2 Samuel 22:3

Ñanderuete Ñe’ẽ Porã 2015

che Jára rendápe akañy ajejopyete jave, Ha’e che retemo’ãha ha che kyse puku, hendivémante aĩ porã, hendivémante apytu’u porã, Ha’émante cheguenohẽ cherayhu’ỹva pógui.

Referencias Cruzadas

Genesis 15:1

Ko’ã mba’e rire Ñanderuete oñe’ẽ Abram ndive techapáy rupive (visión), ha he’i ichupe: Ani rekyhyje, Abram; Che voi ningo ne mo’ãha ha ne rembiapo repy me’ẽha.

2 Samuel 22:31

Ñanderuete rape iporãite, ha ore Ruete ñe’ẽ ipotĩete. Ha’e voi omo’ã opaite hese ojeroviávape.

2 Samuel 22:47

Toikove Ñanderuete ha toñemomba’eguasu che mo’ãhára, ha taituicha tuichave Ñanderuete, che salvador.

2 Samuel 22:49

Ha’e chesalva cherehe ija’e’ỹvagui ha chérupi cherayhu’ỹva ári. Nde cheguenohẽ pe kuimba’e iñarõva poguýgui.

2 Samuel 22:51

Nde reme’ẽ haguére ne retã ruvichápe pu’aka tuicháva ha reiporiahuvereko umi reiporavova’ekuépe, David ha iñemoñarenguérape opaite árape.

2 Samuel 23:3

Israel Jaratee, oñe’ẽ chéve, Israel mo’ãhára oñe’ẽma chéve, Ha’e oisãmbyhyhína tetãnguérape ha oisãmbyhy hekópe umi okyhyjéva guivépe Ñanderuetégui.

Salmokuéra 14:6

Ha’ekuéra oñemoĩ haguére imboriahúva rehe, ha’ekuéra voi oñembyai, Ñanderuete opu’ãgui avei hesekuéra.

Salmokuéra 140:1

Chepytyvõmína Nde, che Ruete, upe tekove ñañágui; chemo’ãmína umi kuimba’e imbaretévagui.

Salmokuéra 140:11

Umi oñe’ẽvai reíva ndoiko porãiva’erã yvy apére, pe mba’evai tomuña pe tekove ñañávape oñehundiete peve.

Salmokuéra 140:4

Chemo’ãmína Nde, ore Ruete, tekove ñaña pógui, chepytyvõmína pe kuimba’e heko vaívagui, umíva ombyaise voi che rekove.

Salmokuéra 142:4

Ama’ẽ ramo che akatúa gotýore ndahechái peteĩnte jepe chekuaáva, ndaipóri chepytyvõva, avave noñangarekói che rekove rehe.

Salmokuéra 144:2

Nde cheporiahuvereko ha Nde chepytyvõhína, Nde ha’e chéve g̃uarã ku óga oñemombaretévaicha ha Nde voi che pytyvõhára. Nde cheguenohẽ mba’evaígui ha Nde remoĩ tetãnguéra che poguýpe.

Salmokuéra 18:2

Ñanderuete, Nde ningo che itaguasu (ajesalva hag̃ua) ha che róga yvate oñemombaretepyréva ha che pytyvõharaite; Nde, che pytu’u rendaitéva, nderehe ajerovia tapiaite; che mo’ãhára, Nde reñangareko porã cherehe, Nde reĩ chendive chesalva hag̃ua.

Salmokuéra 27:5

Ha’e oñangarekóta cherehe hogaguasúpe og̃uahẽ jave pe ára ivaipáva, Ha’e cheñu’ãta hekoha ijyvatehápe.

Salmokuéra 28:7

Ñanderuete voi ningo chemombaretéva ha Ha’e oñangareko porã cherehe, che py’apýpe ajerovia hese, upévagui ahupity iñepytyvõ, ha vy’apópe che ñe’ã opurahéi, omomba’eguasu hag̃ua ichupe.

