ការដាក់ឲ្យឆ្លើយតបគ្នា

បន្ទាប់ »

អេសាយ 65:23

ព្រះគម្ពីរបរិសុទ្ធកែសម្រួល ២០១៦

គេខំធ្វើការមិនមែនឥតប្រយោជន៍ ឬបង្កើតមកឲ្យតែបានត្រូវវិនាសទៅនោះឡើយ ដ្បិតគេជាពូជនៃពួកដ៏មានពររបស់ព្រះ‌យេហូវ៉ា ព្រមទាំងកូនដែលគេបង្កើតមកនោះដែរ។

សូមមើលជំពូក ចម្លង

ការបកប្រែផ្សេងទៀត។

28 ការដាក់ឲ្យឆ្លើយតបគ្នា

លោកុ‌ប្បត្តិ 12:2

យើងនឹងបង្កើតជាតិសាសន៍មួយដ៏ធំពីអ្នក យើងនឹងឲ្យពរអ្នក ហើយធ្វើឲ្យអ្នកមានឈ្មោះល្បី ដើម្បីឲ្យអ្នកបានជាទីបញ្ចេញពរដល់មនុស្សទាំងឡាយ។

សូមមើលជំពូក

លោកុ‌ប្បត្តិ 17:7

យើងនឹងតាំងសញ្ញាជា‌មួយអ្នក និងជា‌មួយពូជ‌ពង្សរបស់អ្នកគ្រប់តំណរបស់គេតទៅ ទុកជាសេចក្ដីសញ្ញានៅអស់កល្បជា‌និច្ច ដើម្បីឲ្យយើងធ្វើជាព្រះដល់អ្នក និងដល់ពូជ‌ពង្សរបស់អ្នកដែលកើតមកតាមក្រោយ។

សូមមើលជំពូក

យ៉ូប 21:8

ពូជពង្សរបស់គេបានរឹងមាំឡើងជា‌មួយគេ និងកូនចៅរបស់គេនៅចំពោះគេដែរ។

សូមមើលជំពូក

អេសាយ 44:3

ដ្បិតយើងនឹងចាក់ទឹកទៅលើអ្នកណាដែលកំពុងស្រេក ព្រមទាំងបង្ហូរទឹកទៅលើដីហួត‌ហែង យើងនឹងចាក់វិញ្ញាណយើងទៅលើពូជ‌ពង្សរបស់អ្នក និងពររបស់យើងទៅលើកូនចៅរបស់អ្នក។

សូមមើលជំពូក

អេសាយ 49:4

តែខ្ញុំបានពោលថា ខ្ញុំបានខំប្រឹងធ្វើជាឥតប្រយោជន៍ ខ្ញុំបានបង់កម្លាំងខ្ញុំទៅទទេៗជាអសារឥតការ ប៉ុន្តែ សេចក្ដីយុត្តិ‌ធម៌ដែលគួរដល់ខ្ញុំ នោះនៅនឹងព្រះ‌យេហូវ៉ា ហើយរង្វាន់របស់ខ្ញុំក៏នៅនឹងព្រះនៃខ្ញុំដែរ។

សូមមើលជំពូក

អេសាយ 55:2

ហេតុអ្វីបានជាចាយប្រាក់ ឲ្យបានតែរបស់ដែលមិនមែនជាអាហារ ហើយបង់កម្លាំង ឲ្យបានតែរបស់ដែលមិនស្កប់ចិត្តដូច្នេះ? ចូរស្តាប់តាមយើងឲ្យអស់ពីចិត្តចុះ នោះអ្នកនឹងបានបរិ‌ភោគយ៉ាងឆ្ងាញ់ ដើម្បីឲ្យព្រលឹងអ្នកបានស្កប់‌ស្កល់ ដោយម្ហូបយ៉ាងថ្លៃវិសេស។

សូមមើលជំពូក

អេសាយ 61:9

គេនឹងស្គាល់ពូជ‌ពង្សរបស់អ្នក នៅកណ្ដាលអស់ទាំងសាសន៍ ហើយកូនចៅរបស់អ្នក នៅកណ្ដាលជនជាតិទាំង‌ឡាយ អស់អ្នកណាដែលឃើញអ្នកនឹងទទួលស្គាល់ថា អ្នកជាពួកអ្នកដែលព្រះ‌យេហូវ៉ាបានប្រទានពរ។

សូមមើលជំពូក

អេសាយ 66:22

ដ្បិតផ្ទៃមេឃថ្មី និងផែនដីថ្មី ដែលយើងនឹងបង្កើតឡើងនោះ នឹងស្ថិត‌ស្ថេរនៅចំពោះយើងជាយ៉ាងណា ព្រះ‌យេហូវ៉ាមានព្រះ‌បន្ទូលថា ពូជ‌ពង្សរបស់អ្នក និងឈ្មោះអ្នករាល់គ្នា ក៏នឹងស្ថិត‌ស្ថេរនៅយ៉ាងនោះដែរ។

សូមមើលជំពូក

អេ‌សេ‌គាល 36:29

យើងនឹងជួយសង្គ្រោះអ្នករាល់គ្នាឲ្យរួចពីអស់ទាំងសេចក្ដីសៅ‌ហ្មងរបស់អ្នក យើងនឹងបង្គាប់ដល់ស្រូវ ឲ្យបានចម្រើនឡើងជាបរិបូរ ឥតធ្វើឲ្យកើតមានអំណត់ទៀតឡើយ។

