1 Juan 4:1

Ñanderuete Ñe’ẽ Porã 2015

Che rayhupára, anítei peguerovia opaite pytúpe, peha’ã raẽ upe pytúpa ou Ñanderuetégui (térã nahániri), heta proféta japu oñemyasãive ohóvo ko yvy apére.

Referencias Cruzadas

1 Réyes 13:18

Ha pe ambue he’i ichupe: Che avei peteĩ proféta ndeichagua, ha peteĩ yvága rembiguái (ángel) ombohasa chéve Ñanderuete rembipota, he’ívo: Egueru ichupe nendive nde rógape, ho’u hag̃ua pan ha hoy’u hag̃ua. Ha’e katu ijapu ichupe.

Mga Kawikaan 14:15

Pe ojeheko mba’e pora’ỹva’ekue oguerovia opaite mba’erei; ha pe ojehekombo’eva’ekue hekoitépe katu oma’ẽ porã hapekuéra rehe.

Jeremías 14:14

Upéramo Ñanderuete he’i chéve: Iproféta omomarandu japu che rérape; Che katu namondói ichupekuéra, ha nda’éi mba’eve ichupekuéra, ha nañe’ẽi hendivekuéra. Techapáy japu rehegua, ta’yvõ, mba’e rei ha japu ipy’apýgui voi heñóiva, péva omomarandu che retãme.

Jeremías 23:16

Péicha he’i Ñanderuete, Yvága Atykuéra Jára: Peẽ Judaygua ani pehendu umi proféta omomarandúva peẽme; penembotavy ningo hikuái, omombe’u peẽme umi techapáy heñoiva’ekue ipy’apýpente, ha ndaha’éi pende Ruete jurúpe guare.

Jeremías 5:31

Iprofetakuéra ijapupa ha ipa’ikuéra omboguata hapichakuérape oipota háichante, ha pévante ombovy’a che retãyguakuérape. Ha mba’éiko pejapóta og̃uahẽ vove pe jejopy vai Che ha’emava’ekue peẽme.

Márcos 13:21

Ha oime ramo he’íva peẽme: Péina ápe pe Crísto, térã: Péina pépe, ani pegueroviátei.

Lúcas 12:57

Mba’érehe piko peẽ voi ndaikatúi pehechakuaa pe heko peguáva.

Lúcas 21:8

Ha Hesu ombohovái: Cháke, peñeñangareko porãke ani hag̃ua peñembotavy. Heta ou gua’uva’erã che rérape, ha he’íta: Che ningo pe Crísto ha umi ára paha og̃uahẽmbotaitéma. Anítei pemoirũ ichupekuéra ha ani peguerovia he’íva guive peẽme.

Apostolkuéra 17:11

Umi Bereaygua ipy’a porãve Tesalonicayguakuéragui, ha ojapysaka porã Páblo ha Sílas ñe’ẽ rehe, ha kyre’ỹme oipyguara (oitypeka) meme árape Ñanderuete kuatiañe’ẽme añetépa Páblo ha Sílas ñe’ẽ.

Apostolkuéra 20:29

Che aikuaa voi, aha rire, oiketaha pende apytépe aguaraguasu ñarõ ha ndoheja reimo’ãi Hesu Crísto iglésia.

1 Corintoyguakuérape 12:10

Ambuépe oñeme’ẽ pu’aka ojapo hag̃ua techapyrã (milágro), ambuépe oprofetiza hag̃ua, ambuépe ombojuavykuaa hag̃ua (odiferencia) pytu vaikuéra ha pytu porãnguéra apytépe, ambuépe oñe’ẽ hag̃ua peteĩ ñe’ẽ (idióma) ha’e oikuaa’ỹvape, ambuépe oñeme’ẽ pe me’ẽmby oikuaauka hag̃ua mba’épa he’ise pe ñe’ẽ hapicha oikuaa’ỹva.

1 Corintoyguakuérape 14:29

Upéicha avei umi proféta, toñe’ẽ mokõi térã mbohapýnte, ha ambuekuéra tojapysaka porã ohechakuaa hag̃ua hi’añetépa umi ñe’ẽ he’íva ouha Ñanderuetégui térãpa nahániri.

1 Tesalonicayguakuérape 5:20

Ani pemboyke umi proféta ñe’ẽ.

1 Tesalonicayguakuérape 5:21

Peikuaa (peestudia) porã raẽ opaite mba’e, ha upéi pejapyhy pe iporãvante.

2 Tesalonicayguakuérape 2:2

ani hag̃ua peheja avave omoinge pene akãme ambue mba’e ha peñemondýi rei peteĩ ñe’ẽ rupi, térã pytu ñe’ẽ gua’u rupi, térã peteĩ kuatiañe’ẽ rupi oje’éva oreheguiha, ha omombe’u Hesu Crísto ouha ára ojekuaa porãma térã og̃uahẽmaha.

1 Timotéope 4:1

Pe Pytu Porãmbáva voi he’i porãmava’ekue: Umi ára paha gotýo oĩtaha umi opoíva ijeroviágui, ojapysaka hag̃ua umi pytu oporombotavýva ha imbo’epy rehe, oúva umi ángel ñañanguéragui, oñemoĩmava’ekue Satana ndive Ñanderuete rehe.

2 Timotéope 3:13

Umi tekove ñaña ha oporombotavýva ojapo mba’evaive ohóvo, ha’ekuéra oporombotavy ha ambuekuéra ombotavy jevy ichupekuéra, (Galaciayguakuérape 6,7).

2 Pédro 2:1

Oikova’ekue ningo avei proféta gua’u ñane retãyguakuéra apytépe, oĩta háicha avei mbo’ehára gua’u omoingétava ñemiháme pende apytépe tekombo’e japu, ombotovévo jepe Hesu Crístope ojoguava’ekue (huguy rupi) ichupekuéra, upévare ha’ekuéra voi ogueru pya’e ojupe g̃uarã iñehundirã.

1 Juan 2:18

Peẽ penaceramóvape ha’ese pe hóra paha og̃uahẽmaha, ha pehendu haguéicha pe crísto gua’u (pe anticrísto) opu’ãtaha; ha oúmagui heta crísto gua’u, ñande jaikuaáma pe hóra paha og̃uahẽmaha.

1 Juan 2:7

Che rayhuparakuéra, che ndahaíri peteĩ tembiapoukapy pyahu, ahai uvei pe tembiapoukapy pehendumava’ekue ñepyrũ guive.

2 Juan 1:7

Heta mbotavyhára oñemyasãima yvy apére, umía ombo’e Hesu Crísto ndoúi hague kuimba’e ramo. Umíva ningo mbotavyhára ha crísto gua’u.

3 Juan 1:11

Che rayhupára, ani rejapo ivaíva, iporãva uvei. Upe ojapóva mba’e iporãva, Ñanderuete reheguáva; ha pe hembiapo vaíva katu, ndohechái Ñanderuetépe.

Apocalípsis 2:2

Aikuaa porã ningo nde py’apýpe oĩva, ne rembiapokue ha nde paciéncia, ha aikuaa avei nde ndaikatuiha reaguanta iñañávape, ha reñeha’ãmba reikuaa porã hag̃ua umi og̃uahẽvape ne rendápe Ñanderuete remimbou añeteguápa térã gua’unteha, ha remboyke hague umi ijapúva ha ndaha’éiva Che remimbou.