Jozue 12 - Bibl Koad 21: Ar Bibl e Brezhoneg evit ar Vretoned

Pennad 12 Ar rouaned trec'het gant Moizez ha Jozue

¹ Setu rouaned ar vro a voe trec'het gant mibien Israel; hag e perc'hennjont o bro en tu all d'ar Jordan etrezek ar sav-heol, adalek froud an Arnon betek Menez Hermon hag an holl blaenenn er sav-heol:

² Sihon roue an Amoreaned, a oa o chom en Hesbon. Ren a rae adalek Aroer, a zo war ribl froud an Arnon, adalek kreiz ar froud hag an hanter eus Galaad, betek froud ar Jabok, harz mibien Ammon,

³ ha war ar blaenenn betek ar Mor Kinnered war-zu ar sav-heol, ha betek mor ar blaenenn, a zo Mor an Holen, er sav-heol war hent Bet-Jeshimod, ha war-zu ar c'hreisteiz betek traoñ ar Pisga.

⁴ Douar Og roue Basan, un nemorant eus ar Refaim, a oa o chom en Ashtarod hag en Edrei.

⁵ Ren a rae war Venez Hermon, war Salka ha war Vasan en e bezh betek harzoù ar C'heshurianed hag ar Vaakatianed, hag an hanter eus Galaad ouzh harz Sihon roue Hesbon.

⁶ Moizez servijer an AOTROU ha mibien Israel a bilas anezho, ha Moizez servijer an AOTROU a roas d'o ferc'hennañ d'ar Rubeniz, d'ar C'hadiz ha da hanter-veuriad Manase.

⁷ Setu rouaned ar vro a voe trec'het gant Jozue ha gant mibien Israel en tu-mañ d'ar Jordan, etrezek ar c'huzh-heol, adalek Baal-Gad e traonienn al Liban betek Menez Halak a bign da Seir; Jozue a roas da berc'hennañ da veuriadoù Israel, pep a lodenn,

⁸ ar menezioù, an traoniennoù, ar plaenennoù, ar c'hrec'hioù, ar gouelec'h hag ar c'hreisteiz, e-lec'h ma oa an Hitited, an Amoreaned, ar Gananeiz, ar Ferezianed, an Hevianed hag ar Jebuziz.

⁹ Roue Jeriko, unan; roue Ai e-kichen Betel, unan;

¹⁰ roue Jeruzalem, unan; roue Hebron, unan;

¹¹ roue Jarmud, unan; roue Lakish, unan;

¹² roue Eglon, unan; roue Gezer, unan;

¹³ roue Debir, unan; roue Geder, unan;

¹⁴ roue Horma, unan; roue Arad, unan;

¹⁵ roue Libna, unan; roue Adullam, unan;

¹⁶ roue Makkeda, unan; roue Betel, unan;

¹⁷ roue Tappuak, unan; roue Hefer, unan;

¹⁸ roue Afek, unan; roue Saron, unan;

¹⁹ roue Madon, unan; roue Hazor, unan;

²⁰ roue Shimron-Meron, unan; roue Akshaf, unan;

²¹ roue Taanak, unan; roue Megiddo, unan;

²² roue Kedesh, unan; roue Jokneam war ar C'harmel, unan;

²³ roue Dor war grec'h Dor, unan; roue Goim e-kichen Gilgal, unan;

²⁴ roue Tirza, unan. An holl rouaned: unan ha tregont.