Jenèz 4:23 - Bib Sen An: Kreyòl Ayisyen

Lémec te di a madanm li yo: “Ada avèk Tsilla, koute vwa m. Nou menm ki madanm a Lémec yo; byen okipe pawòl mwen. Paske mwen te touye yon mesye akoz ke li blese m; e yon gason akoz li frape m.

1998 Haïtienne

Yon jou, Lemèk di madanm li yo: — Ada ak Zila, koute sa m'ap di nou! Koute byen sa m'ap di nou, medam mwen yo! Mwen touye yon nonm paske li leve men li sou mwen. Wi, paske li met san m' deyò, mwen touye jennonm nan.

Jenèz 4:23 Referans Kwoze

Jenèz 4:22

Epi pou Tsilla, li te bay nesans a Tubal-Cain, yon bòs fòjewon ki fè zouti avèk bwonz ak fè. Sè a Tubal Cain an se te Naama.

Sòm 94:1

O SENYÈ, Bondye a vanjans lan, Bondye a vanjans lan, kite limyè vin parèt!

Egzòd 20:13

Ou pa pou touye moun.

Levitik 19:18

“‘Nou pa pou pran vanjans ni pote lahèn nan kè nou kont fis pèp nou an; men nou va renmen pwochen nou tankou tèt nou. Mwen se SENYÈ a.

Nonb 23:18

Alò, li te pran diskou li. Li te di: “Leve ou menm, O Balak, pou tande! Ban m zòrèy ou, O fis a Tsippor!

Detewonòm 32:35

“‘Vanjans se pou Mwen, avèk revandikasyon, nan lè pye yo va glise, Paske jou malè a yo toupre, E rekonpans yo ap kouri vit sou yo.’

Jij 9:7

Alò, lè yo te di Jotham sa, li te ale kanpe sou tèt Mòn Garizim nan. Li te leve vwa li pou rele fò Konsa, li te di yo: “Koute mwen, O mesye Sichem yo, pou Bondye kapab tande nou.