Números 27:16 - Kaxinawá Bíblia (BR)

^16-17 —Senhor Deusuũ, yurabu dasibi hiwea mĩ hatu hiwea inãmisrã, minabu shanẽ ibu wakĩ huni betsa katuwe, hatũ bebukaĩkĩ hau hatu yunununã, txashuwã shukua mekenikauma hariri kai unãbuma keska hau iyamakubainũbunã— aka

Números 27:16 Referencias Cruzadas

1 Reis 5:5

Senhor Deusũ ẽ epa yuikĩ: ‘Mĩ shãtukũ hau Israelĩ enabu yunui shanẽ ibuhairakũkaĩshanũ mĩ bake katukĩ ẽ kushipa waiwẽ taeshũ hatũ ẽ kẽwãti hiwe ea ashũshanikiki’, akĩ ẽ epa yubaniwẽ taeshũ ẽ mekenika Senhor Deus hanushũ kẽwãti hiwe templo hawẽrua ẽ ashũkatsis ikaii.

Jeremias 38:16

hakia hune yubakĩ Zedequiasĩ Jeremias hãtxa wakĩ yuikĩ: —Senhor Deusũ nuku hiwea inãmiswẽ taeshũ ẽ mia yubaii. Mĩ ea shabakabi yuibiaya hau mia tenanũbũ ẽ mia hatu yunu taskama ishanaii. Ha dikabi habũ mia tenãkatsis ikaibu anu ẽ mia yunuama ishanaii— aka

Ezequiel 18:4

Huni inũ aĩbu dukũ ẽ dami waniwẽ taea dasibibu enaski, hatũ ibubu inũ hatũ bakeburã. Haskawẽ taea haratutũra txakabuwatã ibubis hawẽ txakabuwẽ taea mawakubaĩshãkanikiki, ẽ hatu kupiarã.

Números 27:15

Hanushũ Moisĩ Senhor Deus yuikĩ:

João 10:11

Earã, ẽ matũ mekenã pepaki. Mekenã pepatunã hawẽ txashuwã mekei yauxi mawashũtiruki.

Hechos 20:28

Haskakẽ ibubis mekekĩ Deusũ Yushĩ Pepatũ matu katua merabewakĩ ikũwaĩbu mekekubaĩshãkãwẽ. Deusunabu hatu wakatsi ikĩ hawẽ bake yunua mawashũkĩ hawẽ himiwẽ hawenawakĩ meribi hatu wani hatu putama hatu uĩrashũshãkãwẽ.

Hebreus 12:9

Ha inũ, nũ huni ewariama nukũ ibubũ nuku yusĩkĩ nemahairakĩ nuku tapĩmakubainibuki. Hatũ yusĩa bikabiakẽ tapĩkĩ nũ hatu abukubainibuki. Hakia haska nũ wani binukĩ nukũ Epa Deus nai anua abukĩ natiã hawẽ hãtxa nĩkakubaini nũ habe hiweshanaii, hawa txakabuwẽ nuku kupiamarã.

1 Samuel 12:13

Haska betxipaikĩ matũ yununika shanẽ ibu mã katuimarã, na ma nia. Haska mã ewẽ taeshũ mã yuka Senhor Deusũ ma matũ shanẽ ibu katushũ yunushinaki.