ויקרא 26:5 - Masoretic Text 1524

⁵ והשׂיג לכם דישׁ את בציר ובציר ישׂיג את זרע ואכלתם לחמכם לשׂבע וישׁבתם לבטח בארצכם׃

תנ"ך וברית חדשה בתרגום מודני

⁵ וְהִשִּׂ֨יג לָכֶ֥ם דַּ֨יִשׁ֙ אֶת־בָּצִ֔יר וּבָצִ֖יר יַשִּׂ֣יג אֶת־זָ֑רַע וַאֲכַלְתֶּ֤ם לַחְמְכֶם֙ לָשֹׂ֔בַע וִֽישַׁבְתֶּ֥ם לָבֶ֖טַח בְּאַרְצְכֶֽם׃

Westminster Leningrad Codex

⁵ וְהִשִּׂ֨יג לָכֶ֥ם דַּ֨יִשׁ֙ אֶת־בָּצִ֔יר וּבָצִ֖יר יַשִּׂ֣יג אֶת־זָ֑רַע וַאֲכַלְתֶּ֤ם לַחְמְכֶם֙ לָשֹׂ֔בַע וִֽישַׁבְתֶּ֥ם לָבֶ֖טַח בְּאַרְצְכֶֽם׃

תנ"ך וברית חדשה בתרגום דליטש

⁵ וְהִשִּׂ֨יג לָכֶ֥ם דַּ֨יִשׁ֙ אֶת־בָּצִ֔יר וּבָצִ֖יר יַשִּׂ֣יג אֶת־זָ֑רַע וַאֲכַלְתֶּ֤ם לַחְמְכֶם֙ לָשֹׂ֔בַע וִֽישַׁבְתֶּ֥ם לָבֶ֖טַח בְּאַרְצְכֶֽם׃

ויקרא 26:5 הפניות הצלבה

תהלים 144:13

מזוינו מלאים מפיקים מזן אל זן צאוננו מאליפות מרבבות בחוצותינו׃

תהלים 90:1

תפלה למשׁה אישׁ האלהים אדני מעון אתה היית לנו בדר ודר׃

שמות 16:8

ויאמר משׁה בתת יהוה לכם בערב בשׂר לאכל ולחם בבקר לשׂבע בשׁמע יהוה את תלנתיכם אשׁר אתם מלינם עליו ונחנו מה לא עלינו תלנתיכם כי על יהוה׃

משלי 1:33

ושׁמע לי ישׁכן בטח ושׁאנן מפחד רעה׃

משלי 18:10

מגדל עז שׁם יהוה בו ירוץ צדיק ונשׂגב׃

ישעיה 1:19

אם תאבו ושׁמעתם טוב הארץ תאכלו׃

ישעיה 30:23

ונתן מטר זרעך אשׁר תזרע את האדמה ולחם תבואת האדמה והיה דשׁן ושׁמן ירעה מקניך ביום ההוא כר נרחב׃

ירמיה 23:6

בימיו תושׁע יהודה וישׂראל ישׁכן לבטח וזה שׁמו אשׁר יקראו יהוה צדקנו׃

הושע 2:18

(2:20) וכרתי להם ברית ביום ההוא עם חית השׂדה ועם עוף השׁמים ורמשׂ האדמה וקשׁת וחרב ומלחמה אשׁבור מן הארץ והשׁכבתים לבטח׃

הושע 2:20

(2:22) וארשׂתיך לי באמונה וידעת את יהוה׃

יואל 2:19

ויען יהוה ויאמר לעמו הנני שׁלח לכם את הדגן והתירושׁ והיצהר ושׂבעתם אתו ולא אתן אתכם עוד חרפה בגוים׃

יואל 2:22

אל תיראו בהמות שׂדי כי דשׁאו נאות מדבר כי עץ נשׂא פריו תאנה וגפן נתנו חילם׃

יואל 2:26

ואכלתם אכול ושׂבוע והללתם את שׁם יהוה אלהיכם אשׁר עשׂה עמכם להפליא ולא יבשׁו עמי לעולם׃

עמוס 9:13

הנה ימים באים נאם יהוה ונגשׁ חורשׁ בקצר ודרך ענבים במשׁך הזרע והטיפו ההרים עסיס וכל הגבעות תתמוגגנה׃

דברים 11:15

ונתתי עשׂב בשׂדך לבהמתך ואכלת ושׂבעת׃