1 Kwonik 22:12 - Bib Sen An: Kreyòl Ayisyen

Sèlman ke SENYÈ a ta kapab bay ou sajès avèk konprann pou fè ou renye sou Israël, pou ou kapab kenbe lalwa a SENYÈ a, Bondye ou a.

1998 Haïtienne

Mwen mande Senyè a pou l ba ou bon konprann ak anpil lespri, pou lè la mete ou chèf nan peyi Izrayèl la, ou ka toujou fè tou sa ki nan Lalwa Senyè a, Bondye ou la.

1 Kwonik 22:12 Referans Kwoze

1 Wa 2:3

Kenbe lòd SENYÈ a, Bondye ou a, pou mache nan tout vwa li yo, pou kenbe règleman Li yo, kòmandman Li yo, òdonans Li yo, avèk temwayaj Li yo, selon sa ki ekri nan Lalwa Moïse la, pou ou kapab vin genyen nan tout sa ke ou antreprann ak nenpòt kote ke ou vire.

2 Kwonik 1:10

Koulye a, ban mwen sajès avèk konesans, pou m kab antre sòti devan pèp sa a, paske se kilès ki kab gouvène gran pèp Ou sa a?”

Sòm 119:34

Ban mwen bon konprann, pou m kab obsève lalwa Ou. Konsa, mwen va kenbe li ak tout kè m.

Sòm 72:1

Bay a wa a sajès lajistis Ou, O Bondye, ak ladwati Ou a fis a wa a.

Pwovèb 14:8

Sajès a moun rezonab la se pou l konprann chemen li; men betiz a moun ensanse a se desepsyon.

Lik 21:15

Paske Mwen va bannou pawòl avèk sajès pou okenn nan advèsè nou yo pa kapab reziste ni demanti.

Detewonòm 4:6

Pou sa, kenbe yo e fè yo paske sa se sajès avèk konprann nou devan zye a tout pèp ki va tande tout règleman sa yo e ki va di: ‘Anverite, nasyon sa a se yon pèp ki saj e ki gen konprann.’

Jak 1:5

Men si nenpòt nan nou manke sajès, kite li mande Bondye, ki bay tout moun avèk jenewozite e san repwòch, e Bondye va bay li.

1 Jan 2:3

Se konsa nou konnen ke nou gen tan konnen Li, si nou kenbe kòmandman Li yo.