Números 27 - Kaxinawá Bíblia (BR)

Moisĩ shãtukũ Josué Senhor Deusũ katukĩ shanẽ ibu wanikiaki, na hãtxarã

¹² Senhor Deusũ Moisés ana yuikĩ: —Ha Mati Abarim anu mapekewe, ha maiwã Israelĩ enabu hatu inãkatsi ẽ hatu yubani hene kesha betsauri ẽ mia uĩmairã.

¹³ Ma mĩ uĩbaũkĩ keyua habiatiãri mĩ mawashanaii, mĩ betsa Arão ini keskai mĩ shenipabuki nukuirã.

¹⁴ Hanu tsua hiweabuma hawẽ kena Zim anushũ ũpash manuhairakĩ yurabu ha ikĩ ũpash matu yukaibũ shabakabi ẽ matu yunubia ea kẽwãkĩ pewama ẽ hãtxa txibãma matũ shinã bestiwẽ shinãkĩ ũpash hatu tueshũkĩ hatu bebũshũ mã aniwẽ taea miari mĩ hari hikitirumariki— akinã, hanu tsua hiweabumanu Zim mae Cades anushũ ha Txatxa Meribá tueimanushũ yuinikiaki.

¹⁵ Hanushũ Moisĩ Senhor Deus yuikĩ:

^16-17 —Senhor Deusuũ, yurabu dasibi hiwea mĩ hatu hiwea inãmisrã, minabu shanẽ ibu wakĩ huni betsa katuwe, hatũ bebukaĩkĩ hau hatu yunununã, txashuwã shukua mekenikauma hariri kai unãbuma keska hau iyamakubainũbunã— aka

¹⁸ Senhor Deusũ kemakĩ Moisés yuikĩ: —Uĩwẽ. Numnẽ bake Josué hawẽ unanepa yushĩ hayaki. Dãti atã ea katushũkĩ hawẽ bushkaki mĩ mekẽ mamepishãwẽ.

¹⁹ Hanushũ mamepitã Israelĩ enabu dasibibũ uiaĩbũ ebe hatu hãtxashunika Eleazar bebũ nitxĩshũ mĩ shãtukũ Josué shanẽ ibu washãwẽ.

²⁰ Israelĩ enabu dasibibũ hau hawẽ hãtxa nĩkakubaĩshanũbũ mĩ hawẽ kushipakĩ yunumis inãriashãwẽ.

²¹ Mĩ ana hiweamakẽ hawara ea yukakatsi iki ebe hatu hãtxashunika Eleazar anu Josué kashũ hawarakiri Eleazarki txania hanushũ ẽ kenawẽ taeshũ Eleazar hawẽ unãti wati Urim hiweawẽ ea yukatã Josué unãma hanushũ ha unãti txibãkĩ Israelĩ enabu hamapai tibi hatu ashũkubaĩshanikiki— aka

²² Moisés butukirã haska Senhor Deusũ yunua keska dasibi ashũkĩ Israelĩ enabu dasibibu hatu itxawa uiaĩbũ ha dikabi Deusbe hatu hãtxashunika Eleazar bebũ Josué nitxĩtã

²³ haska Senhor Deusũ Moisés yunua akĩ Josué bushkaki hawẽ mekẽ mamepishũ hawẽ kushipahaira inãkĩ Israelĩ enabu shanẽ ibuhaira wakĩ Moisĩ Josué hatu katushunikiaki.