ויקרא 26:6 - Masoretic Text 1524

⁶ ונתתי שׁלום בארץ ושׁכבתם ואין מחריד והשׁבתי חיה רעה מן הארץ וחרב לא תעבר בארצכם׃

תנ"ך וברית חדשה בתרגום מודני

⁶ וְנָתַתִּ֤י שָׁלוֹם֙ בָּאָ֔רֶץ וּשְׁכַבְתֶּ֖ם וְאֵ֣ין מַחֲרִ֑יד וְהִשְׁבַּתִּ֞י חַיָּ֤ה רָעָה֙ מִן־הָאָ֔רֶץ וְחֶ֖רֶב לֹא־תַעֲבֹ֥ר בְּאַרְצְכֶֽם׃

Westminster Leningrad Codex

⁶ וְנָתַתִּ֤י שָׁלוֹם֙ בָּאָ֔רֶץ וּשְׁכַבְתֶּ֖ם וְאֵ֣ין מַחֲרִ֑יד וְהִשְׁבַּתִּ֞י חַיָּ֤ה רָעָה֙ מִן־הָאָ֔רֶץ וְחֶ֖רֶב לֹא־תַעֲבֹ֥ר בְּאַרְצְכֶֽם׃

תנ"ך וברית חדשה בתרגום דליטש

⁶ וְנָתַתִּ֤י שָׁלוֹם֙ בָּאָ֔רֶץ וּשְׁכַבְתֶּ֖ם וְאֵ֣ין מַחֲרִ֑יד וְהִשְׁבַּתִּ֞י חַיָּ֤ה רָעָה֙ מִן־הָאָ֔רֶץ וְחֶ֖רֶב לֹא־תַעֲבֹ֥ר בְּאַרְצְכֶֽם׃

ויקרא 26:6 הפניות הצלבה

מלכים ב 2:24

ויפן אחריו ויראם ויקללם בשׁם יהוה ותצאנה שׁתים דבים מן היער ותבקענה מהם ארבעים ושׁני ילדים׃

דברי הימים א 22:9

הנה בן נולד לך הוא יהיה אישׁ מנוחה והנחותי לו מכל אויביו מסביב כי שׁלמה יהיה שׁמו ושׁלום ושׁקט אתן על ישׂראל בימיו׃

דברי הימים ב 20:30

ותשׁקט מלכות יהושׁפט וינח לו אלהיו מסביב׃

איוב 11:19

ורבצת ואין מחריד וחלו פניך רבים׃

איוב 5:23

כי עם אבני השׂדה בריתך וחית השׂדה השׁלמה׃

תהלים 144:14

אלופינו מסבלים אין פרץ ואין יוצאת ואין צוחה ברחבתינו׃

תהלים 147:14

השׂם גבולך שׁלום חלב חטים ישׂביעך׃

תהלים 29:11

יהוה עז לעמו יתן יהוה יברך את עמו בשׁלום׃

תהלים 3:5

(3:6) אני שׁכבתי ואישׁנה הקיצותי כי יהוה יסמכני׃

תהלים 4:8

(4:9) בשׁלום יחדו אשׁכבה ואישׁן כי אתה יהוה לבדד לבטח תושׁיבני׃

תהלים 85:8

(85:9) אשׁמעה מה ידבר האל יהוה כי ידבר שׁלום אל עמו ואל חסידיו ואל ישׁובו לכסלה׃

שמות 23:29

לא אגרשׁנו מפניך בשׁנה אחת פן תהיה הארץ שׁממה ורבה עליך חית השׂדה׃

משלי 3:24

אם תשׁכב לא תפחד ושׁכבת וערבה שׁנתך׃

משלי 6:22

בהתהלכך תנחה אתך בשׁכבך תשׁמר עליך והקיצות היא תשׂיחך׃

ישעיה 35:8

והיה שׁם מסלול ודרך ודרך הקדשׁ יקרא לה לא יעברנו טמא והוא למו הלך דרך ואוילים לא יתעו׃

