Baiboly an-tserasera

dokam-barotra


Ny Baiboly manontolo Testamenta Taloha Testamenta Vaovao




Filemona 1:9 - DIEM PROTESTANTA

dia aleoko manao fiangaviana aminao noho ny fifankatiavantsika. Eny, izaho Paoly dia efa antitra sady voafonja noho ny amin’i Kristy Jesoa ankehitriny;

Jereo ny toko

Baiboly Protestanta Malagasy 2011

dia aleoko, izaho Paoly izay efa antitra sady mpifatotra noho ny amin’i Kristy Jesosy no miangavy anao ankehitriny noho ny fitiavana.

Jereo ny toko

Dikateny Iombonana Eto Madagasikara

dia aleoko manao fiangaviana aminao noho ny fifankatiavantsika. Eny, izaho Paoly dia efa antitra sady voafonja noho ny amin’i Kristy Jesoa ankehitriny;

Jereo ny toko

Baiboly Katolika

dia aleoko miangavy aminao noho ny fitiavana. Hitanao izaho Paoly efa antitra sady mpifatotr’i Jesoa Kristy koa ankehitriny,

Jereo ny toko

Baiboly Protestanta Malagasy

nefa noho ny fitiavana, izaho Paoly, izay efa anti-panahy sady mpifatotra an’i Kristy Jesosy koa ankehitriny, dia miangavy aminao.

Jereo ny toko

Malagasy Bible

nefa noho ny fitiavana, izaho Paoly, izay efa anti-panahy sady mpifatotra an'i Kristy Jesosy koa ankehitriny, dia miangavy aminao.

Jereo ny toko

La Bible en Malgache

dia aleoko, izaho Paoly izay efa antitra sady mpifatotra noho ny amin’i Kristy Jesosy no miangavy anao ankehitriny noho ny fitiavana.

Jereo ny toko



Filemona 1:9
17 Rohy Ifampitohizana  

Antitra sy fotsy volo aho ankehitriny, nefa aza afoy, Andriamanitra ô; enga anie aho ho afaka hanambara ny asanao mahery vaika sy mahomby amin’ireo tanora sy ny taranaka manaraka!


Aza arianao aho, nony antitra; aza afoy, rehefa lany hery.


Satroboninahitra marevaka ny volo fotsy; fizorana amam-pahamarinana no ahazoana azy.


Tsy hiova Aho, na dia mandra-pahantitrareo aza; hanohana anareo Aho mandra-pahafotsin’ny volonareo. Izaho no nanao anareo sy nitrotro anareo hatrany; eny, Izaho no hanohana anareo sy hamonjy anareo.


Ry havana, satria efa nanehoan’Andriamanitra ny hatsaram-pony isika, dia manainga anareo aho, mba samy hanolotra ny tenanareo ho sorona velona, voatokana ho an’Andriamanitra sady ankasitrahany. Izany no fanompoam-pivavahana tokony hataonareo.


Koa dia iraka solotenan’i Kristy izahay, ka tahaka ny hoe Andriamanitra mihitsy no mananatra anareo amin’ny alalanay. Solotenan’i Kristy izahay no miangavy anareo hoe: meteza hampihavanina amin’Andriamanitra ianareo.


Mpiara-miasa amin’Andriamanitra izahay, ka mananatra anareo mba tsy hamela ho very maina ny fahasoavana voarainareo taminy.


Noho ny finoana manko dia zanak’Andriamanitra avokoa ianareo, satria tafaray amin’i Kristy Jesoa.


Noho izany izaho Paoly, izay migadra noho ny amin’i Kristy Jesoa hanasoavana anareo hafa firenena, dia mangataka amin’Andriamanitra ho anareo.


Koa mangataka aminareo aho, dia izaho izay migadra noho ny amin’ny Tompo: manàna fitondrantena mendrika ny fiantsoan’Andriamanitra anareo.


Iraka mitondra izany Vaovao Mahafaly izany aho, na dia migadra aza ankehitriny; koa mivavaha ho ahy mba hilazako izany amim-pahasahiana, araka ny tokony hoteneniko.


Velom-pisaorana an’i Kristy Jesoa Tompontsika aho, fa nomeny hery hahatontosako ny fanompoako. Velom-pisaorana Azy aho fa nataony mahatoky ka notendreny hanompo Azy,


Anaro ny lehilahy zokiolona mba hahalala onony amin’ny fisotro, ho maotina, hahafehy tena, tsy hisy tomika amin’ny finoana, amin’ny fitiavana, amin’ny faharetana.


Iangaviako manokana ianareo hangataka amin’Andriamanitra mba hamerenany ahy faingampaingana atỳ aminareo.


Ry hava-malala, amin’ny maha vahiny sy mpivahiny anareo eto an-tany dia mampirisika anareo aho mba hifady ny filàndratsin’ny maha olona mpanota, fa miady manohitra ny fanahinareo ireny.


Ary raha misy rainy na anadahiny tonga hitaraina aminay, dia hovalianay hoe: «Miangavy anareo izahay mba tsy ho sarotiny amin’ireo lehilahy benjaminita, satria tsy nahazo vehivavy ho azy ireo tsirairay avy izy tamin’ny ady tao Jabesy. Ary satria tsy ianareo no nanome azy ny zanakareo vavy, dia tsy azo ampangaina ho meloka amin’ny fianianana ianareo».