2 Samuel 22:4

Ñanderuete Ñe’ẽ Porã 2015

Ahenói Ñanderuete réra, hekoitépe ambotuichase ichupe, cheguenohẽ haguére cherehe ija’e’ỹva pógui.

Referencias Cruzadas

2 Crónicas 20:22

Ha oñepyrũvo opurahéi hikuái purahéi omomba’eguasúva Ñanderuetépe, Ha’e oñemoĩ Amon, Moab ñemoñarenguéra ha umi Seir cérro rupigua rehe, umi ñuhãrã ha’ekuéra omoĩva’ekue Judápe g̃uarã, ha ojojuka joa hikuái ojoapytépe.

Nehemías 9:5

Ha he’íkuri umi Levigua, Jesúa, Cadmiel, Bani, Hasabnías, Serebías, Hodías, Sebanías ha Petaías: Pepu’ã joaite ha pemomba’eguasu Ñanderuete, pende Járape, ára atyguasu guive ambue ára atyguasukuéra peve, pemomba’eguasu héra ituichaitevéva opaichagua ambue terakuã porãgui.

Salmokuéra 106:2

Mávapa omomba’eguasu porãkuaa Ñanderuete rembiapokuéra. Ha mávapa omyasãi porãkuaa héra porãite.

Salmokuéra 116:13

Ajapyhýta pe váso tekove añete reheguáva, ha ahenóita Ñanderuete réra.

Salmokuéra 116:17

Aikuave’ẽta ndéve kuave’ẽmby ñemomba’eguasu reheguáva, ha ahenóita nde réra, ore Ruete.

Salmokuéra 116:2

Ha’e oñakãity omoĩgui ijapysa cherendu hag̃ua, che ahenói guive héra.

Salmokuéra 116:4

Upeichavéramo jepe ahenói Ñanderuete réra, ha’évo: Nde, ore Ruete, cheguenohẽ che jejopy vaietégui.

Salmokuéra 18:3

Ahenóita Ñanderuetépe, amomba’eguasu hag̃ua hekoitépe; Ha’e cheguenohẽta umi cherehe ija’e’ỹva pógui.

Salmokuéra 34:6

Upe omba’ejerure asýva Ñanderuetépe, katuete Ha’e ohendúta ichupe ha Ha’e oguenohẽta ichupe opaite ijepy’apy vaígui.

Salmokuéra 48:1

Ituichaitereirasa Ñanderuete, upévagui toñemomba’eguasu ichupe itáva guasúpe ha icérro porãitépe.

Salmokuéra 50:15

Ha cherenói nde jepy’apyha árape, Che roipytyvõta ha nde chemomba’eguasúta.

Salmokuéra 55:16

Che katu, che Ruetépe amba’ejerure asýta, Ha’e cheguenohẽta che jejopy vaígui.

Salmokuéra 56:9

Upéi umi cherehe ija’e’ỹva oguevipava’erã hapykuere gotýo, che amba’ejerure asy jave ndéve, che ningo aikuaa porã voi Ñanderuete oĩha chendive.

Salmokuéra 66:2

Pegueropurahéi pemomba’eguasúvo héra porãite ha pemboeteve pehóvo ichupe.

Salmokuéra 96:4

Mba’eguasuete ningo Ñanderuete, ha hekoitépe ñamomba’eguasu ichupe, jakyhyjeve ichugui opaite ambue járagui.

Romayguakuérape 10:13

Opavave ojeroviáva guive Hesu Crístore, Ijára ramo, ojesalváta katuete.

Apocalípsis 4:11

Ore Jára ha ore Ruete, ndéve añoite ija opaite ñemboete, ñembotuicha ha ñemomba’eguasu, Nde remoingo haguére opaite mba’e, ha ne rembipota rupi oikopaitégui, ha nde pu’aka rupi oñemoingopa haguére.

Apocalípsis 5:12

umía hatã he’i: Pe Ovechara’y ojejukamava’ekuépe ija ohupity hag̃ua pu’aka ha mba’eita arandu ha mbarete, ñemboete, teko jajaipa ha ñemomba’eguasu.