Nehemia 12 - ÎVUKU RÎA ÛVORO MWARO

Mûtaratara wa Athînjîri-Ngai na Alawi

¹ Ûyû nîguo mûtaratara wa athînjîri-Ngai na Alawi arîa maaumire îthamîriorî. Maaûkire marî vamwe na Zerubabeli mûvîcî wa Shealitieli na marî na Jeshua mûthînjîri-Ngai mûnene. Athînjîri-Ngai maarî: Seraia, Jeremia, Ezira,

² Amaria, Maluki, Hatushi,

³ Shekania, Rehumu, Meremothi,

⁴ Ido, Ginethoi, Abija,

⁵ Mijamini, Maadia, Biliga,

⁶ Shemaia, Joiaribu, Jedaia,

⁷ Salu, Amoku, Hilikia, na Jedaia. Aya nîo maarî anene gatagatîrî ka athînjîri-Ngai na aa mûrwang'ina vîndî ya Jeshua.

⁸ Nao Alawi maarî: Jeshua, Binui, Kadimieli, Sherebia, Juda, na Matania ûrîa ke na andû ao maarî arûngamîrîri a nyîmbo cia gûcokia ngatho.

⁹ Bakibukia, Uno, na aa mûrwang'ina meekaraga mwena ûcio wîngî maroranîtie vîndî ya ûtungata.

Njiarwa cia Jeshua ûrîa warî Mûthînjîri-Ngai mûnene

¹⁰ Jeshua aarî îthe wa Joakimu, Joakimu aarî îthe wa Eliashibu. Eliashibu aarî îthe wa Joiada,

¹¹ Joiada aarî îthe wa Jonathani, nake Jonathani aarî îthe wa Jadua.

Atongoria a mbarî cia Athînjîri-Ngai

¹² Vîndî îrîa Joiakimu aarî mûthînjîri-Ngai, andû aya mandîkîtwe ava nîo maarî atongoria a mbarî cia athînjîri-Ngai. Meraia aarî wa mbarî ya Seraia, Hanania aarî wa mbarî ya Jeremia

¹³ Meshulamu aarî wa mbarî ya Ezira. Jehohanani aarî wa mbarî ya Amaria.

¹⁴ Jonathani aarî wa mbarî ya Maluki. Josefu aarî wa mbarî ya Shebania.

¹⁵ Adina aarî wa mbarî ya Harimu. Helikai aarî mûtongoria wa mbarî ya Meraiothi.

¹⁶ Zekaria aarî wa mbarî ya Ido. Meshulamu aarî wa mbarî ya Ginethoni.

¹⁷ Zikiri aarî wa mbarî ya Abija. Pilitai aarî wa mbarî ya Miniamini na ya Moadia.

¹⁸ Shamua aarî wa mbarî ya Biliga. Jehonathani aarî wa mbarî ya Shemaia.

¹⁹ Matenai aarî mûtongoria wa mbarî ya Joiaribu, Uzi aarî mûtongoria wa mbarî ya Jedaia.

²⁰ Kalai aarî wa mbarî ya Salai. Eberi aarî wa mbarî ya Amoku.

²¹ Hashabia aarî wa mbarî ya Hilikia, Nethanieli aarî wa mbarî ya Jedaia.

Mbarî cia athînjîri-Ngai na Alawi

²² Vîndî îrîa Eliashibu, Joiada, Jonathani na Jadua maarî athînjîri-Ngai arîa anene, nîkwandîkirwe mûtaratara wa atongoria a mbarî cia Alawi na mbarî cia athînjîri-Ngai. Mûtaratara ûcio warîkire vîndî îrîa Dario aarî mûnene wa vûrûri wa Perisia.

²³ Atongoria a mbarî cia Alawi maandîkirwe îvukuurî rîa maûndû ma mavinda ma tene nginyagia vîndî ya Johanani mûvîcî wa Eliashibu.

