1 Juan 3:5

Ñanderuete Ñe’ẽ Porã 2015

Peẽ ningo peikuaa voi, Hesu Crísto ojehechauka hague oipe’a hag̃ua ñane rembiapo vaikue, ipype ndaipórigui angaipa (tembiapo vai).

Referencias Cruzadas

Oséas 14:2

Peñembyasyete pejapo vai haguére ha pejevy pende Ruete rendápe, ha peje ichupe: Emopotĩ ore rembiapo ky’a ha ejapyhy jevy ore ñemomba’eguasu rome’ẽséva ore kuave’ẽmby rendápe.

Matéo 1:21

Ha’e imembýta peteĩ mitãkuimba’e ha herava’erã Hesu, Ha’e osalvátagui hetãyguakuérape iñangaipágui (ipecadokuéragui).

Lúcas 23:41

Ñande ningo jahupity hekópe ñande castígo, ñamono’õnte ñane rembiapo vaikue, kóva katu ndojapói mba’eve ivaíva.

Lúcas 23:47

Ha pe soldádo ruvicha ohechávo opaite ko’ã mba’e ojehuva’ekue omomba’eguasu Ñanderuetépe ha he’i: Añetehápe ko kuimba’e kóva heko porãva’ekue ha ojejukauka rei.

Juan 1:29

Ambue árape ha’e ohecha Hesu Crístope, ouvahína hendápe, ha Juan he’i: Pema’ẽ porãke, péva ningo Ñanderuete Ovecha Ra’y oipe’áva tetãyguakuéra angaipa.

Juan 1:31

Ni che ndaikuaái ichupe, ojekuaa hag̃ua ichupe katu, che ag̃uahẽ Israel retãme, abautiza hag̃ua ýpe.

Juan 14:30

Nañe’ẽ hetamo’ãvéima penendive, oúmagui ko yvy jára, Satana, chemoĩvai hag̃ua, ndojohumo’ãi katu mba’evete jejavy che rekovépe.

Juan 8:46

Mávapa pende apytégui ikatu ohechauka che añemohembiapo vaiha. Che ningo ha’e pe añetegua, ha mba’éicha rupi piko aipóramo peẽ ndapegueroviái.

2 Corintoyguakuérape 5:21

Ñanderuete ñanderayhúgui omoĩ Hesu Crísto ári ñane angaipa, jahupity hag̃ua Hesu Crísto rupi pe teko ipotĩva ha ovaléva Ñanderuete renondépe.

1 Timotéope 1:15

Hesu Crísto ñe’ẽ porãite hi’añete ha ija oimeraẽva ojapyhy hag̃ua. Hesu Crísto ou ko yvy apére osalva hag̃ua angaipavórape, ha ijapytépe che pe ituichaveva’ekue.

1 Timotéope 3:16

Añetehápe mba’e tuichaitereíva ko’ã mba’e ñemi (ojehechaukamava’ekue umi ojeroviávape Hesu Crísto rehe): Hesu Crísto ojehechaukava’ekue yvyarigua retépe, Ha’e oiko katu heko potĩva ramo ipytu porãme. Ha’e ojehechaukava’ekue yvága rembiguaikuérape (angelkuérape), oñemyasãiva’ekue tetãnguéra apytépe, tetãyguakuéra ojerovia hese, ha upéi Ñanderuete ohupi Hesu Crístope heko jajaipa oĩháme.

Títope 2:14

Ha’e voi ome’ẽ hekove ñandesalva ha ñandepe’a hag̃ua aña reko vaígui, ñanemopotĩ ha jaiko hetã potĩva ramo ichupe g̃uarãnte, ha ñande ñanekyre’ỹve jahávo jajapo hag̃ua tembiapo porã.

hebreoyguakuerape 1:3

Hesu Crísto rupi ojehecha Ñanderuete reko jajaipa ha Hesu Crísto rupi Ñanderuete ohechauka avei mba’éichapa Ha’ehína. Hesu Crísto ningo ojokohína ko múndope (univérsope) ojejapóva guive iñe’ẽ pu’aka rupi. Hesu Crísto ombopoguyva’ekue angaipa pu’aka, ha oguapyhína ko’ág̃a yvágape Ñanderuete akatúape.

hebreoyguakuerape 4:15

Jaguereko ningo peteĩ pa’iguasu oñembyasyvahína ñanekangy ramo. Ha’e voi ohasava’ekue avei opaite umi jepy’ara’ã ñande jahasavañaína, upéicharamo jepe Ha’e ndo’aiva’ekue angaipápe,

hebreoyguakuerape 7:26

Peichagua pa’iguasu ñaikotevẽ. Hesu Crísto ningo, heko porã, ipy’aporã, oñemomombyry angaipavóra rembiapo vaígui ha upévare oñemboyvateve ichupe yvagakuéragui.

