1 Juan 3:6

Ñanderuete Ñe’ẽ Porã 2015

Opaite umi opytáva ipype ndojapói mba’eve ivaíva, umi tembiapo vai apoha katu ndohechái ni ndoikuaái ichupe.

Referencias Cruzadas

2 Corintoyguakuérape 3:18

Upéicharamo opavave ñande, ahoja’ỹre ñama’ẽ Hesu Crísto reko jajaipa rehe espéjope ramoguáicha ha ñañemoambueve jahávo Hesu Crísto reko ojajaipávape, péva katu Ñanderuete rembiapo.

2 Corintoyguakuérape 4:6

Ñanderuete he’i voi ikuatiañe’ẽme: Pytũhágui tohesape pe tesape, (Génesis 1,3). Ha’e voi ohesape avei ñande py’apy jahechakuaa hag̃ua Ñanderuete reko jajaipa Hesu Crísto rova rupi.

1 Juan 2:28

Ha ko’ág̃a, che ra’ykuéra ha rajykuéra, pepyta ipype, ani hag̃ua Ha’e ojehechaukaha árape, ñande ñatĩ henondépe, javy’a rãngue.

1 Juan 2:3

Ha péicha rupi ñande jaikuaa añetehápe ichupe, jajapórõ hembipota.

1 Juan 2:4

Oime ramo he’íva che aikuaa ichupe, ha ndojapói hembipota, ijapu ha ipype ndaipóri pe añetegua.

1 Juan 3:2

Che rayhuparakuéra, ko’ág̃a jaikóma ita’ýra ha itajýra ramo, ndojehechaukáigui gueteri upe oikótava ñandehegui. Jaikuaa ningo upe ára Ha’e ojehechaukatahápe ñandéve, ñande jajoguataha ichupe, ha jahecháta Ha’e oĩ haichaite.

1 Juan 3:9

Opaite onacéva Ñanderuetégui noñemohembiapo vaíri, Ñanderuete semílla (reko porã), (Ipytu Porãmbáva oĩgui ipype), upévare ha’e ndaikatúi oñemohembiapo vai, ha’e oikógui ita’ýra térã itajýra ramo.

1 Juan 4:8

Ha pe oporohayhu’ỹva ndoikuaái Ñanderuetépe, Ha’e ningo mborayhu añetegua.

1 Juan 5:18

Jaikuaa ningo opaite Ñanderuete ra’y ha itajýra noñemohembiapo vairiha, Hesu Crísto oñangarekógui hesekuéra, ha pe aña ndopokói hesekuéra.

3 Juan 1:11

Che rayhupára, ani rejapo ivaíva, iporãva uvei. Upe ojapóva mba’e iporãva, Ñanderuete reheguáva; ha pe hembiapo vaíva katu, ndohechái Ñanderuetépe.