Mawîra hekarûrî

²⁴ Atongoria a Alawi maarî: Hashabia, Sherebia, Jeshua mûvîcî wa Kadimieli. Nao aa mûrwang'ina nîmaarûngamaga mwena ûcio wîngî merekanîrîte na nîmaainaga nyîmbo cia gûkumia na gûcokia ngatho kûrî Ngai kûringana na ûrîa Daudi mûndû wa Ngai amaathîte.

²⁵ Matania, Bakibukia, Obadia, Meshulamu, Talimoni, na Akubu maarî arangîri na maarangagîra nyomba irîa ciaigagwa indo marî ivingorî cia hekarû.

²⁶ Andû aya maatûûraga mwoyo vîndî ya Joiakimu mûvîcî wa Jeshua, Jeshua mûvîcî wa Jozadaki, na vîndî ya Nehemia ûrîa warî mûnene, na vîndî ya mûthînjîri-Ngai Ezira ûrîa warî mûndû mûgî ûvororî wa watho.

Nehemia nîwamûrire rûthingo rwa îtûûra rîa Jerusalemu

²⁷ Vîndî ya kwamûrîra Ngai rûthingo rwa Jerusalemu Alawi onthe nîmaaretirwe vamwe kuuma kûrîa maatûûraga. Maaretirwe vamwe Jerusalemu nîguo makûngûîre wamûri ûcio marî na gîkeno, magîcokagîria Ngai ngatho, makinaga na ithaani irîa iringithanagua, ngita na mîtûrirû.

²⁸ Nao avîcî a aini a nyîmbo nîmaagomanire vamwe kuuma icunjîrî irîa ciathiûrûrûkîrîtie Jerusalemu kûrîa maatûûraga na kuuma icagirî cia îtûûra rîa Netofa,

²⁹ na kuuma Bethigiligali, Geba, na Azimavethi.

³⁰ Athînjîri-Ngai na Alawi nîmaathondekire magongoona ma kwîtheria o ene, kûtheria andû, ivingo, na rûthingo rwa îtûûra rîa Jerusalemu.

³¹ Nînacokire ngîgomanithia atongoria a Juda rûthingorî îgûrû. Nînaamatuire arûngamîrîri a ikundi igîrî nene irîa ciathiûrûrûkire îtûûra rînene igîcokagia ngatho kûrî Ngai. Gîkundi kîmwe Kîamthiîre mwena wa ûrîo îgûrû rîa rûthingo merekerete Kîvingorî Kîam Gîko.

³² Hoshaia aathiîre vuva wa aini a nyîmbo, arûmîrîrîtwe nî nuthu ya atongoria a Juda.

³³ Nîmaarûmîrîrîtwe nî athînjîri-Ngai makîvuvaga tûrumbeta. Athînjîri-Ngai acio maarî, Azaria, Ezira, Meshulamu,

³⁴ Juda, Benjamini, Shemaia, na Jeremia.

³⁵ Nîmaacokete makarûmîrîrwa nî amwe a avîcî a athînjîri-Ngai marî na tûrumbeta. Nao maarî: Zakaria mûvîcî wa Jonathani, mûvîcî wa Shemaia, Shemaia ûrîa wa mûvîcî wa Matania, Matania mûvîcî wa Mikaia, Mikaia mûvîcî wa Zakuri. Acio onthe maarî njiarwa cia Asafu.

³⁶ Nao andû ao; Shemaia, Azareli, Milalai, Gilalai, Maai, Nethanieli, Juda, na Hanani, marî na indo cia kwina ta irîa cia Daudi mûndû wa Ngai nîmaamarûmîrîrîte. Nake Ezira mûndû ûrîa warî na ûgî mwîngî maûndûrî megiî watho nîke watongoretie gîkundi kîu.

³⁷ Kîvingorî kîrîa Kîamrî kîthimarî Kîam manjî nîmaaunûkirie mathiîrîrîte ngathîrî îrîa yathiîte îtûûrarî rînene rîa Daudi. Nîmaavîtûkire mûciî wa mûthamaki Daudi, na nîmaathiîrîre vuva wa rûthingo nginya kîvingorî Kîam manjî, mwena wa îrathîro wa îtûûra rîa Jerusalemu.

