1 Juan 4:7

Ñanderuete Ñe’ẽ Porã 2015

Che rayhupára, jajohayhúkena, mborayhu ningo Ñanderuete mba’e voi. Ha opaite oporohayhúva onace Ñanderuetégui, ha oikuaa ichupe.

Referencias Cruzadas

Juan 13:34

Peteĩ tembiapoukapy pyahu ame’ẽ peẽme: Pejohayhúke Che pohayhu háicha, péicha pejohayhu avei peẽ.

Juan 17:3

Ha pe tekove tapia g̃uarãva ningo kóva: Tandekuaa hikuái ndéve, Ndémante Ñanderuete añeteguáva, ha toikuaa avei pe Nde rembouva’ekue, Hesu Crísto.

1 Corintoyguakuérape 8:3

Upe ohayhúva Ñanderuetépe, upévape Ñanderuete oikuaa.

2 Corintoyguakuérape 4:6

Ñanderuete he’i voi ikuatiañe’ẽme: Pytũhágui tohesape pe tesape, (Génesis 1,3). Ha’e voi ohesape avei ñande py’apy jahechakuaa hag̃ua Ñanderuete reko jajaipa Hesu Crísto rova rupi.

Galaciayguakuérape 4:9

Ko’ág̃a katu peikuaáma Ñanderuetépe, iporãve katu ja’e Ñanderuete pendekuaaha, ha mba’eicharupípa péicha peikose jevy Satana ha pende yvyarigua reko vai poguýpe.

Galaciayguakuérape 5:22

Pe Pytu Porãmbáva katu hi’a: Mborayhu añeteguáva, tory, py’aguapy, paciéncia, oporombohorýva, py’aporã, jerovia,

Deuteronómio 30:6

Ñanderuete, Ñandejára, omopotĩta pende py’apy ha pene ñemoñarenguéra py’apy pehayhu hag̃ua añetehápe Jahve, pende Járape, pende py’aite ha pene ánga mbytete guive, peikove hag̃ua añetehápe.

2 Timotéope 1:7

Ñanderuete nome’ẽi ñandéve peteĩ Pytu Porãva ñanemokangýva, ome’ẽ uvei ñandéve peteĩ Pytu Porãva ipu’akáva, oporohayhúva ha iñarandúva.

1 Pédro 1:22

Peẽ pemopotĩ rire pene ánga peneñe’ẽrendu hag̃ua Ñanderuete ñe’ẽ añeteguápe ha pejohayhu hag̃ua tapia hermáno mborayhu añetegua ha tova mokõi’ỹ reheve.

1 Juan 2:10

Pe ohayhúva iñermánope oiko tesapépe ha ha’érupi avave noñepysãngamo’ãi.

1 Juan 2:29

Peẽ ningo peikuaa Hesu Crísto heko porãha, ha upéicha pehechakuaava’erã avei opaite onacéva ichugui oiko avei heko potĩva ramo.

1 Juan 2:3

Ha péicha rupi ñande jaikuaa añetehápe ichupe, jajapórõ hembipota.

1 Juan 2:4

Oime ramo he’íva che aikuaa ichupe, ha ndojapói hembipota, ijapu ha ipype ndaipóri pe añetegua.

1 Juan 2:7

Che rayhuparakuéra, che ndahaíri peteĩ tembiapoukapy pyahu, ahai uvei pe tembiapoukapy pehendumava’ekue ñepyrũ guive.

1 Juan 3:9

Opaite onacéva Ñanderuetégui noñemohembiapo vaíri, Ñanderuete semílla (reko porã), (Ipytu Porãmbáva oĩgui ipype), upévare ha’e ndaikatúi oñemohembiapo vai, ha’e oikógui ita’ýra térã itajýra ramo.

1 Juan 4:11

Che rayhupára, Ñanderuete ñanderayhúgui, ñande jajohayhuva’erã avei.

1 Juan 4:12

Avave ndohechái araka’eve Ñanderuete rova; ñande jajohayhu ramo, Ñanderuete opyta ñandepype ha imborayhu oĩmbaite hekópe ñandepype.

1 Juan 4:16

Ha ñande jaikuaa porã ha jaguerovia Ñanderuete ñanderayhuha. Ñanderuete ningo mborayhu añeteguáva ha pe opytáva koichagua mborayhu añeteguáva poguýpe, opyta Ñanderuetepype ha Ha’e opyta ñandepype.

1 Juan 4:20

Oime ramo peteĩ he’íva ohayhuha Ñanderuetépe ha ndaija’éi iñermáno rehe ijapu. Upe ohayhu’ỹva iñermáno ohechávape, mba’éichapa ohayhúta Ñanderuete ndojehecháivape.

1 Juan 4:8

Ha pe oporohayhu’ỹva ndoikuaái Ñanderuetépe, Ha’e ningo mborayhu añetegua.

1 Juan 5:1

Oimeraẽ ogueroviáva Hesu ha’eha pe Crísto, ha’éma Ñanderuete ra’y térã itajýra, ha upévare ha’ekuéra ojohayhuva’erã Ñanderuete mborayhu reheve.

2 Juan 1:5

Ko’ág̃a ningo ajerure ndéve, kuñakarai (iglésia), jajohayhu hag̃ua. Ko tembiapoukapy kóva ndaipyahúi jaguerekóma voíkuri ñepyrũ guivéma.