ישעיה 35:9

לא יהיה שׁם אריה ופריץ חיות בל יעלנה לא תמצא שׁם והלכו גאולים׃

ישעיה 45:7

יוצר אור ובורא חשׁך עשׂה שׁלום ובורא רע אני יהוה עשׂה כל אלה׃

ישעיה 9:7

(9:6) לםרבה המשׂרה ולשׁלום אין קץ על כסא דוד ועל ממלכתו להכין אתה ולסעדה במשׁפט ובצדקה מעתה ועד עולם קנאת יהוה צבאות תעשׂה זאת׃

ירמיה 30:10

ואתה אל תירא עבדי יעקב נאם יהוה ואל תחת ישׂראל כי הנני מושׁיעך מרחוק ואת זרעך מארץ שׁבים ושׁב יעקב ושׁקט ושׁאנן ואין מחריד׃

ירמיה 31:26

על זאת הקיצתי ואראה ושׁנתי ערבה׃

יחזקאל 14:15

לו חיה רעה אעביר בארץ ושׁכלתה והיתה שׁממה מבלי עובר מפני החיה׃

יחזקאל 14:17

או חרב אביא על הארץ ההיא ואמרתי חרב תעבר בארץ והכרתי ממנה אדם ובהמה׃

יחזקאל 14:21

כי כה אמר אדני יהוה אף כי ארבעת שׁפטי הרעים חרב ורעב וחיה רעה ודבר שׁלחתי אל ירושׁלם להכרית ממנה אדם ובהמה׃

יחזקאל 34:25

וכרתי להם ברית שׁלום והשׁבתי חיה רעה מן הארץ וישׁבו במדבר לבטח וישׁנו ביערים׃

יחזקאל 34:27

ונתן עץ השׂדה את פריו והארץ תתן יבולה והיו על אדמתם לבטח וידעו כי אני יהוה בשׁברי את מטות עלם והצלתים מיד העבדים׃

יחזקאל 5:17

ושׁלחתי עליכם רעב וחיה רעה ושׁכלך ודבר ודם יעבר בך וחרב אביא עליך אני יהוה דברתי׃

הושע 2:18

(2:20) וכרתי להם ברית ביום ההוא עם חית השׂדה ועם עוף השׁמים ורמשׂ האדמה וקשׁת וחרב ומלחמה אשׁבור מן הארץ והשׁכבתים לבטח׃

הושע 2:20

(2:22) וארשׂתיך לי באמונה וידעת את יהוה׃

ויקרא 25:18

ועשׂיתם את חקתי ואת משׁפטי תשׁמרו ועשׂיתם אתם וישׁבתם על הארץ לבטח׃

ויקרא 25:19

ונתנה הארץ פריה ואכלתם לשׂבע וישׁבתם לבטח עליה׃

ויקרא 26:22

והשׁלחתי בכם את חית השׂדה ושׁכלה אתכם והכריתה את בהמתכם והמעיטה אתכם ונשׁמו דרכיכם׃

ויקרא 26:25

והבאתי עליכם חרב נקמת נקם ברית ונאספתם אל עריכם ושׁלחתי דבר בתוככם ונתתם ביד אויב׃

ויקרא 26:7

ורדפתם את איביכם ונפלו לפניכם לחרב׃

מיכה 4:4

וישׁבו אישׁ תחת גפנו ותחת תאנתו ואין מחריד כי פי יהוה צבאות דבר׃

צפניה 3:13

שׁארית ישׂראל לא יעשׂו עולה ולא ידברו כזב ולא ימצא בפיהם לשׁון תרמית כי המה ירעו ורבצו ואין מחריד׃

חגי 2:9

גדול יהיה כבוד הבית הזה האחרון מן הראשׁון אמר יהוה צבאות ובמקום הזה אתן שׁלום נאם יהוה צבאות׃

זכריה 9:10

והכרתי רכב מאפרים וסוס מירושׁלם ונכרתה קשׁת מלחמה ודבר שׁלום לגוים ומשׁלו מים עד ים ומנהר עד אפסי ארץ׃