³⁸ Gîkundi kîu kîngî Kîam andû arîa mainaga nyîmbo cia gûcokia ngatho nîkîathiîrîre îgûrû rîa rûthingo mwena wa ûmotho. Na nie nînaamarûmîrîre tûrî na nuthu ya andû. Nîtwathiîre tûkîvîtûkîrîra nyombarî îrîa Ndaca ya Mariko, nginya Rûthingorî Rwariî.

³⁹ Kuuma vau nîtwavîtûkîrîre kîvingorî Kîam Efiraimu, na tûkîvîtûkîra kîvingorî kîrîa gîa tene (na nîkîo gîtagwa rîngî kîvingo Kîam Jeshana). Nîtwavîtûkîrîre kîvingorî Kîam nthamaki, na nyombarî ndaca na îgûrû ya îgana nginya tûgîkinya kîvingorî Kîam ng'ondu. Mûthiûrûrûko wetû warîkîre vakuvî na kîvingo Kîam njeera.

⁴⁰ Kwoguo ikundi icio igîrî cia arîa maacokagia ngatho kûrî Ngai nîciarûngamire hekarûrî. Nie na atongoria arîa twarî nao gîkundirî gîakwa,

⁴¹ kwarî na athînjîri-Ngai maarî na tûrumbeta. Athînjîri-Ngai acio maarî: Eliakimu, Maaseia, Miniamini, Mikaia, Elioenai, Zekaria, na Hanania.

⁴² Nao nîmaarûmîrîrîtwe nî Maaseia, Shemaia, Eleazaru, Uzi, Jehohanani, Malikija, Elamu, na Ezeri. Aini a nyîmbo nîmaainire matongoretue nî Jezirahia.

⁴³ Mûthenya ûcio andû nîmaarutire magongoona meengî na nîmaakenire nîûndû Ngai nîwamavete gîkeno kînene. Aka na ciana wanao nîmaakenire na înegene rîa gîkeno Kîamo kuuma îtûûrarî rîa Jerusalemu nîrîegwîkaga kûndû kûraca.

Maruta vîndî ya kûgooca Ngai hekarûrî

⁴⁴ Kavinda kau andû nîmaathuurirwe a kûrûngamîrîra nyomba irîa cigagwa indo irîa ciarutagwa nîûndû wa hekarû. Kûu nwakuo kwaigagwa matega ma gîcunjî gîa îkûmi na irio cia mûgûnda cia mbere na matunda marîa maatunîvaga mbere wa mwaka wa mwaka. Arûme acio nîo meerirwe mocage maruta kuuma mîgûndarî îrîa yarî vakuvî na matûûra nîûndû wa Alawi na athînjîri-Ngai wata ûrîa Watho waugîte. Andû onthe a Juda nîmaakenire nî athînjîri-Ngai na Alawi arîa maatungataga,

⁴⁵ nîûndû nîmaathondekire magongoona ma kwîtheria na mengî marîa Ngai wao aathanîte. Aini a nyîmbo na arangîri a ivingo wanao nîmaarutire mawîra mao kûringana na ûrîa Daudi na mûvîcî Solomoni maathanîte.

⁴⁶ Nîûndû kuuma tene vîndî ya Daudi na Asafu kwethagîrwa kûrî na mûnene wa aini a nyîmbo, na kwarî na nyîmbo cia gûkumia na gûcokia ngatho kûrî Ngai.

⁴⁷ Kuuma vîndî ya Zerubabeli wana vîndî ya Nehemia andû onthe a Isiraeli nîmaavecanaga gîcunjî Kîam indo ciao wa mûthenya nîûndû wa aini a nyîmbo na arangîri a ivingo. Na nwa maarutaga gîcunjî nîûndû wa Alawi, nao Alawi nîmaacokaga makaruta gîcunjî kîrîa Kîamrutagwa nîûndû wa njiarwa cia Aroni.