សូមមើលជំពូក

លេវី‌វិន័យ 26:20

អ្នករាល់គ្នានឹងអស់កម្លាំងជាការឥតប្រយោជន៍ ដ្បិតដីរបស់អ្នកមិនបង្កើតផលទេ ហើយដើមឈើដែលនៅស្រុកក៏មិនបានផ្លែផង។

សូមមើលជំពូក

លេវី‌វិន័យ 26:22

យើងនឹងឲ្យសត្វព្រៃមកកណ្ដាលពួកអ្នក សត្វទាំងនោះនឹងឆក់នាំយកកូនចៅអ្នកទៅ ព្រមទាំងបង្ហិនហ្វូងសត្វរបស់អ្នកផង និងធ្វើឲ្យអ្នកទៅជាមានគ្នាតិច ហើយឲ្យអស់ទាំងផ្លូវថ្នល់របស់អ្នកទៅជាសូន្យស្ងាត់។

សូមមើលជំពូក

លេវី‌វិន័យ 26:29

អ្នករាល់គ្នានឹងបរិ‌ភោគទាំងកូនប្រុស កូនស្រីរបស់អ្នកផង។

សូមមើលជំពូក

ហាកាយ 1:6

ឯងរាល់គ្នាបានព្រោះពូជជាច្រើន តែច្រូតបានតិចទេ ក៏បានស៊ី តែមិនចេះឆ្អែត ហើយបានផឹក តែមិនបានស្កប់‌ស្កល់ ព្រមទាំងស្លៀកពាក់ តែមិនបានកក់ក្តៅឡើយ ឯអ្នកណាដែលស៊ីឈ្នួល នោះទទួលឈ្នួលឲ្យតែដាក់ថង់ធ្លុះទេ"។

សូមមើលជំពូក

ហាកាយ 2:19

តើពូជពង្រោះបានយកមកដាក់ក្នុងជង្រុកហើយឬនៅ? ទោះទាំងដើមទំពាំង‌បាយ‌ជូរ ដើមល្វា ដើមទទឹម និងដើមអូលីវ ក៏មិនបានកើតផលដែរ តែចាប់តាំងពីថ្ងៃនេះទៅ យើងនឹងផ្តល់ពរដល់អ្នកវិញ»។

សូមមើលជំពូក

ម៉ាឡាគី 3:10

ចូរយកតង្វាយមួយភាគក្នុងដប់ទាំងអស់មកដាក់ក្នុងឃ្លាំងចុះ ដើម្បីឲ្យមានស្បៀងអាហារនៅក្នុងដំណាក់របស់យើង ហើយល្បង‌លយើងឥឡូវ បើយើងមិនបើកទ្វារស្ថាន‌សួគ៌ ដើម្បីចាក់ព្រះ‌ពរមកលើអ្នក ដែលនឹងគ្មានកន្លែងល្មមទុកបានទេ នេះហើយជាព្រះ‌បន្ទូលរបស់ព្រះ‌យេហូវ៉ានៃពួកពល‌បរិវារ។

សូមមើលជំពូក

កិច្ចការ 2:39

ដ្បិតសេចក្តីសន្យានោះ គឺសម្រាប់អ្នករាល់គ្នា និងកូនចៅរបស់អ្នករាល់គ្នា ព្រមទាំងអស់អ្នកដែលនៅឆ្ងាយដែរ គឺដល់អស់អ្នកណាដែលព្រះ‌អម្ចាស់ជាព្រះរបស់យើងត្រាស់ហៅ»។

សូមមើលជំពូក

រ៉ូម 4:16

ដូច្នេះ សេចក្តីសន្យាអាងលើជំនឿ ហើយស្របតាមព្រះ‌គុណ គឺសម្រាប់ពូជពង្សរបស់លោកទាំងអស់ មិនត្រឹមតែពួកអ្នកដែលអាងក្រឹត្យ‌វិន័យប៉ុណ្ណោះ តែសម្រាប់ពួកដែលមានជំនឿដូចលោកអ័ប្រា‌ហាំ ដែលជាឪពុករបស់យើងទាំងអស់គ្នាដែរ។

សូមមើលជំពូក

១ កូរិន‌ថូស 15:58

ដូច្នេះ បង‌ប្អូនស្ងួន‌ភ្ងាអើយ ចូរឈរឲ្យមាំមួន កុំរង្គើ ទាំងធ្វើការព្រះ‌អម្ចាស់ឲ្យបរិបូរជានិច្ច ដោយដឹងថា កិច្ច‌ការដែលអ្នករាល់គ្នាខំប្រឹងធ្វើក្នុងព្រះ‌អម្ចាស់ នោះមិនឥតប្រយោជន៍ឡើយ។

សូមមើលជំពូក

កាឡាទី 3:29

ប្រសិន‌បើអ្នករាល់គ្នាជារបស់ព្រះ‌គ្រីស្ទ នោះអ្នករាល់គ្នាជាពូជរបស់លោកអ័ប្រា‌ហាំ ជាអ្នកគ្រងមត៌កតាមសេចក្ដីសន្យា។

សូមមើលជំពូក

ឡើងលើ ⬆

បន្ទាប់ »

តាមពួកយើង:

តំណភ្ជាប់ដែលបានឧបត្ថម្ភ

ការផ្សាយពាណិជ្ជកម្ម

ការផ្សាយពាណិជ្ជកម្ម