Mpitsara 9:4 - Baiboly Katolika Nomen’izy ireo vola fitopolo sikla izy, izay nalainy tao an-tranon’i Baala-Berita, ka nentin’i Abimeleka nanisihany izao olom-poana sy mpijirika rehetra izao, izay niraikitra taminy. Baiboly Protestanta Malagasy 2011 Dia nomeny volafotsy fitopolo sekela avy tao an-tranon’i Baala-Berita izy, ary nanambazan’i Abimeleka olom-poana sy maditra maromaro hanaraka azy izany volafotsy izany. DIEM PROTESTANTA Ary nanome sekela volafotsy fitopolo avy tao amin’ny rakitry ny tempolin’i Bahala-Berita ho an’i Abimelèka izy. Izany vola izany no hividianan’i Abimelèka ireo olom-poana sy marivo salosana hanaraka azy. Dikateny Iombonana Eto Madagasikara Ary nanome sekela volafotsy fitopolo avy tao amin’ny rakitry ny tempolin’i Bahala-Berita ho an’i Abimelèka izy. Izany vola izany no hividianan’i Abimelèka ireo olom-poana sy marivo salosana hanaraka azy. Baiboly Protestanta Malagasy Dia nomeny sekely volafotsy fito-polo avy tao an-tranon’i Bala-berita izy, ary nanambazan’i Abimeleka olom-poana sy marivo salosana izany, ka dia nanaraka azy ireo. Malagasy Bible Dia nomeny sekely volafotsy fito-polo avy tao an-tranon'i Bala-berita izy, ary nanambazan'i Abimeleka olom-poana sy marivo salosana izany, ka dia nanaraka azy ireo. La Bible en Malgache Dia nomeny volafotsy fitopolo sekela avy tao an-tranon’i Baala-Berita izy, ary nanambazan’i Abimeleka olom-poana sy maditra maromaro hanaraka azy izany volafotsy izany. |
Raha ilay nody hitso-drano ny ankohonany iny i Davida, dia nivoaka hitsena an’i Davida i Mikola zanak’i Saola, sy nanao hoe: «Endrey izany voninahitry ny mpanjakan’i Israely androany, tamin’izy nanary lamba teo anatrehan’ny ankizy vavin’ny mpanompony, tahaka ny fanary lamban’ny olom-poana!»
Olona tsinontsinona, zanak’i Beliala, no niangona teo aminy, sy naharesy an-dRôbôama zanak’i Salômôna. Ary mbola tanora sy sarotsaro-tahotra i Rôbôama fahizay, ka tsy nahatohitra azy ireo.
Olona adala sy taranaky ny tsy misy hajany ireny, ka roahina amim-panesoana amin’ny tany onenana.
Ny mpaminaniny vavàna sady olona mamitaka; ny mpisorony mandoto ny zava-masina sy mandika ny lalàna.
Fa velom-pialonana kosa ny Jody, ka namory olona ratsy fanahy tamin’ny faikan’olona, ary nony tafavory betsaka izy ireo, dia nampitabataba ny tanàna. Nanodidina ny tranon’i Jasôna izy ireo nitady hamoaka azy roa lahy ho eo anatrehan’ny vahoaka.
Dia nandositra lavitra ny rahalahiny i Jefte, ka nonina tany amin’ny tany Tôba. Ary nisy olom-poana nitambatra taminy, ary niara-nandehandeha izy.
Nony maty i Jedeôna dia nitolo-tena tamin’ireo Baala indray ny zanak’i Israely; ka i Baala-Berita no nataony andriamaniny.
ka nivoaka nankany an-tsaha izy ireo: nioty ny voalobony, namoritra azy, nanao fety, ary niditra tany an-tranon’ny andriamaniny, nihinana sy nisotro, ary nanozona an’i Abimeleka.
Ary niangona teo aminy avokoa ny nampahorîna, ny ananan’olon-trosa, ny manana alahelo rehetra, ka tonga filohan’ireo izy, ary nisy sahabo ho efajato lahy no teo aminy.