הושע 3 - Masoretic Text 15241 ויאמר יהוה אלי עוד לך אהב אשׁה אהבת רע ומנאפת כאהבת יהוה את בני ישׂראל והם פנים אל אלהים אחרים ואהבי אשׁישׁי ענבים׃ 2 ואכרה לי בחמשׁה עשׂר כסף וחמר שׂערים ולתך שׂערים׃ 3 ואמר אליה ימים רבים תשׁבי לי לא תזני ולא תהיי לאישׁ וגם אני אליך׃ 4 כי ימים רבים ישׁבו בני ישׂראל אין מלך ואין שׂר ואין זבח ואין מצבה ואין אפוד ותרפים׃ 5 אחר ישׁבו בני ישׂראל ובקשׁו את יהוה אלהיהם ואת דוד מלכם ופחדו אל יהוה ואל טובו באחרית הימים׃ |
Masoretic Text 1524.