Nehemia 3:1 - DIEM PROTESTANTA

Dia nanomboka asa i Eliasiba mpisorombe mbamin’ireo mpisorona namany, ka niara-namboatra ny vavahadin’ny Ondry; dia nanamasina izany ry zareo, vao nandatsaka ny lela-vavahadiny. Ary nohamasininy koa ny manda hatrany amin’ny tilikambon’ny Zatolahy sy ny tilikambo Hananela.

Baiboly Protestanta Malagasy 2011

Dia nitsangana i Eliasiba mpisoronabe sy ny mpisorona rahalahiny ka nandrafitra ny vavahadin’ondry; nanamasina azy izy ka nandatsaka ny lelam-bavahadiny; hatreo amin’ny tilikambo fiambenan’i Hamea ka hatrany amin’ny tilikambo fiambenan’i Hananela no nohamasininy.

Dikateny Iombonana Eto Madagasikara

Dia nanomboka asa i Eliasiba mpisorombe mbamin’ireo mpisorona namany, ka niara-namboatra ny vavahadin’ny Ondry; dia nanamasina izany ry zareo, vao nandatsaka ny lela-vavahadiny. Ary nohamasininy koa ny manda hatrany amin’ny tilikambon’ny Zatolahy sy ny tilikambo Hananela.

Baiboly Katolika

I Eliasiba mpisorona lehibe, mbamin’ireo mpisorona rahalahiny dia nanomboka nanorina ny vavahadin’ny Ondry, nanamasina azy izy, dia nandatsaka ny lela-vavahady; namboariny ny manda dia nohamasininy hatramin’ny tilikambon’i Meà, ka hatramin’ny tilikambon’i Hananeela.

Baiboly Protestanta Malagasy

DIA nitsangana Eliasiba mpisoronabe sy ny mpisorona rahalahiny ka nandrafitra ny vavahadin’ondry; dia nanamasina azy izy ka nandatsaka ny lela-vavahadiny; hatramin’ny tilikambo Hamea ka hatramin’ny tilikambo Hananela no nohamasininy.

Malagasy Bible

Dia nitsangana Eliasiba mpisoronabe sy ny mpisorona rahalahiny ka nandrafitra ny vavahadin'ondry; dia nanamasina azy izy ka nandatsaka ny lela-vavahadiny; hatramin'ny tilikambo Hamea ka hatramin'ny tilikambo Hananela no nohamasininy.

La Bible en Malgache

Dia nitsangana i Eliasiba mpisoronabe sy ny mpisorona rahalahiny ka nandrafitra ny vavahadin’ondry; nanamasina azy izy ka nandatsaka ny lelam-bavahadiny; hatreo amin’ny tilikambo fiambenan’i Hamea ka hatrany amin’ny tilikambo fiambenan’i Hananela no nohamasininy.

Nehemia 3:1 Rohy Ifampitohizana

Nehemia 12:10

I Jesoa no ray niteraka an’i Jôiakima; i Jôiakima no ray niteraka an’i Eliasiba; i Eliasiba no ray niteraka an’i Jôiadà;

Nehemia 12:30

Samy nidio tena ny mpisorona sy ny levita; ary nodioviny koa ny olona sy ny vavahady ary ny manda.

Nehemia 12:39

avy eo dia nitety ny vavahadin’i Efraîma, sy ny vavahady tranainy ary ny vavahadin’ny Trondro. Nandalo teo akaikin’ny Tilikambo Hananela sy ny tilikambon’ny Zatolahy ary nihoatra ny vavahadin’ny Ondry izahay, vao nitsatoka teo amin’ny Vavahadin’ny fonja.

Nehemia 13:28

Ny anankiray tamin’ny zanakalahin’i Jôiadà sady zafin’i Eliasiba mpisorombe dia vinantolahin’i Sanebalato ilay Hôrônita, ka dia noroahiko niala tao Jerosalema.

