הושע 1:11 - Masoretic Text 1524

(2:2) ונקבצו בני יהודה ובני ישׂראל יחדו ושׂמו להם ראשׁ אחד ועלו מן הארץ כי גדול יום יזרעאל׃

הושע 1:11 הפניות הצלבה

תהלים 110:3

עמך נדבת ביום חילך בהדרי קדשׁ מרחם משׁחר לך טל ילדתיך׃

ירמיה 30:21

והיה אדירו ממנו ומשׁלו מקרבו יצא והקרבתיו ונגשׁ אלי כי מי הוא זה ערב את לבו לגשׁת אלי נאם יהוה׃

ירמיה 30:3

כי הנה ימים באים נאם יהוה ושׁבתי את שׁבות עמי ישׂראל ויהודה אמר יהוה והשׁבתים אל הארץ אשׁר נתתי לאבותם וירשׁוה׃

ירמיה 30:7

הוי כי גדול היום ההוא מאין כמהו ועת צרה היא ליעקב וממנה יושׁע׃

ירמיה 31:33

כי זאת הברית אשׁר אכרת את בית ישׂראל אחרי הימים ההם נאם יהוה נתתי את תורתי בקרבם ועל לבם אכתבנה והייתי להם לאלהים והמה יהיו לי לעם׃

ירמיה 32:37

הנני מקבצם מכל הארצות אשׁר הדחתים שׁם באפי ובחמתי ובקצף גדול והשׁבתים אל המקום הזה והשׁבתים לבטח׃

ירמיה 50:19

ושׁבבתי את ישׂראל אל נוהו ורעה הכרמל והבשׁן ובהר אפרים והגלעד תשׂבע נפשׁו׃

יחזקאל 39:25

לכן כה אמר אדני יהוה עתה אשׁיב את שׁבית יעקב ורחמתי כל בית ישׂראל וקנאתי לשׁם קדשׁי׃

הושע 2:1

(2:3) אמרו לאחיכם עמי ולאחותיכם רחמה׃

הושע 3:5

אחר ישׁבו בני ישׂראל ובקשׁו את יהוה אלהיהם ואת דוד מלכם ופחדו אל יהוה ואל טובו באחרית הימים׃