1 Juan 4:2

Ñanderuete Ñe’ẽ Porã 2015

Péicha peikuaáta ha’e ouha Ñanderuetégui: Opaite Pytu he’íva Hesu Crísto ou hague kuimba’etee ramo ko yvy apére, upéva ou Ñanderuetégui,

Referencias Cruzadas

Juan 1:14

Ha pe Ñe’ẽ oñemboho’o ha oikóma ñande apytépe kuimba’e ramo, ha ore rohecha heko jajaipa, Ñanderuete Ra’y peteĩetéva reko jajaipa, henyhẽva jeporiahuvereko (mborayhu) ha añeteguágui.

1 Corintoyguakuérape 12:3

Upévare che aikuaauka peẽme, avave oñe’ẽva guive Ñanderuete Pytu Porãite rupi, ani hag̃ua he’i Hesu Crístore: Maldíto (tojeharu), ha avave ndaikatúi he’i Hesu Crísto che Jaraha, ndaha’éi ramo Pytu Porãmbáva rupímante.

1 Timotéope 3:16

Añetehápe mba’e tuichaitereíva ko’ã mba’e ñemi (ojehechaukamava’ekue umi ojeroviávape Hesu Crísto rehe): Hesu Crísto ojehechaukava’ekue yvyarigua retépe, Ha’e oiko katu heko potĩva ramo ipytu porãme. Ha’e ojehechaukava’ekue yvága rembiguaikuérape (angelkuérape), oñemyasãiva’ekue tetãnguéra apytépe, tetãyguakuéra ojerovia hese, ha upéi Ñanderuete ohupi Hesu Crístope heko jajaipa oĩháme.

1 Juan 1:2

ha pe Tekovete ojehechaukava’ekue ha ore ropytava’ekue techahare añeteguáva ramo, ore romombe’u peẽme. Ko Tekovete tapia g̃uarã oikova’ekue Ñanderuete ndive ha ojehechaukáma oréve.

1 Juan 2:23

Opaite ombotovéva pe Ta’ýrape (Hesu Crístope) ndoguerekói avei pe Túva. Ha pe omboajéva pe Ta’ýrape upéva omoañete avei pe Túvape.

1 Juan 4:15

Oimeraẽ he’íva Hesu Crísto Ñanderuete Ra’yha, ipype opyta Ñanderuete, ha ha’e opyta Ñanderuetepype avei.

1 Juan 4:3

ha upe pytu he’íva ndaupeichaiha, ndoúi Ñanderuetégui, upéva ningo crísto gua’uha, pe anticrísto pytu voi, pehendúma voi pe crísto gua’u outaha ha oiméma voi ko yvy apére.

1 Juan 5:1

Oimeraẽ ogueroviáva Hesu ha’eha pe Crísto, ha’éma Ñanderuete ra’y térã itajýra, ha upévare ha’ekuéra ojohayhuva’erã Ñanderuete mborayhu reheve.

2 Juan 1:7

Heta mbotavyhára oñemyasãima yvy apére, umía ombo’e Hesu Crísto ndoúi hague kuimba’e ramo. Umíva ningo mbotavyhára ha crísto gua’u.