Nehemia 13:4

Talohan’izany i Eliasiba mpisorona no voatendry ho mpiandraikitra ny efitrano fanampiny ao an-tranon’Andriamanitra. Noho izy mpihavana akaiky tamin’i Tôbià,

Nehemia 3:20

Nanarakaraka azy dia i Baraka, zanakalahin’i Zabay, no nazoto namboatra laniny hafa manomboka eo amin’ny zoro ka miafara amin’ny varavaran’ny tranon’i Eliasiba mpisorombe;

Nehemia 3:21

ary teo ankilan’io i Meremôta, zanakalahin’i Orià sy zafin’i Hakôtsa, dia namboatra laniny hafa manomboka eo amin’ny varavaran’ny tranon’i Eliasiba ka tafapaka amin’ny faran’ny tranon’i Eliasiba.

Nehemia 3:32

Ary ny mpanefy volamena sy ny mpivarotra no namboatra ny laniny teo anelanelan’ny trano fitiliana sy ny vavahadin’ny Ondry.

Nehemia 6:1

Ren’i Sanebalato sy i Tôbià ary i Gesema ilay Arabo mbamin’ny namany fahavalonay fa tafatsangako indray ny manda ka tsy misy banga intsony. Kanefa tamin’io fotoana io dia tsy mbola voalatsako ny lela-vavahady.

Nehemia 7:1

Nony vita ny manda ka voalatsako ny lela-vavahady, dia napetraka tamin’ny fandraharahany avy ny mpiandry varavarana sy ny mpihira ary ny levita.

Salamo 30:1

Salamo nataon’i Davida. Hira tamin’ny fitokanana ny lapany.

Salamo 48:12

ary, noho ny fitsarana ara-drariny navoakanao, dia aoka hifaly ny olona ao an-tendrombohitra Tsiôna, aoka hiravo ny mponina ao an-tanànan’i Joda!

Ohabolana 3:6

Mieke Azy amin’izay rehetra alehanao, dia hatorony anao ny soritra harahinao.

Ohabolana 3:9

Anomezo voninahitra ny TOMPO ireo fanananao sy izay voaloham-bokatrao rehetra.

Jeremia 31:38

Hoy ny teny hentitry ny Tompo hoe: «Indro avy ny andro, izay hananganana indray ny mandan’i Jerosalema ho voninahitro, manomboka amin’ny tilikambon’i Hananela ka hatrany amin’ny vavahady an-jorony.

Daniela 9:25

Izao no aoka ho fantatrao sy ho azonao: manomboka amin’ny fotoana nivoahan’ny hafatra mampanamboatra indray an’i Jerosalema, ka hatramin’ny fotoana isehoan’ilay mpitarika voahosotra, dia hisy fito taona impito. Avy eo, mandritra ny fito taona in-62 dia hamboarina indray ny tanàna sy ny hady, nefa ho androm-pahoriana izany.

Zakaria 14:10

Hovana lemaka ny faritra manontolo manodidina an’i Jerosalema, manomboka any Gebà any avaratra ka hatrany Rimôna any atsimo. I Jerosalema dia hisandratra ambonin’ireo tany manodidina azy; ary ny tanàna dia hitatra manomboka eo amin’ny vavahadin’i Benjamîna ka hatramin’ny vavahadin-joro, dia eo amin’ny toeran’ny vavahady tranainy, ary koa manomboka eo amin’ny tilikambon’i Hananehela ka hatramin’ireo famiazam-boaloboky ny mpanjaka.

Jaona 5:2

Ary tao Jerosalema teo akaikin’ny vavahadin’ny ondry, dia nisy dobo anankiray atao hoe Betesdà amin’ny teny hebreo. Lala-mitafo dimy no manamorona ilay dobo,

Deoteronomia 20:5

Avy eo dia hiteny amin’ny miaramila ireo manamboninahitra mpamory azy ka hanao hoe: «Iza aminareo no nahavita trano vaovao nefa mbola tsy nitokanany? Aoka hiverina any an-tranony izy fandrao maty any amin’ny ady, ka olon-kafa no hitokana ny tranony.