Josoa 13:7 - DIEM PROTESTANTA

Koa ankehitriny, zarao ireto tany efa azo ireto ho lovan’ny foko sivy sy antsasa-pokon’i Manase.

Baiboly Protestanta Malagasy 2011

Ary ankehitriny, zarao izao tany izao ho lovan’ny foko sivy sy ny antsasaky ny fokon’i Manase.

Dikateny Iombonana Eto Madagasikara

Koa ankehitriny, zarao ireto tany efa azo ireto ho lovan’ny foko sivy sy antsasa-pokon’i Manase.

Baiboly Katolika

Ary ankehitriny zarao izany tany izany amin’ny foko sivy, sy ny antsasaky ny fokon’i Manase, mba ho lovany.

Baiboly Protestanta Malagasy

Ary ankehitriny zarao izao tany izao ho lovan’ny firenena sivy sy ny antsasaky ny firenen’i Manase.

Malagasy Bible

Ary ankehitriny zarao izao tany izao ho lovan'ny firenena sivy sy ny antsasaky ny firenen'i Manase.

La Bible en Malgache

Ary ankehitriny, zarao izao tany izao ho lovan’ny foko sivy sy ny antsasaky ny fokon’i Manase.

Josoa 13:7 Rohy Ifampitohizana

Salamo 105:44

nomeny azy ny tanin’ireo hafa firenena ka izay nisasaran’izy ireny no lasany,

Salamo 78:55

noroahiny ny firenen-kafa teo anoloany, nozarainy antsapaka ho azy ny taniny; ka ny tranon’ireo firenen-kafa ireo ihany no nampitoerany ny fokon’i Israely.

Ezekiela 45:1

«Rehefa mizara ny tany ho an’ny isam-poko eo amin’ny Israelita ianareo, dia hisy ampahany havahanareo ho an’ny TOMPO: anjara voatokana ho Azy amin’ny tany izany ka hisy 12 km sy sasany ny lavany ary 10 km ny sakany; voatokana manontolo ho an’ny Tompo izany faritany izany.

Nomery 33:54

Antsapaka no hizarànareo ny tany araka ny tarikareo avy; izay maro an’isa no homenareo zara tany bebe kokoa, ary izay vitsy kosa dia homenareo zara tany kelikely kokoa. Antsapaka ihany no hamaritana ny toerana hisy ny anjaran’ny tarika tsirairay; ary araka ny fokon-drainareo avy no hahazoanareo zara tany.

Nomery 34:13

Dia namepetra ny Israelita i Mosesy ka nanao hoe: –Izany no tany izay nandidian’ny TOMPO fa hozarainareo antsapaka ho an’ny foko sivy sy sasany.

Josoa 13:6

Anisany koa ny faritra be tendrombohitra eo anelanelan’i Libano sy i Misrefôta-Maina izay Tsidônianina avokoa no monina ao. Izaho no handroaka ireny mponina ireny eo anoloan’ny Israelita; fa ianao kosa no hizara antsapaka ny taniny ho lovan’ny Israelita araka izay efa nandidiako anao.

Josoa 13:8

Ny Reobenita sy Gadita miaraka amin’ilay antsasa-pokon’i Manase manko dia efa nahazo ny zaratany nomen’i Mosesy teny atsinanan’i Jôrdàna. Araka izay nomen’i Mosesy mpanompon’ny TOMPO azy,

Josoa 14:2

Antsapaka no nanaovana ny fizaràna ho an’ireo foko sivy sy ilay antsasa-pokon’i Manase, araka izay nandidian’ny TOMPO an’i Mosesy.