1Tantara 28:5 - Baiboly Katolika Tamin’ny zanako rehetra kosa, - fa nomen’i Iaveh zanaka maro aho, - i Salômôna zanako no nofidiny, mba hampipetraka azy amin’ny seza fiandrianan’ny fanjakan’i Iaveh amin’i Israely. Baiboly Protestanta Malagasy 2011 Ary tamin’ny zanako rehetra, fa zanaka maro no nomen’NY TOMPO ahy, dia i Solomona zanako no nofidiny hipetraka amin’ny sezafiandrianan’ny fanjakan’NY TOMPO hanjaka amin’ny Israely. DIEM PROTESTANTA Tamin’ny zanakalahiko rehetra kosa (fa nomen’ny TOMPO zanakalahy maro aho), dia i Salômôna zanako no nofidiny hipetraka eo amin’ilay sezafiandrianana manambara ny fanjakàn’ny TOMPO amin’i Israely. Dikateny Iombonana Eto Madagasikara Tamin’ny zanakalahiko rehetra kosa (fa nomen’ny TOMPO zanakalahy maro aho), dia i Salômôna zanako no nofidiny hipetraka eo amin’ilay sezafiandrianana manambara ny fanjakàn’ny TOMPO amin’i Israely. Baiboly Protestanta Malagasy Ary tamin’ny zanako rehetra (fa zanaka maro no nomen’i Jehovah ahy) dia Solomona zanako no nofidiny hipetraka amin’ny seza fiandrianan’ny fanjakan’i Jehovah hanjaka amin’ny Isiraely. Malagasy Bible Ary tamin'ny zanako rehetra (fa zanaka maro no nomen'i Jehovah ahy) dia Solomona zanako no nofidiny hipetraka amin'ny seza fiandrianan'ny fanjakan'i Jehovah hanjaka amin'ny Isiraely. La Bible en Malgache Ary tamin’ny zanako rehetra, fa zanaka maro no nomen’NY TOMPO ahy, dia i Solomona zanako no nofidiny hipetraka amin’ny sezafiandrianan’ny fanjakan’NY TOMPO hanjaka amin’ny Israely. |
Mandehana midira ao amin’i Davida mpanjaka ka lazao aminy hoe: ‹Ry mpanjaka tompoko ô: tsy efa nianiana tamiko mpanomponao va ianao, nanao hoe: I Salômôna zanakao hanjaka handimby ahy, ary izy no hipetraka eo amin’ny seza fiandrianako? Ka ahoana àry no i Adoniasa indray ity no tonga mpanjaka?›
Ny mason’i Israely rehetra anefa izao, ry mpanjaka tompoko ô, dia samy manandratra anao, hanambara izay hipetraka handimby anao, eo amin’ny seza fiandrianan’ny mpanjaka tompoko.
dia hotanterahiko anio ilay fianianana nataoko tamin’i Iaveh Andriamanitr’i Israely hoe: I Salômôna zanakao lahy hanjaka handimby ahy ary hipetraka eo amin’ny seza fiandrianako hisolo ahy.»
Raha efa izany, miakara manaraka azy ianareo, fa ho avy hipetraka eo amin’ny seza fiandrianako izy, ka hanjaka hisolo ahy, satria izy no tendreko ho filohan’i Israely sy i Jodà.»
Dia hoy izy: «Fantatrao fa efa tato amiko ny fanjakana; izaho no efa nandrandrain’i Israely rehetra mba hanjakako. Kanjo nafindra ny fanjakana ka lasan’ny rahalahiko, fa efa natokan’i Iaveh ho azy.
Ary notanterahin’i Iaveh ny teny efa nolazainy, fa nisandratra handimby an’i Davida raiko aho, ary nipetraka eo amin’ny seza fiandrianan’i Israely, araka ny efa voalazan’i Iaveh ary nanao ny trano ho an’ny Anaran’i Iaveh Andriamanitr’i Israely.
Hampitoeriko mandrakizay ao an-tranoko sy amin’ny fanjakako izy, ary hiorina mandrakizay ny seza fiandrianany.
Nony efa tratra antitra sy feno andro i Davida, dia i Salômôna zanany no natsangana ho mpanjaka tamin’i Israely.
Ary hoy i Davida mpanjaka tamin’ny fiangonana rehetra: «I Salômôna zanako, ilay hany nofidin’Andriamanitra, dia mbola tanora sy osa, ary ny asa hatao dia lehibe, fa tsy lapa ho an’olombelona ity, fa ho an’i Iaveh Andriamanitra.
Nipetraka teo amin’ny seza fiandrianan’i Iaveh i Salômôna, ho mpanjaka dimbin’i Davida rainy, sady nambinina izy ary nankatoavin’i Israely rehetra.
Efa tratra antitra tsara sady voky andro sy harena amam-boninahitra izy vao maty, ary i Salômôna zanany no nanjaka nandimby azy.
Hisaorana anie i Iaveh Andriamanitrao, izay mankasitraka anao ka nametraka anao amin’ny seza fiandrianany, ho mpanjaka ho an’i Iaveh Andriamanitrao! Noho ny fitiavan’Andriamanitrao an’i Israely, ary mba hampaharitra azy mandrakizay no nananganany anao ho mpanjaka ao aminy, mba hanao ny hitsiny sy ny rariny.»
dia izay hofidin’i Iaveh Andriamanitrao ihany no hatsanganao ho mpanjaka hifehy anao; eo afovoan’ny rahalahinao ihany no hangalanao mpanjaka izay hatsanganao hifehy anao, fa ny olon-kafa firenena, izay tsy rahalahinao, dia tsy ho azonao halaina ho mpanjakanao.