Salmokuéra 3:3

Nde katu, che Ruete, reiko che jerekuévo chemo’ã hag̃ua, nde reko jajaipa oĩ chendive chemoakãrapu’ã hag̃ua.

Salmokuéra 32:7

Nde ningo che mo’ãha, ha Nde reñangareko porã cherehe mba’evaígui; purahéi vy’a reheguávape Nde chembojere. Selah

Salmokuéra 46:1

Ñanderuete ñanemo’ã ha ñanemombaretéta jajejopy vai jave,

Salmokuéra 46:11

Ñanderuete, yvága atykuéra Jára, oĩ ñanendive, Jacóbo Jára ningo ñane mo’ãhára. Selah

Salmokuéra 46:2

upévarupi ndajakyhyjeiva’erã, jepémo ko yvy ojeipa hendágui ha cerrokuéra ho’apa ramo yguasúpe.

Salmokuéra 46:7

Ñanderuete, yvága aty Jára oĩ ñanendive, Jacóbo Jára voi ningo ñane mo’ãhára. Selah

Salmokuéra 5:12

Nde ningo, che Ruete, rehovasa pe heko potĩvape, ha reñu’ãmba ichupekuéra nde poriahuvereko rupi.

Salmokuéra 55:9

Ehundi ichupekuéra, Nde, che Jára ruvusu, embojuavy iñe’ẽnguéra, ahecha ningo itávape ipy’a hatã ha oñorairõha.

Salmokuéra 59:16

Che katu agueropurahéita nde pu’aka, ha pyharevépe amomba’eguasúta nde poriahuvereko, Nde reikógui chéve g̃uarã che pytyvõhára ramo ha che mo’ãhára ramo ajepy’apy vaiha árape.

Salmokuéra 61:3

Nde voi ha’égui che mo’ãhára ha che róga yvate mbarete cherehe ija’e’ỹva renondépe.

Salmokuéra 71:7

Milágro ramo aiko hetápe g̃uarã, Nde katu che mo’ãha mbarete.

Salmokuéra 72:14

Ha’e oguenohẽva’erã hi’angakuéra japu ha ñorãirõgui, huguy ningo mba’e hepýva hesa renondépe.

Salmokuéra 84:11

Ñanderuete ñanemo’ã porã ha kuarahýicha ñanderesape. Jeporiahuvereko ha terakuã porã Ñanderuete ome’ẽkuaa. Ha umi heko potĩvape Ha’e ohovasava’erã.

Salmokuéra 84:9

Ema’ẽmína, Nde, ore Ruete, Nde ningo oremo’ãva, ha emoĩmína nde resa Nde voi reiporavova’ekue rehe.

Salmokuéra 86:14

Nde, che Ruete, umi oñembotuicháva opu’ãmbáma cherehe, ha umi oñemombaretéva oñemoĩma ñemiháme cherehe chejuka hag̃ua oikuaase’ỹre mba’eve ndehegui.

Salmokuéra 9:10

Upévare umi oikuaáva nde réra ojerovia nderehe, Nde, ore Ruete, nderepoírigui umi nderekávagui.

Salmokuéra 9:9

Upéicha Ñanderuete omo’ã umi ojejopývape, Ha’e ningo iñemo’ãha renda jepy’apy vaiha árape g̃uarã.

Éxodo 15:2

Ñanderuete chemombarete ha chembopurahéi, chesalvaháre. Kóva voi ningo che Jára, ha che rukuéra Jára, che amomba’eguasu ha ambotuichaite ichupe.

Mga Kawikaan 18:10

Ñanderuete réra katu peteĩ óga yvate oñemombarete porãva; hendápe oñaniva’erã pe heko potĩva ojesalva hag̃ua.

Mga Kawikaan 30:5

Ñanderuete he’íva guive katuete oikova’erã avei, Ha’e ningo umi hese ojeroviáva mo’ãha.

Isaías 12:2

Peikuaa porãke, Ñanderuete, che Jára chesalvataha; ajerovia hese ha ndakyhyjemo’ãi; Ha’e chemombarete, upévare apurahéita ichupe g̃uarã, Ha’e chesalvágui.

