Marka 11:22 - Baiboly Katolika Ary hoy ny navalin’i Jesoa azy: «Manàna finoana an’Andriamanitra. Baiboly Protestanta Malagasy 2011 Fa hoy Jesosy tamin’ny mpianatra: Manàna finoana an’Andriamanitra ianareo. DIEM PROTESTANTA Namaly i Jesoa ka nanao tamin’ireo mpianany hoe: –Manàna finoana an’Andriamanitra! Dikateny Iombonana Eto Madagasikara Namaly i Jesoa ka nanao tamin’ireo mpianany hoe: –Manàna finoana an’Andriamanitra! Baiboly Protestanta Malagasy Ary Jesosy namaly ka nanao taminy hoe: Manàna finoana an’Andriamanitra. Malagasy Bible Ary Jesosy namaly ka nanao taminy hoe: Manàna finoana an'Andriamanitra. La Bible en Malgache Fa hoy Jesosy tamin’ny mpianatra: Manàna finoana an’Andriamanitra ianareo. |
Nony ampitso, nifoha maraina koa izy ireo, dia niainga nankany an’efitr’i Tekôe. Ilay lasa iny izy, dia nitsangana teo i Jôsafata, ka nanao hoe: «Mihainoa ahy, ry Jodà, sy ianareo mponina ao Jerosalema! Matokia an’i Iaveh Andriamanitrareo, dia tsy ho voahozongozona ianareo, ary matokia ny mpaminaniny, dia hoambinina ianareo.»
Andriamanitra no iankinan’ny famonjena ahy amam-boninahitro. Amin’Andriamanitra ny vatolampin’ny heriko, ny fialofako.
Ary i Samaria no lohan’i Efraima, ny zana-dRomelia no lohan’i Samaria. Raha tsy mino ianareo, dia tsy haharitra.»
Dia nidina avy eny an-tsambo i Piera, ka nandeha teny ambony rano ho eny amin’i Jesoa.
Iny karazana iny anefa tsy azo roahina raha tsy amin’ny fivavahana sy amin’ny fifadian-kanina.»
Ary i Jesoa namaly ka nanao taminy hoe: «Izaho milaza marina aminareo, fa raha manam-pinoana ianareo ka tsy misalasala, dia tsy ny natao tamin’ny aviavy ihany no ho vitanareo, fa na itsy tendrombohitra itsy aza hilazanareo hoe: ‹Mialà ianao, ka mianjerà any an-dranomasina›, dia ho tonga izany.
Niaraka tamin’izay, dia sady niantso mafy ny rain-drazazalahy no nanao an-dranomaso hoe: «Mino aho, Tompoko, fa vonjeo re ity tsy finoako.»
fa niara-nilevina taminy ianareo tamin’ny Batemy, ary niara-nitsangana taminy tamin’ny Batemy ihany koa, noho ny finoanareo ny herin’Andriamanitra izay nanangana Azy ho velona.
Izaho Paoly, mpanompon’Andriamanitra sy Apôstôlin’i Jesoa Kristy momba ny finoan’ny olom-pinidin’Andriamanitra sy ny fahalalana tsara ny marina izay mahasoa ny fanahy,