Nehemia 12:27 - ÎVUKU RÎA ÛVORO MWARO

²⁷ Vîndî ya kwamûrîra Ngai rûthingo rwa Jerusalemu Alawi onthe nîmaaretirwe vamwe kuuma kûrîa maatûûraga. Maaretirwe vamwe Jerusalemu nîguo makûngûîre wamûri ûcio marî na gîkeno, magîcokagîria Ngai ngatho, makinaga na ithaani irîa iringithanagua, ngita na mîtûrirû.

Nehemia 12:27 Referencias Cruzadas

2Sam 6:12

Mûthamaki Daudi nîwegwire, atî Ngai-Mûnene nîarathimîte Obedi-edomu na kîrîa kîonthe arî nakîo vamwe na andû onthe a mûciî wake nîûndû wa îthandûkû rîa kîrîkanîro. Kwoguo nîwathiîre akîruta îthandûkû rîa kîrîkanîro mûciî kwa Obedi-edomu na akîrîvira îtûûrarî rîa Daudi na gîkeno kînene mûno.

1Atha 8:63

Solomoni nîwarutire ndegwa ngiri mîrongo îîrî na igîrî na ng'ondu ngiri îgana rîmwe rîa mîrongo îîrî irî matega ma thayû. Ûguo nîguo mûthamaki vamwe na andû onthe a Isiraeli maamûrire hekarû.

1Maû 13:8

Daudi na andû onthe nîmeinagia na vinya wao wonthe magîkumagia Ngai. Nîmaainaga makîvûraga indo cia kwina ta ngita, ndarama, ithaani irîa iringithanagua na tûrumbeta.

1Maû 15:12

Nake nîwamerire atîrî, “Mue mûrî anene a mbarî cia Alawi. Îtherieni na mûtherie andû enyu nîguo mûvote kûreta îthandûkû rîa kîrîkanîro Kîam Ngai-Mûnene, Ngai wa Isiraeli rîvirwe vandû varîa nîrîvarîrîtie.

1Maû 15:16

Nîwathire anene a Alawi mathuure andû amwe ao a kwina makîvûraga indo ta ngita na ithaani irîa iringithanagua nîguo maine nyîmbo na gîkeno maugîrîrîtie.

1Maû 15:28

Kwoguo andû onthe a Isiraeli nîmaavirire îthandûkû rîa kîrîkanîro Kîam Ngai-Mûnene Jerusalemu. Maathiîre makiugagîrîria nîûndû wa gîkeno na nîmaavuvaga tûrumbeta, coro, makîringithanagia ithaani, makinaga nyîmbo na ngita.

1Maû 15:4

Nîwacokire akîgomanithia vamwe njiarwa cia Aroni na cia Alawi.

1Maû 16:42

Hemani na Jeduthuni maarî na wîra wa kûvuva tûrumbeta, kûringithania ithaani, na indo ciîngî irîa ciavûthagîrwa vîndî ya kwina nyîmbo cia gûkumia Ngai-Mûnene. Avîcî a Jeduthuni nîmaathuurirwe matuîke arangîri.

1Maû 16:5

Asafu ûrîa waringithanagia ithaani irîa igambaga nîke wathuurirwe arî mûtongoria, nake Zekaria nîke wamûtethagia. Nao Jeieli, Shemirathothi, Jehieli, Matithia, Eliabu, Benaia, Obedi-edomu na Jeieli nîo maavûraga ngita na mîtûrirû.

1Maû 23:5

nao Alawi ngiri inya (4,000) marî arangîri, na engî ngiri inya (4,000) agûkumagia Ngai-Mûnene makîvûthagîra indo cia kwina nyîmbo irîa naarûthire nîûndû wa ûndû ûcio.

1Maû 26:31

Jeria nîke warî mûtongoria wa njiarwa cionthe cia Heburoni. Mwaka wa mîrongo îna wa ûthamaki Daudi, nîgwatuîrirue waro na nîkwamenyekire atî njiarwa cia Heburoni nîcio ciarî na arûme maarî na ûvoti mûnene na maatûûraga Jazeri vûrûrirî wa Gileadi.

2Maû 29:25

Mûthamaki Hezekia nîwarûmîrîre maûndû marîa Ngai-Mûnene aathîte mûthamaki Daudi na njîra ya Gadi ûrîa warî mwoni maûndû ma mûthamaki na mûrathi Nathani. Kwoguo nîwaigire Alawi hekarûrî marî na mîtûrirû, ngita na ithaani irîa iringithanagua kûringana na ûrîa Ngai-Mûnene aathanîte na njîra ya arathi ake.

