2 Kwonik 20:30 - Bib Sen An: Kreyòl Ayisyen

Konsa, wayòm Josaphat a te gen lapè, paske Bondye li a te ba li repo tout kote.

1998 Haïtienne

Se konsa reny Jozafa a pase dous, san bri san kont. Bondye te fè tout peyi ki te nan vwazinay yo viv byen avè l.

2 Kwonik 20:30 Referans Kwoze

2 Samyèl 7:1

Alò, li te vin rive ke pandan wa a te rete lakay li a, e SENYÈ a te ba li repo tout kote sou lènmi li yo,

2 Kwonik 15:15

Tout Juda te rejwi akoz sèman an, paske yo te sèmante avèk tout kè yo. Yo te chache Li ak kè onèt yo, e Li te kite yo jwenn Li. Konsa, SENYÈ a te ba yo repo tout kote.

Jòb 11:19

Ou va kouche dòmi e okenn moun pa p deranje ou. Wi, anpil moun va mande favè ou.

Jòb 34:29

Lè L rete an silans, se kilès ki kab kondane L? Epi lè L kache figi Li, alò, se kilès ki kab wè L? Li pli wo ke nasyon, ni lòm,

Sòm 76:8

Ou te fè jijman tande soti nan syèl la. Latè te krent, e te kanpe rete an plas

Pwovèb 16:7

Lè chemen a yon nonm fè SENYÈ a kontan, l ap fè menm lènmi li yo vin anpè avè l.

Pwovèb 3:24

Lè ou kouche ou p ap pè; kouche ou ak dòmi ou va byen dous.

Levitik 26:6

“Mwen va osi bay lapè nan peyi a, pou nou kapab kouche san okenn moun pa fè nou tranble. Osi mwen va retire bèt sovaj nan peyi a, e okenn nepe p ap pase nan peyi nou.

Sofoni 3:13

Retay Israël la p ap fè okenn inikite, ni yo p ap bay manti, ni yon lang twonpe moun p ap twouve nan bouch yo. Paske yo va manje, e kouche, e pèsòn moun p ap fè yo pè.”

Jan 14:27

Lapè Mwen kite avèk nou. Lapè Mwen, Mwen bay nou. Pa kon lemonn konn bay, Mwen bay nou. Pa kite kè nou twouble, ni pa kite l krent.

Jozye 23:1

Alò, li te vin rive apre anpil jou, lè SENYÈ a te bay repo a Israël kont tout lènmi yo nan tout kote, e Josué te vin vye, avanse nan laj,