Sòm 127:2 - Bib Sen An: Kreyòl Ayisyen

Se an ven pou ou leve bonè e ale dòmi ta, pou manje pen a travay di yo, paske se domi Li bay a moun li renmen.

1998 Haïtienne

Sa pa vo lapenn pou nou leve granmaten, pou nou kouche ta, pou nou travay di pou n ka manje, paske, lè Bondye renmen yon moun, li ba li tout bagay pandan l'ap dòmi.

Sòm 127:2 Referans Kwoze

Jòb 11:18

Ou va vin gen konfyans, akoz gen espwa. Epi ou va gade toupatou e repoze ou an sekirite.

Sòm 3:5

Mwen te kouche e dòmi; mwen te leve, paske se SENYÈ a ki ban m fòs.

Sòm 4:8

Anpè, mwen va kouche pou dòmi, paske Ou sèl, SENYÈ, fè m viv ansekirite.

Sòm 60:5

Pou byeneme Ou yo kab delivre, Sove avèk men dwat Ou e reponn nou!

Pwovèb 10:22

Benediksyon SENYÈ a fè moun rich; konsa li pa mele ak chagren.

Eklezyas 1:14

Mwen te wè tout zèv ki te fèt anba solèy la e, men vwala, tout se vanite e chache kouri dèyè van.

Eklezyas 4:8

Te gen yon sèten mesye san fanmi ki pa t genyen ni fis, ni frè. Sepandan, nan travay li, pa t gen repo menm. Anverite, zye li pa t janm satisfè ak richès, men li pa t janm kon mande: “Epi pou ki moun m ap travay e prive tèt mwen de plezi konsa?” Sa, anplis se vanite, e sa se yon kòve ki plen doulè.

Eklezyas 5:12

Dòmi a ouvriye a dous, kit li manje piti oswa anpil; men vant plen a moun rich la p ap kite l dòmi.

Eklezyas 6:7

Tout travay a lòm se pou satisfè bouch li; malgre sa, apeti li pa janm satisfè.

Jeremi 31:26

Nan moman sa a, mwen te reveye nan dòmi, e mwen te gade; dòmi an te tèlman dous pou mwen.

Ezekyèl 34:25

“‘Mwen va fè yon akò lapè ak yo e retire bèt sovaj sou peyi a pou yo ka viv ansekirite nan dezè a, e dòmi byen nan forè a.