Rehefa niverina hijery ny lavaka i Reobena, dia tsy tao intsony i Jôsefa; diso fanantenana izy ka nandriatra ny fitafiany.
Josoa 7:6 - DIEM PROTESTANTA Dia nandriatra fitafiana i Josoa sy ireo loholon’i Israely ka nanosom-bovoka ny lohany sady niankohoka tamin’ny tany teo anoloan’ny Vatamasin’ny TOMPO mandra-paharivan’ny andro. Baiboly Protestanta Malagasy 2011 Dia notriarin’i Josoa ny fitafiany ka niankohoka tamin’ny tany teo anoloan’ny vata misy ny faneken’NY TOMPO mandra-paharivan’ny andro izy sy ny loholon’ny Israely sady nasiany vovoka ny lohany. Dikateny Iombonana Eto Madagasikara Dia nandriatra fitafiana i Josoa sy ireo loholon’i Israely ka nanosom-bovoka ny lohany sady niankohoka tamin’ny tany teo anoloan’ny Vatamasin’ny TOMPO mandra-paharivan’ny andro. Baiboly Katolika Dia notriarin’i Jôsoe ny fitafiany ka nihohoka tamin’ny tany teo anatrehan’ny fiaran’i Iaveh izy sy ny loholon’i Israely, mandra-paharivan’ny andro, sady nandraraka vovoka tamin’ny lohany izy ireo. Baiboly Protestanta Malagasy Dia notriarin’i Josoa ny fitafiany, ka niankohoka tamin’ny tany teo anoloan’ny fiaran’i Jehovah mandra-paharivan’ny andro izy sy ny loholon’ny Isiraely, sady nasiany vovoka ny lohany. Malagasy Bible Dia notriarin'i Josoa ny fitafiany, ka niankohoka tamin'ny tany teo anoloan'ny fiaran'i Jehovah mandra-paharivan'ny andro izy sy ny loholon'ny Isiraely, sady nasiany vovoka ny lohany. La Bible en Malgache Dia notriarin’i Josoa ny fitafiany ka niankohoka tamin’ny tany teo anoloan’ny vata misy ny faneken’NY TOMPO mandra-paharivan’ny andro izy sy ny loholon’ny Israely sady nasiany vovoka ny lohany. |
Rehefa niverina hijery ny lavaka i Reobena, dia tsy tao intsony i Jôsefa; diso fanantenana izy ka nandriatra ny fitafiany.
Dia nandriatra ny fitafiany i Jakôba ka nisikina lamba fisaonana, ary nisaona ny zanany nandritra ny andro maro.
Notriarin’i Davida ny fitafiany ary mba nanao tahaka izany koa ny olony rehetra izay teo.
Mandra-paharivan’ny andro izy ireo dia nitomany sy nifady hanina ary nisaona an’i Saoly sy i Jônatàna zanany mbamin’ny Israelita izay maty an’ady ka anisan’ny vahoakan’ny TOMPO.
Tamin’ny andro fahatelo, nisy lehilahy iray tonga avy any amin’ny tobin’i Saoly. Triatriatra ny akanjony ary feno tany ny lohany. Koa rehefa mby teo amin’i Davida izy, dia niankohoka tamin’ny tany.
Nitalaho tamin’Andriamanitra ho an’ilay zaza i Davida, ka nifady hanina; ary rehefa niditra tao an’efitranony izy nony alina, dia nandry tamin’ny tany.
Norarahany lavenona ny lohany ary notriariny ny akanjo lava teny aminy; dia niloloha tanana izy sady nikiakiaka nitomany teny am-pandehanana.
Dia nitsangana ny mpanjaka ka nandriatra ny akanjony ary nandry tamin’ny tany. Nijoro teo koa ny minisitra rehetra, samy rovitra akanjo avokoa.
Nony ren’i Jôsià mpanjaka ny teny tao amin’ilay Bokin’ny Lalàna, dia nandriatra fitafiana izy.
Raha mbola nanao izany vavaka fieken-keloka izany i Hezrà sady nitomany sy niankohoka teo anoloan’ny tranon’Andriamanitra, dia nisy vahoaka israelita maro, lehilahy sy vehivavy mbamin’ny ankizy madinika, nivory nanodidina azy; ary nitomany mafy dia mafy izy rehetra.
