2 Wa 9:18 - Bib Sen An: Kreyòl Ayisyen

¹⁸ Konsa, yon chevalye te ale rankontre li. Li te di: “Konsa pale wa a: ‘Èske sa an pè?’” Jéhu te reponn: “Kisa ou gen pou fè avèk lapè? Vire dèyè mwen.” Konsa, gadyen an te bay rapò a. “Mesaje a te rive kote yo, men li pa t retounen.”

1998 Haïtienne

¹⁸ Kavalye a pati al kontre Jeou, li di l: — Wa a bezwen konnen si se an zanmi w'ap vini! Jeou reponn li: — Sa pa gade ou! Pase dèyè do m. Faksyonè a bay nouvèl la konsa: — Mesaje a rive bò kote yo, men li pa tounen.

2 Wa 9:18 Referans Kwoze

2 Wa 9:17

Koulye a, gadyen an te kanpe sou fò Jizréel, e li te wè konpanyen Jéhu, pandan li t ap vini. Li te di: “Mwen wè yon konpanyen.” Joram te di: “Pran yon chevalye, voye li rankontre yo e kite li di: ‘Èske sa an pè?’”

2 Wa 9:19

Li te voye yon dezyèm chevalye, ki te rive kote yo. Li te di: “Konsa pale wa a: ‘Èske sa an pè?’” Jéhu te reponn: “Kisa ou gen pou fè avèk lapè? Vire dèyè mwen.”

2 Wa 9:22

Lè Joram te wè Jéhu, li te di: “Èske sa an pè, Jéhu?” Epi li te reponn: “Ki lapè sa a, kòmsi zak pwostitiye manman ou Jézabel avèk vye maji pa li yo tèlman anpil?”

2 Wa 9:31

Lè Jéhu te antre nan pòtay la, li menm Jézabel te di: “Èske tout bagay byen, Zimri, asasen mèt pa w la?”

Ezayi 48:22

“Pa gen lapè pou mechan yo”, SENYÈ a di.

Ezayi 59:8

Yo pa konnen chemen lapè, e nanpwen jistis nan yo. Yo te fè wout kwochi; nenpòt moun ki antre kote yo pa konnen lapè.

Jeremi 16:5

Paske konsa pale SENYÈ a: “Pa antre nan kay doulè a, ni pa ale kriye pou yo! Pa regret yo! Paske Mwen te retire lapè M de pèp sa a,” deklare SENYÈ a: “lanmou Mwen ak konpasyon Mwen.”

Women 3:17

epi chemen k ap mennen lapè a, yo pa konnen l.