Neyemi 4:17 - Bib Sen An: Kreyòl Ayisyen

¹⁷ Sila ki t ap rebati miray la avèk sila ki te pote chaj yo te pran chaj yo nan yon men pou fè travay la e te kenbe yon zam nan lòt men an.

1998 Haïtienne

¹⁷ ki t'ap rebati ranpa a. Tout moun ki t'ap bwote materyo te gen zam tou. Yo t'ap travay ak yon men, nan lòt men an yo te kenbe zam yo.

Neyemi 4:17 Referans Kwoze

Neyemi 4:13

Alò, mwen te estasyone moun nan pati piba nan espas dèyè miray la, kote ki te manke pwotèj e mwen te estasyone moun pami fanmi yo avèk nepe pa yo, lans ak banza yo.

Neyemi 4:16

Depi jou sa a, mwatye nan sèvitè mwen yo te fè travay la, e lòt mwatye a te kenbe lans yo, boukliye pwotèj yo, banza yo ak pwotèj lestomak yo. Epi kapitèn yo te dèyè lakay Juda a.

Neyemi 4:18

Epi pou sila ki t ap bati yo, chak moun te mete yon nepe senti nan ren li pandan li t ap bati a, e mesye twonpèt la te rete toupre mwen.

Sòm 149:6

Ke gwo lwanj a Bondye yo kapab nan bouch yo, ak yon nepe file de bò nan men yo,

Kantik 3:8

Yo tout ki konn manyen nepe, ki fò nan afè lagè; chak mesye gen nepe l bò kote li, pou fè gad kont menas lannwit yo.

Danyèl 9:25

“Konsa, ou ta dwe konnen e disène ke depi yon dekrè vin pibliye pou restore e rebati Jérusalem jis rive nan Onksyone a, Prens lan, va gen sèt semèn ak swasann-de semèn. Li va rebati ankò, ak plas la, e ak kanal ranpa a, menm nan yon tan ki twouble.

Jowèl 2:8

Youn pa jennen lòt. Yo chak mache nan pa yo. Lè y ap eklate travèse defans yo, yo pa kase ran ranje an.

1 Korent 16:13

Rete vijilan, kanpe fèm nan lafwa, pran kouraj, mete nou dyanm.

1 Korent 16:9

Paske yon pòt byen laj e efikas vin louvri a mwen menm, e gen anpil advèsè.

1 Korent 9:12

Si lòt yo gen dwa sou nou, èske nou menm pa gen plis? Sepandan nou pa t itilize dwa sa a, men nou te sipòte tout bagay pou nou pa anpeche levanjil a Kris la.

2 Korent 6:7

nan pawòl verite a, nan pwisans Bondye a; ak zam ladwati pou men dwat ak men goch yo,

Filipyen 1:28

san okenn perèz a lènmi nou yo, ki se yon sign destriksyon pou yo menm, men sali pou nou menm, e sa anplis, soti nan Bondye.

2 Timote 2:3

Soufri difikilte avèk mwen, tankou yon bon sòlda a Kris Jésus.

2 Timote 4:7

Mwen mennen bon konba a, mwen fin fè kous la, mwen kenbe lafwa.