa izany.

Hebreo 13:20

Ary enga anie ka ny Andriamanitry ny fiadanana, izay nanatsoaka tamin’ny fahafatesana an’ilay Mpiandry ondry lehibe noho ny ran’ny fanekena mandrakizay, dia i Jesoa Tompontsika,

1Petera 2:25

Fa efa toy ny ondry nania ianareo, ary indro ankehitriny efa tafaverina amin’ny Mpiandry sy Mpitondra ny fanahinareo.

1Petera 5:4

ka rehefa miseho ilay Filohan’ny mpiandry, dia handray satroboninahitra tsy mety simba ianareo.

Apokalipsy 7:17

Fa ny Zanak’ondry, izay mipetraka eo afovoan’ny seza fiandrianana, no ho Mpiandry azy, sy hitondra azy ho amin’ny loharanon’aina, ary Andriamanitra no hamaoka ny ranomaso rehetra amin’ny masony.»