Isaías 32:2

Ha upe kuimba’e ojoguáta ñemo’ãháme yvytu’atãme ha ama vaípe; ku ysyrýicha yvy perõme, ku itaguasu kuarahy’ãicha ára hakuetépe.

Isaías 45:21

Peñemboja pemombe’u ha peñemongeta oñondive mávapa omombe’u raẽ ko’ã mba’e ko’ãva oiko mboyve; Chénte, pende Ruete, poikuaaukapáma voi, che ykére ndaiporivéima ambue Jára; Che ykére ndaipóri ambue jára hekojojáva ha oporopytyvõkuaáva añetehápe.

Jeremías 16:19

Nde, che Ruete, chembopu’akáva ha chemombaretéva, Nde ningo che mo’ãha pe jepy’apy vaiha árape, heta tetã ou joava’erã ne rendápe yvy apýra guive ha he’i joava’erã hikuái: Añetehápe ore rukuéra orembo’e roporombotavy hag̃ua ha ijára gua’u noipytyvõkuaái ichupekuéra.

Jeremías 16:9

Péicha he’i Yvága Atykuéra ha Israel Jára: Peikuaa porãke, Che voi amokirirĩta ko yvy kóvape, pende resakuéra renondépe, ha peẽ peikove aja, opaichagua tory ha vy’a, opaite menarã ha tembirekorã ñe’ẽ ha purahéi opava’erã.

Lúcas 1:47

Ha che pytu porã henyhẽ vy’águi Ñanderuete chesalvaháre Hesu Crísto rupi.

Lúcas 1:69

Ha’e omopu’ã peteĩ mburuvichaguasu ipu’akapáva osalva hag̃ua, ouhína Ñanderuete rembiguái David rógagui, péva he’ise Hesu oikoha David ñemoñare ramo.

Lúcas 1:71

Ko mburuvichaguasu kóva ñandepe’áta opaite ñanderehe ija’e’ỹva pógui ha umi oñemoĩva ñanderehe poguýgui.

Deuteronómio 32:37

Ha he’íta hikuái: Mamo piko oime ijarakuéra, pe itaguasu oñemo’ã hague.

Deuteronómio 32:4

Ha’e ningo pe Itaguasu (Salvador), hembiapo iporãiterei, mayma hapekuéra hekoite peguáva; Ñanderuete ndive oĩ añetegua meme ha ipype noĩri mba’eveichagua aña reko, Ha’e heko porã ha ombojovake hekoitépe.

Deuteronómio 33:29

Evy’a nde Israel, mávapa ndeichagua, nde ningo peteĩ tetã Ñanderuete osalvava’ekue, Ha’e ne mo’ãha, Ha’e nde kyse puku ombopu’akapáva. Upéicha nderehe ija’e’ỹva oñemomirĩmbáta, nde katu repyrũta icérro rehe.

Títope 3:4

Ñanderuete ñandesalvava’ekue ipy’aporã ha imborayhu rupi,

Títope 3:6

péva Ha’e oñohẽ ñande ári hemby hag̃uáicha Hesu Crísto rupi,

hebreoyguakuerape 2:13

ha he’i avei: Che ajeroviáta hese; (Isaías 8,17) ha he’i avei: Ápe Che aĩ che ra’ykuéra ndive, Ñanderuete voi ome’ẽmava’ekue chéve, (Isaías 8,18).

1 Samuel 2:1

Ána oñembo’e ha he’i: Che py’a hory nderupi ore Ruete, che pu’aka okakuaa tuicha nderupi, che Jára; che juru rupi amyasãi cherehe ija’e’ỹvape, che py’a hory nde chepytyvõ porã haguére.

1 Samuel 2:2

Ndaipóri hekoporãva Ñanderuetéicha; ndaipóri voínte avave ndejoguáva, ha ndaipóri ambue mo’ãha renda.