Matye 26:11 - Bib Sen An: Kreyòl Ayisyen

¹¹ Paske malere yo ap toujou avèk nou, men Mwen menm, Mwen p ap la pou tout tan.

1998 Haïtienne

¹¹ Paske, pòv yo, n'ap toujou genyen yo avèk nou. Men, mwen menm, nou p'ap genyen m pou tout tan.

Nouvo Testaman: Vèsyon Kreyòl Fasil

¹¹ N ap toujou gen pòv avèk nou, men nou p ap toujou genyen m avèk nou.

Matye 26:11 Referans Kwoze

Matye 18:20

Paske kote de oubyen twa reyini ansanm nan non Mwen, Mwen la nan mitan yo.”

Matye 26:10

Men Jésus te konprann sa, e te di yo: “Poukisa nou ap twouble fanm nan? Li fè M yon bon bagay.

Matye 28:20

Enstwi yo pou swiv tout sa ke Mwen te kòmande nou yo, epi konsa, Mwen va avèk nou toujou jiska lafen de laj.”

Mak 14:7

Paske malere yo ap toujou la avèk nou, e nenpòt lè nou vle, nou kapab fè byen pou yo; men Mwen menm, M p ap la tout tan.

Jan 12:8

Paske malere yo ap toujou avè w, men Mwen, ou p ap toujou genyen M.”

Jan 13:33

“Pitit Mwen yo, Mwen avèk nou pou yon ti tan anplis. Nou ap chache M, e tankou Mwen te di Jwif yo, koulye a M ap di nou tou. Kote M ap ale, nou p ap kab vini.

Jan 14:19

Apre yon ti tan, lemonn p ap wè M ankò. Men nou menm ap wè m. Akoz ke Mwen viv, nou menm ap viv tou.

Jan 16:28

Mwen te sòti nan Papa a, e te vini nan lemonn. M ap kite lemonn ankò e ap prale kote Papa a.”

Jan 16:5

“Men koulye a, M ap prale a Sila a ki te voye Mwen an. E pa gen nan nou k ap mande M: ‘Kibò W ap prale’?

Jan 17:11

“Mwen pa nan lemonn ankò. Malgre, yo menm, yo toujou nan lemonn, e Mwen vini a Ou, Papa ki Sen, kenbe yo nan non Ou, non ke Ou ban Mwen an, pou yo kapab vin yon sèl, menm jan ke nou menm, nou se yon sèl.

Travay 3:21

Li menm ke syèl la oblije resevwa jiskaske tan restorasyon tout bagay ke Bondye te pale pa bouch a pwofèt sen Li yo depi nan tan ansyen an.

Galat 2:10

Yo te sèlman mande nou pou nou sonje pòv yo bagay ke mwen te vrèman vle fè.

Detewonòm 15:11

“Paske malere yo p ap janm sispann la nan peyi a. Akoz sa, mwen kòmande nou, e di: ‘Nou va louvri men nou byen laj a frè malere nou yo avèk pòv nan peyi nou yo.’

1 Jan 3:17

Men nenpòt ki gen byen a lemonn sa, pou l wè frè l nan bezwen, epi sere kè l kontre li, ki jan lamou Bondye kapab rete nan li?