Números 27:14 - Kaxinawá Bíblia (BR)

¹⁴ Hanu tsua hiweabuma hawẽ kena Zim anushũ ũpash manuhairakĩ yurabu ha ikĩ ũpash matu yukaibũ shabakabi ẽ matu yunubia ea kẽwãkĩ pewama ẽ hãtxa txibãma matũ shinã bestiwẽ shinãkĩ ũpash hatu tueshũkĩ hatu bebũshũ mã aniwẽ taea miari mĩ hari hikitirumariki— akinã, hanu tsua hiweabumanu Zim mae Cades anushũ ha Txatxa Meribá tueimanushũ yuinikiaki.

Números 27:14 Referencias Cruzadas

Êxodo 17:7

Israelĩ enabu ha ikaibuwẽ taeshũ ha mae anu ũpash tuea Moisĩ kenakĩ: “Meribáki”, atã ha dikabi Senhor Deuskiri yurabũ Deus unãti wakĩ yuikĩ: “Senhor Deusũ nuku merabewaimẽkaĩ. Danãkĩ nuku merabewamaraka”, ikaibuwẽ taeshũ habias mae Moisĩ kenakĩ: “Massáki”, anikiaki.

Números 20:1

Bukubauni ano bena hawẽ ushe ha dukũ kaiaĩtiã hanu tsua hiweabumanu hawẽ kena Zim anu hikishũ mae Cades anushũ hatũ tari hiwe pũtebauna hanu hiweyuabũ hanua Moisĩ pui Miriã mawa habianuri maiwanibukiaki.

Números 20:24

“Arãorã, ma mawaikiki. Ũpash txatxa Meribá dapishũ ẽ yunua hãtxa mã akama ikimawẽ taea hanu Israelĩ enabu ibuwamakatsi ẽ hatu yubani anu Arão hikitirumaki.

Números 20:5

Na mae txakabuhaira anu mĩ nuku iweimamẽ? Haskakĩ Egito anua mã nuku tashnimabirãyamamẽ? Nenushũ nũ hani mibãtimaki. Ha figueira inũ, uva inũ, hawa bimi betsa pepa hayamaki. Ha inũ, hania nũ ũpash akai hayamariki— akabu

Números 27:15

Hanushũ Moisĩ Senhor Deus yuikĩ:

Hechos 7:51

Estêvãonẽ Sinédrio ana hatu yuikubaĩkĩ: —Dasibi kuxipa Deus haya mesebiakẽ matũ shenipabu ipaunibu keskai matuburã, matũ besu inũ, matũ huĩti inũ, matũ pabĩki kuxikẽ Deusũ Yushĩ Pepatũ matu yusĩbiakubainaya mã nĩkaisbumaki, nawabũ Deus unãbuma keskarã.

Deuteronômio 4:22

na habia mae anua bestikiaki ẽ mawashanaii, Hene Jordão pukebainamarã. Hakia matubunã, pukebaĩ ha mai pepahaira mã ibuwashanaii.