1 Korent 13:9 - Bib Sen An: Kreyòl Ayisyen

⁹ Paske nou konnen yon ti pati e nou pwofetize yon ti pati;

1998 Haïtienne

⁹ Paske sa nou konnen an, se ti zing nou konnen li. Mesaj Bondye a se yon ti kal nou rive bay ladan li.

Nouvo Testaman: Vèsyon Kreyòl Fasil

⁹ Y ap disparèt paske konesans nou gen kounye a limite anpil, menm ata pwofesi yo gen limit yo.

1 Korent 13:9 Referans Kwoze

Jòb 26:14

Gade byen, sa se yon ti kras bagay de tout chemen L yo. Epi a la ti kras souf pawòl nou konn tande de Li! Men tonnè pwisans Li an! Se kilès ki kab konprann li?

Sòm 139:6

Konesans konsa twò mèvèye pou mwen. Li twò wo. Mwen pa kab rive kote l.

Sòm 40:5

Anpil, O SENYÈ Bondye mwen an, se mèvèy ke Ou te fè yo, ak panse Ou yo anvè nou. Nanpwen ki kab konpare avèk Ou. Si m ta deklare yo e pale sou yo tout, yo ta vin twòp pou m ta kab konte.

Pwovèb 30:4

Kilès ki te monte nan syèl la e te desann? Kilès ki te ranmase van nan ponyèt li? Kilès ki te vlope dlo nan vètman li? Kilès ki te etabli tout pwent tè yo? Ki non li e ki non fis Li a? Asireman, ou konnen!

Matye 11:27

Papa M fin lonje ban Mwen tout bagay. Pèsòn pa konnen Fis la, sof Papa a; ni pèsòn pa konnen Papa a, sof ke Fis La, ak nenpòt moun ke Fis La vle revele Li menm.

Women 11:34

Paske “Kilès ki konnen panse a Senyè a?” Oubyen “Kilès ki kapab bay Li konsèy?”

1 Korent 13:10

men lè sa ki pafè a vini, sa ki poko konplè a va disparèt.

1 Korent 13:12

Paske koulye a nou wè twoub, konsi nan yon glas, men answit nou va wè fasafas. Koulye a m konnen yon ti pati, men answit, mwen va konnen tout bagay menm jan ke Bondye konnen tout bagay de mwen an.

1 Korent 2:9

Men jan sa ekri a: “Bagay ke zye pa wè e zòrèy pa tande, ki pa janm antre nan kè a lòm; tout sa Bondye prepare pou sila ki renmen Li yo.”

1 Korent 8:2

Si yon moun sipoze ke li konnen yon bagay, li poko konnen jan li dwe konnen an.

Efezyen 3:8

A mwen menm, pi piti pami tout sen yo, gras sa a te bay, pou preche a pèp etranje yo, tout richès ensondab a Kris yo.

1 Jan 3:2

Alò, chè zanmi yo, nou se ti moun a Bondye, epi li poko fin devwale ki sa n ap ye. Nou konnen ke lè Li parèt nou va tankou Li, paske nou va wè Li menm jan ke Li ye.