1 Jan 2:3 - Nouvo Testaman: Vèsyon Kreyòl Fasil

³ Si nou obeyi sa Bondye mande nou fè, lè sa a, nou sèten nou konnen li.

1998 Haïtienne

³ Si nou fè sa Bondye mande nou fè, lè sa a nou mèt sèten nou konnen li.

Bib Sen An: Kreyòl Ayisyen

³ Se konsa nou konnen ke nou gen tan konnen Li, si nou kenbe kòmandman Li yo.

1 Jan 2:3 Referans Kwoze

Lik 6:46

Pou kisa n ap rele m Senyè, Senyè tandiske nou pa fè sa mwen di?

Jan 14:15

Si nou renmen m, n ap fè sa m di nou fè.

Jan 15:10

Si nou fè sa m kòmande nou fè, n ap kontinye viv nan lanmou mwen, menm jan mwen menm, mwen fè sa Papa m kòmande m, epi m kontinye viv nan lanmou li.

Jan 15:14

Nou se zanmi m si nou fè sa m mande nou fè.

Jan 17:3

Lavi etènèl se lè yon moun konnen w kòm sèl vrè Bondye, epi lè l konnen Jezikris, moun ou voye a.

2 Korent 4:6

Paske yon jou, Bondye di: “Se pou limyè briye nan fènwa.” Se menm Bondye sa a ki fè limyè li briye nan kè nou. Li fè nou konnen glwa li k ap briye sou vizaj Kris la.

Ebre 5:9

Sa fè l tounen yon granprèt ki san defo. Li fè pwovizyon pou tout moun ki obeyi l jwenn yon delivrans ki la pou tout tan.

1 Jan 2:13

M ap ekri nou lèt sa a, papa yo, paske nou konnen moun ki egziste depi nan kòmansman an. M ap ekri nou, nou menm ki jèn, paske nou gen viktwa sou move dezi nou yo.

1 Jan 3:14

Nou konnen nou kite lanmò pou nou antre nan lavi, paske nou renmen frè ak sè nou yo. Men moun ki pa genyen lanmou, li rete nan lanmò.

1 Jan 3:19

Konsa, n ap sèten nou se moun ki nan verite a epi devan Bondye, n ap gen konsyans nou klè.

1 Jan 3:6

Nenpòt moun ki rete nan li pa kontinye nan peche; nenpòt moun ki kontinye nan peche pa t janm konprann Kris vrèman, epi li pa t menm konnen l.

1 Jan 4:13

Men kijan nou ka konnen n ap viv nan Bondye epi Bondye ap viv nan nou: Li te pataje Lespri li ak nou.

1 Jan 4:7

Zanmi m yo, se pou nou gen lanmou youn pou lòt, paske lanmou soti nan Bondye. Nenpòt moun ki gen lanmou nan kè l, se nan Bondye li soti. Li konnen Bondye.

1 Jan 5:19

Nou konnen nou se pitit Bondye epi tou mond lan rete anba pouvwa Satan.

1 Jan 5:2

Kòman nou kapab konnen nou renmen pitit Bondye yo? Se lè nou renmen Bondye epi lè nou obeyi kòmandman li yo.

1 Jan 5:3

Paske, men kisa sa vle di renmen Bondye: se obeyi kòmandman li yo, epi kòmandman li yo pa twò difisil.

Revelasyon 12:17

Lè sa a, dragon an te an kòlè kont fi a anpil. Li pati pou fè lagè ak tout pitit fi a. Pitit li yo, se moun k ap viv nan obeyi Bondye epi k ap rann temwanyaj pou Jezi.

Revelasyon 14:12

Se poutèt sa, moun ki apa pou Bondye yo, moun k ap obeyi kòmannman Bondye epi ki kwè nan Jezi, yo dwe gen pasyans.

Revelasyon 22:14

Benediksyon pou moun ki lave rad yo pou yo k ap gen dwa nan pye bwa lavi a, pou yo antre nan pòtay vil la!