1 Juan 4:6

Ñanderuete Ñe’ẽ Porã 2015

Ñande katu Ñanderuete reheguáva, ha upévagui pe oikuaáva Ñanderuetépe katuete ñanerendu, ha upe ndaha’éiva Ñanderuete reheguáva nohendumo’ãi ñane ñe’ẽ. Upéicha ñambojuavy porãkuaa pe Pytu Añetegua ha pytu japu apytégui.

Referencias Cruzadas

2 Crónicas 18:21

Ha ha’e he’i: Asẽta ha aikóta pytu japu ramo opaite iprofetakuéra jurúpe. Ha Ñanderuete he’i: Nde regueroviaukáta ichupe, tereho ha ejapo péicha.

Isaías 29:10

Ñanderuete oñohẽ pendeári peteĩ pytu penembohopehýiva ha Ha’e voi omboty pende proféta resa, ha Ha’e omoypytũ penehekombo’éva akã.

Isaías 8:20

Umi ojeroviase’ỹva Ñanderuetére ha ndojaposéiva hembiapoukapy katuete naiko’ẽmo’ãi ha Che nañe’ẽmo’ãi hendivekuéra.

Oséas 4:12

Che retãyguakuéra oporanduhína ijára gua’úpe, ojejapova’ekue yvyrágui, ha oipota umi yvyra po’i ohechauka ichupekuéra umi mba’e ojehútava henonderãme, aña pytu ombotavy ichupekuéra opoi hag̃ua pende Ruetégui.

Miquéas 2:11

Oime ramo oikóva aña japúpe ha he’íva: Che aprofetiza víno ha taguato resay reheve. Peichagua profétante ombovy’akuaa piko ko tetã kóvape.

Miquéas 3:8

Che katu, cherenyhẽ Ñanderuete Pytu Porãitéva ha ipu’akágui, amombe’u hag̃ua justícia ha pu’aka, ha ahechauka hag̃ua Jacóbo ñemoñarenguéra reko iñañaha, ha Israelguakuéra rembiapo ivaiteha.

Lúcas 10:22

Opaite mba’e che Ruete omoĩma che pópe. Avave ndoikuaái pe Ta’ýrape, pe Túvamante. Ha avave ndoikuaái pe Túvape, Ita’ýramante, ha Ha’e oikuaaukasévapemante oikuaaukáta.

Juan 10:16

Ha Che areko avei ambue korápe che ovecharãnguéra. Che aruva’erã avei umívape, umíva ohendúta che ñe’ẽ, ambyatypáta peteĩ korapýpente, oiko hag̃ua peteĩ ovecha atyguasu ramo peteĩ ovecha rerekua poguýpente.

Juan 10:27

Che ovechakuéra ohendu katuete che ñe’ẽ ha che aikuaa porã ichupekuéra, ha ha’ekuéra oñemboja che rendápe oho hag̃ua che rapykuéri Che ahasehápe.

Juan 10:3

Ha pe oñangarekóva pe kora rokẽ rehe, oipe’áta ichupe g̃uarã pe okẽ, upérõ pe ovecha rerekua ohenóita ijovechakuérape, peteĩteĩme heratee rupi, ha ohendu ramo hikuái iñe’ẽ, Ha’e oguenohẽta ichupekuéra okápe.

Juan 13:20

Añetehápe, añetehápe, ha’e peẽme: Upe omog̃uahẽva Che amondova’ekuépe, chéve chemog̃uahẽ. Ha ha’e omog̃uahẽ pe Chembouva’ekuépe.

Juan 14:17

Pe Pytu Añeteguáva, ko múndo ndaikatúi orecibi, ha’ekuéra ndohecháigui ni ndoikuaáigui ichupe. Peẽ katu peikuaa ichupe, Ha’e opytátagui penendive ha oikova’erã pendepype.

Juan 15:26

Ouva’erã pene Pytyvõhára, pe Pytu Porãmbáva, che Ruete omboútava pene rendápe, Ha’e chembotuicháta pende apytépe ha opytáta che rechahare ramo.

Juan 16:13

Opáichavo og̃uahẽta katuete pe ára pe Pytu Añeteguáva oikuaaukáta peẽme pe añetegua ha penemboguatáta añetegua rape rehe, Ha’e noñe’ẽmo’ãi ijehegui rei, omombe’úta uvei opaite mba’e ohendútava guive ha oikuaaukáta peẽme avei umi mba’e ojehuva’erãva.