hebreoyguakuerape 9:26

Upeicha’ỹ rire Hesu Crísto omanova’erãmo’ã heta jevy, ko yvy ojejapo guive; ko’ág̃a katu opávo umi ára atyguasu Ha’e voi oñekuave’ẽma peteĩ jevýnte operdona hag̃ua tetãyguakuéra rembiapo vai.

hebreoyguakuerape 9:28

péicha avei Hesu Crísto oñekuave’ẽma peteĩ jevýnte ogueraha hag̃ua heta angaipa; Ha’e ou jevývo ndoumo’ãvéima ogueraha hag̃ua kuimba’ekuéra ha kuñakuéra angaipa, ou jevyva’erã uvei ogueraha ha osalva hag̃ua umi oha’ãrõvape ichupe.

1 Pédro 1:18

Peikuaa porãke Ñanderuete nañandejoguaiva’ekue mba’e opa rei jevyva’erã rupi, ku óro térã plátaicha, pendesalva hag̃ua pende reko vaígui, pende rukuéra ombohasamava’ekue peẽme.

1 Pédro 1:20

Hesu Crístope ojeporavóma voi ojejapo mboyve ko múndo (univérso), ojehechauka hag̃ua ko’ã ára pahápe penderayhupápe.

1 Pédro 2:22

Ha’e ndojapói mba’eveichagua tembiapo vai, ha japu ndojejohuiva’ekue ijurúpe.

1 Pédro 2:24

Hesu Crísto oguerahava’ekue hetére ñane rembiapo vai kurusúre, ñande ñamano hag̃ua tembiapo vaípe g̃uarã ha jaiko justíciape g̃uarã. Ijekutukue rupi ningo peẽ pekuera.

1 Pédro 3:18

Hesu Crísto ohasa asyeteva’ekue peteĩ jevy (ñane) angaipa rehehápe, pe Heko porãitéva ñane angaipavóra rehehápe, ñandegueraha hag̃ua Ñanderuete rendápe; añetehápe ho’o omano, Ipytu Porã katu oñemoingove jevy.

1 Juan 1:2

ha pe Tekovete ojehechaukava’ekue ha ore ropytava’ekue techahare añeteguáva ramo, ore romombe’u peẽme. Ko Tekovete tapia g̃uarã oikova’ekue Ñanderuete ndive ha ojehechaukáma oréve.

1 Juan 1:7

Jaiko ramo tesapépe, Ha’e oĩ háicha tesapépe, upéicharamo jaiko porã avei oñondive, ha Hesu Crísto ruguy ñanemopotĩ opaichagua tembiapo vaígui. Hesu Crísto Ñanderuete Ra’y voi.

1 Juan 2:1

Che ra’ykuéra ha rajykuéra, ko’ã mba’e ningo ahai peẽme ani hag̃ua pejapo mba’e ivaíva. Opáichavo oimérõ sapy’a peteĩ ñande apytépe ho’ára’e angaipápe, (anítei péva opyta hi’angaipápe), jarekógui ñane pytyvõhára (abogádo) Ñanderuete ndive g̃uarã, Hesu Crísto, Ha’e oñe’ẽta ñanderehe.

1 Juan 2:2

Ha’e ningo pe kuave’ẽmby ñanembopy’apeteĩ jevýva Ñanderuete ndive, oipe’ávo ñane rembiapo vaikue, ha nañaneangaipái año ñanerembiapo vai, opavave yvyarigua hembiapo vai avei.

1 Juan 2:29

Peẽ ningo peikuaa Hesu Crísto heko porãha, ha upéicha pehechakuaava’erã avei opaite onacéva ichugui oiko avei heko potĩva ramo.

1 Juan 3:8

Pe hembiapo vaíva katu aña mba’e, pe aña oñemohembiapo vaígui ñepyrũ guive. Upévare ningo Ñanderuete Ra’y ou, ombyai hag̃ua aña rembiapo.

Apocalípsis 1:5

ha Hesu Crístogui, pe techahare heko peguáva ha pe oiko jey tenonde omanóva apytégui ha pe oikóva yvy ruvichaitevéva ramo tetã ruvichakuéra apytépe. Ha’e voi ningo ñanderayhuvahína ha ñandejoheiva’ekue ñane angaipágui huguytee rupi.