វិវរណៈ 21:11

ព្រះគម្ពីរបរិសុទ្ធកែសម្រួល ២០១៦

ទាំងមានសិរី‌ល្អរបស់ព្រះ ហើយពន្លឺរស្មីរបស់ក្រុងនោះ ដូចជាត្បូងដ៏មានតម្លៃបំផុត គឺដូចជាត្បូងពេជ្រ ហើយថ្លាដូចកែវចរណៃ។

សូមមើលជំពូក ចម្លង

ការបកប្រែផ្សេងទៀត។

17 ការដាក់ឲ្យឆ្លើយតបគ្នា

យ៉ូប 28:17

មាស និងពេជ្រ មិនអាចផ្ទឹមស្មើបាន ឬប្តូរដោយគ្រឿងមាសសុទ្ធក៏មិនបានដែរ។

សូមមើលជំពូក

អេសាយ 4:5

ព្រះ‌យេហូវ៉ានឹងបង្កើតឲ្យមានពពក និងផ្សែងនៅវេលាថ្ងៃ ហើយភ្លើងដ៏ឆេះបំភ្លឺនៅវេលាយប់ គ្របបាំងពីលើភ្នំស៊ីយ៉ូនទាំងមូល ហើយពីលើទីប្រជុំទាំងប៉ុន្មានរបស់គេ សិរីរុងរឿងរបស់ព្រះនឹងគ្របបាំងទីគួរគោរពទាំងអស់។

សូមមើលជំពូក

អេ‌សេ‌គាល 1:22

នៅពីលើក្បាលសត្វមានជីវិត មានដូចជាផ្ទៃមេឃ មើលទៅដូចជាចរណៃគួរស្ញែង‌ខ្លាច ហើយក៏លាតពីលើក្បាលតួទាំងនោះ

សូមមើលជំពូក

អេ‌សេ‌គាល 1:26

នៅលើលំហអាកាស ដែលស្ថិតនៅលើក្បាលសត្វទាំងនោះ មានដូចជាបល្ល័ង្ក ដែលមើលទៅដូចជាត្បូងកណ្តៀង ហើយអង្គុយពីលើទ្រង់ទ្រាយដែលមានរាងដូចជាបល្ល័ង្កនោះ ឃើញមានដូចជាមនុស្សម្នាក់។

សូមមើលជំពូក

ដ្បិតដោយ‌សារការជួញប្រែដ៏បរិបូររបស់អ្នក នោះគេបានបំពេញអ្នកដោយសេចក្ដីច្រឡោត ហើយអ្នកបានធ្វើបាប ហេតុនោះ យើងបានបោះចោលអ្នកចេញពីភ្នំនៃព្រះ ទុកដូចជារបស់អាប់‌ឱនទៅវិញ ឱចេរូ‌ប៊ីនដែលគ្របបាំងអើយ យើងបានបំផ្លាញអ្នកចេញពីកណ្ដាលថ្មភ្លឺចាំងនោះ

សូមមើលជំពូក

អេ‌សេ‌គាល 43:2

ហើយមើល៍! សិរី‌ល្អរបស់ព្រះនៃសាសន៍អ៊ីស្រា‌អែល ក៏មកតាមផ្លូវពីទិសខាងកើត ព្រះ‌សូរ‌សៀងព្រះ‌អង្គឮដូចជាសូរនៃទឹកច្រើន ហើយផែនដីបានភ្លឺ ដោយ‌សារសិរី‌ល្អរបស់ព្រះ‌អង្គ។

សូមមើលជំពូក

អេ‌សេ‌គាល 48:35

ប្រវែងជុំ‌វិញទីក្រុងនោះ ត្រូវជា‌មួយម៉ឺនប្រាំបីពាន់ខ្នាត តាំងពីថ្ងៃនោះតទៅ ទីក្រុងនោះត្រូវមានឈ្មោះថា «ព្រះ‌យេហូវ៉ាគង់នៅទីនេះ»។:៚

សូមមើលជំពូក

វិវរណៈ 15:8

ហើយព្រះ‌វិហារមានពេញដោយផ្សែង ចេញពីសិរី‌ល្អរបស់ព្រះ និងពីព្រះ‌ចេស្តារបស់ព្រះ‌អង្គ គ្មានអ្នកណាអាចចូលទៅក្នុងព្រះ‌វិហារបានឡើយ ទាល់តែគ្រោះកាចទាំងប្រាំពីររបស់ទេវតាទាំងប្រាំពីរបានចប់សព្វគ្រប់។

សូមមើលជំពូក

វិវរណៈ 22:1

បន្ទាប់មក ទេវតាក៏បង្ហាញឲ្យខ្ញុំឃើញទន្លេ ដែលមានទឹកជីវិត ថ្លាដូចកែវចរណៃ ហូរចេញពីបល្ល័ង្ករបស់ព្រះ និងបល្ល័ង្ករបស់កូនចៀម

សូមមើលជំពូក

វិវរណៈ 22:5

ក្រុងនោះនឹងលែងមានយប់ទៀតហើយ គេមិនត្រូវការចង្កៀង ឬពន្លឺព្រះ‌អាទិត្យទេ ដ្បិតព្រះជាព្រះ‌អម្ចាស់ ទ្រង់ជាពន្លឺរបស់គេ ហើយគេនឹងសោយរាជ្យអស់កល្បជា‌និច្ចរៀងរាបតទៅ។

សូមមើលជំពូក

វិវរណៈ 4:3

ព្រះ‌អង្គដែលគង់លើបល្ល័ង្ក មើលទៅមានភាពដូចជាត្បូងពេជ្រ និងត្បូងទទឹម ក៏មានឥន្ទធនូនៅព័ទ្ធជុំវិញបល្ល័ង្ក ដែលមើលទៅដូចជាត្បូងមរកត។

សូមមើលជំពូក

វិវរណៈ 4:6

នៅមុខបល្ល័ង្កនោះ មានដូចជាសមុទ្រកែវ ដូចជាកែវចរណៃ ហើយនៅកណ្ដាល និងនៅជុំវិញបល្ល័ង្កនោះ មានសត្វមានជីវិតបួន ដែលមានភ្នែកពេញខ្លួន ទាំងមុខទាំងក្រោយ។

តាមពួកយើង:

តំណភ្ជាប់ដែលបានឧបត្ថម្ភ

ការផ្សាយពាណិជ្ជកម្ម