Ny andro faha-24 tamin’izany volana izany ihany, dia nivory hifady hanina ny Israelita ka samy nitondra akanjo malailay sy nanosim-bovoka ny lohany.
Nony fantatr’i Môrdôkay ny zava-drehetra nitranga, dia nandriatra ny fitafiany izy ka nitafy gony sady nihosin-davenona ary nankeo afovoan’ny tanàna ka nitaraina sy nidradradradra mafy.
Tany amin’ny faritany rehetra nahatongavan’ny baiko aman-didin’ny amperôra, dia nalahelo mafy koa ny Jiosy ka nifady hanina sy nitomany ary nidradradradra, sady maro no nitafy gony sy nandry teo ambony lavenona.
Dia nitsangana i Jôba ka nandriatra ny fitafiany sy nanaratra ny lohany ary niampatra tamin’ny tany ka niankohoka
Saiky tsy nahafantatra azy anefa ireo raha nahatazana an’i Jôba, ka dia nitomany; nandriatra fitafiana izy ary nanopy vovoka teny amin’ny rivotra mba hiraraka eny an-dohany avy.
Izany no anatsoahako izay voambarako, sy iekeko hadisoana ary ietreko tena eto amin’ny vovoka sy ny lavenona.
Mitorovoka amin’ny tany sady mangina ny loholon’i Tsiôna; norarahany vovoka ny lohany sady mitafy gony izy. Mitanondrika amin’ny tany ireo tovovavin’i Jerosalema.
I Josa zanakalahin’i Nona sy i Kaleba zanakalahin’i Jefonè izay samy anisan’ny nisafo tany kosa dia nandriatra ny fitafiany
Dia niankohoka tamin’ny tany i Mosesy sy i Aharôna sady nanao hoe: –Ry Andriamanitra ô, Andriamanitra loharanom-piainan’ny voaary rehetra Ianao, ka hotezeranao ve ny fiangonana manontolo noho ny olona iray nanota?
Fa nony nandre izany ireo apôstôly, dia nandriatra ny fitafiany ka nanao anjolofo nitsarapaka tao anaty vahoaka sady niantsoantso hoe:
Ary hoy i Josoa hoe: –Indrisy, ry Tompo ANDRIANANAHARY ô! Nahoana moa izahay vahoakanao izao no nentinao nita an’i Jôrdàna? Mba hanoloranao anay ho eo an-tanan’ny Amôrita ka handringanana anay ve? Naleonay ihany nijanona tany an-dafin’i Jôrdàna!
Dia nanipy vovoka hiraraka tamin’ny lohany izy ireo sady nitomany sy nisaona ka niantsoantso hoe: «Indrisy! Indrisy! Ry tanàna lehibe, izay rakotra zava-tsarobidy ka nampahazo harena ny olona rehetra manana sambo eny an-dranomasina! Satria tanaty adiny iray monja dia foana ianao!»
Koa raha vao nahita azy i Jiftà, dia nandriatra ny fitafiany sady niantso hoe: –Indrisy, anaka, fa nampidi-doza ahy ianao, ary ianao izao no fototry ny hakiviako! Efa nanao voady tamin’ny TOMPO manko aho, ka tsy mahazo mitsoaka ny teny nomeko.
Ary nandeha niakatra tany Betela ny Israelita rehetra sy ny tafiny manontolo ka nipetraka nitomany teo anatrehan’ny TOMPO; tamin’izay dia nifady hanina mandra-paharivan’ny andro izy sady nanao sorona dorana manontolo sy sorom-pihavanana teo anatrehan’ny TOMPO.
Fa tamin’izao indray mandeha izao kosa dia nankany Betela ny vahoaka ary nijanona teo anatrehan’Andriamanitra mandra-paharivan’ny andro. Nitaraina mafy izy ireo ary nitomany fatratra
Androtrio ihany dia nisy lehilahy iray avy tamin’ny fokon’i Benjamîna afa-nitsoaka ny toeram-piadiana ka nilomay hatrany Silao; ho marik’alahelo, dia notriariny ny fitafiany ary nohosorany vovoka ny lohany.