2Maû 29:30

Nake mûthamaki Hezekia na anene nîmaathire Alawi makumie Ngai-Mûnene na nyîmbo irîa ciatungîtwe nî Daudi na Asafu, ûrîa warî mwoni. Kwoguo andû onthe nîmaakumirie Ngai-Mûnene marî na gîkeno na nîmeenamîrîrie mothiû mao nthî na makîgooca Ngai.

2Maû 5:13

Aini a nyîmbo, ngita, ithaani irîa iringithanagua, tûrumbeta na indo irîa ciîngî cia kwina nîmaagwatanîre na makina na mûgambo ûmwe magîkumia Ngai-Mûnene na kûmûcokeria ngatho makiugaga atîrî, “Kumiani Ngai-Mûnene nîûndû nî mwaro, wendo wake ûtathiraga nî wa tene na tene.” Hekarû ya Ngai-Mûnene nîyecûrirwe nî îtu,

2Maû 7:6

Athînjîri-Ngai nîmaarûngamire varîa maavangîrîtwe marûngame, nao Alawi makîrûngama magîkumagia Ngai-Mûnene na indo cia nyîmbo irîa mûthamaki Daudi aarûthîte makiugaga atîrî, “Wendo wa Ngai-Mûnene ûtathiraga nî wa tene na tene!” Maainire ûguo wata ûrîa maathîtwe nî Daudi. Athînjîri-Ngai maavuvaga tûrumbeta nao andû onthe a Isiraeli marûngamîte.

Ezira 6:16

Nao andû a Isiraeli, athînjîri-Ngai, Alawi na andû onthe arîa maacokire kuuma îthamîriorî nîmaakûngûîre kwamûrwa gwa hekarû ya Ngai marî na gîkeno.

Nehemia 11:20

Andû acio engî a Isiraeli, athînjîri-Ngai na Alawi arîa maatigarire maatûûraga mîciî kwao matûûrarî mau mengî monthe ma Juda.

Nehemia 12:43

Mûthenya ûcio andû nîmaarutire magongoona meengî na nîmaakenire nîûndû Ngai nîwamavete gîkeno kînene. Aka na ciana wanao nîmaakenire na înegene rîa gîkeno Kîamo kuuma îtûûrarî rîa Jerusalemu nîrîegwîkaga kûndû kûraca.

Nehemia 8:17

Andû onthe arîa maaûkîte kuuma îthamîriorî nîmaatumire tûnyomba magîtûûra kuo. Kuuma vîndî ya Joshua mûvîcî wa Nuni nginya mûthenya ûcio andû a Isiraeli matiagîte na kîrugo gîa tûnyomba. Andû a Isiraeli nîmaagîre na gîkeno kînene mûno.

Thaburi 149:3

Kumiani rîîtwa rîake mûkîinagia, nîmamwinîre na nduramu na mîtûrirû!

Thaburi 30:1

Nî ngûkumagia we Ngai-Mûnene, nîûndû nîûmvonoketie, na ûkîgiria nthû ciakwa inthekerere.

Gûco 16:11

Kenagani mûrî mbere ya Ngai-Mûnene Ngai wenyu mûrî vamwe na ciana cienyu, ndungata cienyu, Alawi, ageni, ciana cia ndigwa na aka a ndigwa arîa matûûraga matûûrarî menyu. Îkagani ûguo mûrî varîa Ngai-Mûnene Ngai wenyu akaathuura va kûgoocagîrwa.

Gûco 20:5

“Nao anene a athigari a mbaara nîmagaacoka meere athigari atîrî, ‘Kûrî mûndû gatagatîrî kenyu mûtumu nyomba njerû na tî mûmîvoeru nîguo Ngai amîrathime? Mûndû ûcio nîacoke mûciî nîûndû nwa akuîre mbaararî na nyomba îo yake îkavoerwa nî mûndû wîngî.

Afil 4:4

Îkaragani mûkenete mûrî ûrûmwe na Mwathani vîndî cionthe. Na nîngûmwîra rîngî atî mwîkarage mûkenete.

Kûguû 5:8

Na vîndî îrîa Gatûrûme oocire îvuku rîu rîa gîkûnjo, ciûmbe inya irîa irî mwoyo nîciegwîthirie nthî vau mbere ya Gatûrûme. Wa kîûmbe Kîamrî na ngita na mbakûri ya thaavu îcûrîte ûbani, ûrîa aarî guo mavoya ma andû a Ngai. Wana nginya athuuri acio mîrongo îîrî na ana nîmeegwîthirie nthî vau mbere ya Gatûrûme na wa mûthuuri arî na ngita na mbakûri ya thaavu îcûrîte ûbani ûrîa arî guo mavoya ma andû a Ngai.