Juan 18:37

Upéramo Piláto he’i Hesúpe: Péicha ramo piko Nde avei peteĩ tetã ruvicha. Hesu ombohovái ichupe: Peichaite, Che ningo peteĩ tetã ruvicha. Pévarã Che anaceva’ekue ha aju ko yvy ape ári amombe’u hag̃ua pe añetegua. Ha opaite umi ohayhúva guive pe añetegua, cherenduva’erã.

Juan 20:21

Hesu he’i jevy ichupekuéra: Tapendepy’aguapy, Che Ruete chembou haguéicha, Che pomondo avei.

Juan 8:19

Upémaramo he’i hikuái Hesúpe: Moõpa oime nde Ru. Hesu katu ombohovái ichupekuéra: Peẽ ningo ndachekuaái, ni ndapeikuaái che Ruetépe. Peẽ chekuaa rire peikuaava’erãmo’ã avei che Ruetépe.

Juan 8:23

Upémaramo Hesu he’i ichupekuéra: Peẽ ningo yvyarigua, Che ningo yvága pegua, peẽ ningo ko múndo pegua, Che katu nahániri.

Romayguakuérape 1:1

Che Páblo, Hesu Crísto rembijokuái, Ha’e cherenói ha cheporavova’ekue amoherakuã hag̃ua Ñanderuete salvacion rape.

Romayguakuérape 11:8

ojehai háicha: Ñanderuete oñohẽ Israel retã ári peteĩ pytu ombohopehýiva ichupekuéra, ha ombotýva hesakuéra ani hag̃ua ohecha hikuái, ha omboty ijapysakuéra ani hag̃ua ohendu hikuái, ha péva ojehu ko ára kóva peve, (Isaías 29,10).

1 Corintoyguakuérape 14:37

Oime ramo he’íva ijehe iprofetaha térã pe Pytu Porãmbáva oisãmbyhyha ichupe, ohechakuaáta ko’ã ñe’ẽ che ahaiva’ekue peẽme Ñanderuete rembiapoukapyha.

2 Corintoyguakuérape 10:7

Pema’ẽ porã umi mba’e rehe oĩva pene renondépe. Oimérõ pende apytépe upe ojeroviáva ijehe ha’e Hesu Crísto mba’eha, tohechauka porã hekove rupi, ha’e Hesu Crísto mba’eha.

2 Tesalonicayguakuérape 1:8

ha tata rendýpe ohepyme’ẽ hag̃ua umi ndoikuaaséivape Ñanderuetépe ha naiñe’ẽrenduséivape Ñandejára Hesu Crísto ñe’ẽ porãitépe,

1 Timotéope 4:1

Pe Pytu Porãmbáva voi he’i porãmava’ekue: Umi ára paha gotýo oĩtaha umi opoíva ijeroviágui, ojapysaka hag̃ua umi pytu oporombotavýva ha imbo’epy rehe, oúva umi ángel ñañanguéragui, oñemoĩmava’ekue Satana ndive Ñanderuete rehe.

2 Pédro 3:2

penemomandu’a hag̃ua avei umi proféta heko porãva he’iva’ekue rehe ha oikóta gueteri, ha penemomandu’a hag̃ua avei Ñandejára ha Salvador rembiapoukapy rehe, ha Ñanderuete apostolkuéra ñe’ẽ oñembohasava’ekue peẽme.

1 Juan 4:1

Che rayhupára, anítei peguerovia opaite pytúpe, peha’ã raẽ upe pytúpa ou Ñanderuetégui (térã nahániri), heta proféta japu oñemyasãive ohóvo ko yvy apére.

1 Juan 4:4

Che ra’ykuéra ha che rajykuéra, peẽ ningo Ñanderuete reheguáva, ha peẽ pembopoguy umi proféta ijapúvape; ituichavégui pe oĩva pendepype, upe oĩva yvy apére.

1 Juan 4:8

Ha pe oporohayhu’ỹva ndoikuaái Ñanderuetépe, Ha’e ningo mborayhu añetegua.

1 Juan 5:19

Jaikuaa porã ningo ñande, Ñanderuete mba’eha, ha jaikuaa avei ko múndo oĩha gueteri Satana (aña) poguýpe.

Júdas 1:17

Peẽ katu, che rayhupára peñemomandu’a umi ñe’ẽ rehe ymave Ñandejára Hesu Crísto apostolkuéra he’imava’ekue peẽme: