Nehemia 12:44 - ÎVUKU RÎA ÛVORO MWARO

⁴⁴ Kavinda kau andû nîmaathuurirwe a kûrûngamîrîra nyomba irîa cigagwa indo irîa ciarutagwa nîûndû wa hekarû. Kûu nwakuo kwaigagwa matega ma gîcunjî gîa îkûmi na irio cia mûgûnda cia mbere na matunda marîa maatunîvaga mbere wa mwaka wa mwaka. Arûme acio nîo meerirwe mocage maruta kuuma mîgûndarî îrîa yarî vakuvî na matûûra nîûndû wa Alawi na athînjîri-Ngai wata ûrîa Watho waugîte. Andû onthe a Juda nîmaakenire nî athînjîri-Ngai na Alawi arîa maatungataga,

Nehemia 12:44 Referencias Cruzadas

1Maû 23:28

Wîra wao warî wa gûtethereria njiarwa cia Aroni wîrarî wa ûtungata hekarûrî ya Ngai-Mûnene, kûmenyerera kîvaro Kîam hekarû na tûnyomba tûrîa twethagîrwa tûrî hekarûrî na kûmenyerera indo irîa nyamûre cia hekarû ciîkarage irî ntheru wa vamwe na kûruta mawîra mengî ma hekarû.

1Maû 26:20

Alawi acio engî nîmaamenyagîrîra kîgîna Kîam hekarû na nyomba irîa ciaigagwa indo irîa ntheru.

1Maû 9:26

Nwatî arangîri ana arîa meethagîrwa arî o anene maarî Alawi, na nîo maarî amenyereri a tûnyomba twa hekarû na indo irîa ciaigagwa kuo.

Nehemia 10:36

Tûkaaviraga wa mûndû îrikithathi rîake rîa mwanake kûrî athînjîri-Ngai hekarûrî nîguo makaamûrîrwe Ngai wata ûrîa Watho ugîte. Na tûkaamûraga marikithathi monthe ma tûcaû na ma tûori twa ng'ondu na mbûri cietû.

Nthi 8:34

Gûkena nî mûndû wa wonthe ûrîa ûnthikagîrîria, ûrîa wîkaraga kîvingorî gîakwa mûthenya wa mûthenya, ûrîa wetagîrîra mûromorî wa nyomba yakwa.

Isaia 40:31

Nwatî arîa metagîrîra Ngai-Mûnene nîmakoongererwa vinya wao, makaagûrûkaga îgûrû na mathagu ta nderi, makaavinyûra na matikaanoga, makaathiîcaga na magûrû na matikaathira vinya.

Ndari 3:10

Nî ûkathuura Aroni na avîcî ake matuîke athînjîri-Ngai, nwatî mûndû wîngî wa wonthe ûkaageria kûruta wîra ûcio, nîakaaûragwa.”

Aroma 12:7

Ûrîa ûrî na kîveo gîa gûtungata, nwanginya atungate. Ûrîa ûrî na kîveo gîa kûthomithia nwanginya athomithanie.

Gûco 18:8

Akaavecagwa irio wata irîa athînjîri-Ngai acio engî makûvewa gûtagûtarwa mbeca irîa amûkîrîte kuuma kûrî indo cia mûciî wao irîa ciendetue