1 Juan 2:1

Ñanderuete Ñe’ẽ Porã 2015

Che ra’ykuéra ha rajykuéra, ko’ã mba’e ningo ahai peẽme ani hag̃ua pejapo mba’e ivaíva. Opáichavo oimérõ sapy’a peteĩ ñande apytépe ho’ára’e angaipápe, (anítei péva opyta hi’angaipápe), jarekógui ñane pytyvõhára (abogádo) Ñanderuete ndive g̃uarã, Hesu Crísto, Ha’e oñe’ẽta ñanderehe.

Referencias Cruzadas

Salmokuéra 4:4

Peẽ pendepochy ramo, ani peñemohembiapo vai, pejepy’amongeta porã peime jave pende rupápe ha pekirirĩ. Selah

Ezequiel 3:21

Ha nde reavisa ramo pe heko potĩva’ekuépe ani hag̃ua oñemohembiapo vaive ohóvo ha ha’e nerendu ramo añetehápe ha’e oikovéta, reavisa haguére ichupe; ha nde resalváta ne ánga.

Zacarías 9:9

Evy’aitékena, Sion rajy, epurahéi vy’apópe, Jerusalen rajy, péina ápe ne retã ruvicha (Hesu Crísto) oúta ne rendápe nde Salvador ramo ijustícia reheve, Ha’e oñemomirĩta ha oúta peteĩ búrro ra’yrusu ári.

Lúcas 10:22

Opaite mba’e che Ruete omoĩma che pópe. Avave ndoikuaái pe Ta’ýrape, pe Túvamante. Ha avave ndoikuaái pe Túvape, Ita’ýramante, ha Ha’e oikuaaukasévapemante oikuaaukáta.

Juan 10:15

Che Ruete chekuaa háicha, Che aikuaa avei che Ruetépe. Che ame’ẽ che rekove che ovechakuéra rehe.

Juan 13:33

Che ra’ykuéra ndachearemo’ãvéi penendive, peẽ cherekáta avei, Che ha’e haguéicha ambue Judayguakuérape: Che ahatahápe peẽ ndaikatúi peho chendive, ko ñe’ẽ kóva ambohasáta ko’ág̃a avei peẽme.

Juan 14:16

Ha Che ajeruréta che Ruetépe, Ha’e ombou hag̃ua ambue Pytyvõhára (Pytu Porãmbáva) pene rendápe, Ha’e opyta hag̃ua tapia g̃uarã penendive.

Juan 14:6

Hesu he’i ichupe: Che ningo pe tape, pe añetegua ha pe tekovete, avave ndaikatúi og̃uahẽ che Ruete rendápe cherehe’ỹ. Cherupímante uvei ikatu oñeg̃uahẽ Ñanderuete rendápe.

Juan 21:5

Upérõ Hesu he’i ichupekuéra: Che ra’ykuéra, peguenohẽ piko pirakuéra. Ombohovái hikuái: Mba’evete katu noroguenohẽi.

Juan 5:14

Uperiremi Hesu ojohu ichupe Ñanderuete rogaguasúpe ha he’i ichupe: Ema’ẽ porã, rekueráma, anive reñemoangaipa, ani hag̃ua ojehu ndéve mba’e ivaivéva.

Juan 5:36

Che katu aguereko ambue techahare tuichavéva Juángui; umi tembiapo che Ru ome’ẽva’ekue chéve ajapo hag̃ua, ohechauka che Ru chembou hague.

Juan 6:27

Ani peñeha’ã pehupity hag̃uánte pe tembi’u opa reíva, peñeha’ã katu pehupity hag̃ua pe tembi’u tekove tapia g̃uarãva uvei, ha kóva ningo pe yvyarigua Ra’y ome’ẽtava peẽme, ha Ñanderuete, pe Jaraitéva omoañete voi ichupe.

Juan 8:11

Ha pe kuña he’i Hesúpe: Avave, karai. Upémaramo Hesu he’i ichupe. Che avei norocondenamo’ãi ndéve, tereho ha anive reñemoangaipa.

Apostolkuéra 7:52

Opaite profetakuérape pende rukuéra ombohasa asyva’ekue, ha ojuka hikuái umi he’iva’ekuépe pe Heko Porãva outaha, ichupe peẽ ko’ág̃a peipy’ajoyvy (petraiciona) ha pejuka.

Romayguakuérape 5:10

Ñande ñañemoĩva’ekue ramojepe Ñanderuete rehe, Hesu Crísto ñanemoĩ porãma iñemano rupi Itúva ndive. Ha Ñanderuete omoingove jevy haguére Hesu Crístope omanova’ekue apytégui, Ha’e ñanemoingove jevýta avei omanova’ekue apytégui. Ha’e ñanemopotĩva’ekue jaikove hag̃ua tapia Hesu Crísto ha Ñanderuete ndive yvágape.

Romayguakuérape 6:15

Aipórõ aporandu jevýta: Ñañemboheko vai jevýnepa nañaimevéirõ jepe Moises rembiapoukapykuéra poguýpe, Ñanderuete mborayhu ha iporiahuvereko poguýperõ uvei. Mba’evéicharõ.

Romayguakuérape 8:34

Máva piko ikatu ocondena ichupekuéra. Hesu Crísto piko, Ha’e voi ningo omanova’ekue hendaguepekuéra, ha oikove jevy avei, ha oguapyhína avei Ñanderuete akatúape, ha ojerurevahína avei ñanderehe.

1 Corintoyguakuérape 15:34

Pepáykena ha peneakã porã jevýke ha anive pejapo mba’e ivaíva. Oime ningo pende apytépe umi oikuaa’ỹva Ñanderuetépe, péva che ha’eva’erã peẽme, petĩ hag̃ua.

2 Corintoyguakuérape 5:21

Ñanderuete ñanderayhúgui omoĩ Hesu Crísto ári ñane angaipa, jahupity hag̃ua Hesu Crísto rupi pe teko ipotĩva ha ovaléva Ñanderuete renondépe.

Galaciayguakuérape 4:19

Che ra’ykuéra ha che rajykuéra, cherasyete jevy penderehe peteĩ kuña imembyrõguáicha, Hesu Crísto reko ojehechakuaa peve avei pende rekovépe.

Efesoyguakuérape 2:18

Hesu Crísto rupi mokõivéva og̃uahẽ peteĩ Pytu Porãmbávape Ñanderuete rendápe.

Efesoyguakuérape 4:26

Peẽ pendepochy ramo ani peñemoangaipa. Ani peheja oike pe kuarahy pende pochy reheve.

1 Timotéope 2:5

Oĩgui peteĩ Ñanderuete, ha peteĩnte ombojoajúva Ñanderuete umi tetãyguakuéra ndive, Hesu Crísto rupínte, oikova’ekue kuimba’e ramo ko yvy apére.

1 Timotéope 3:14

Ko’ã mba’e che ha’euka ndéve ko kuatiañe’ẽ rupi sapy’árõ g̃uarã ndaikatúi ramo aju pya’e, nde voi reikuaa porã hag̃ua avei.

hebreoyguakuerape 9:24

Hesu Crísto ndoikéi pe óga jojohuhápe kuimba’ekuéra ojapova’ekue, ha ojoguáva pe yvágape oĩvape, Ha’e oike uvei yvagaitépe, Ñanderuete renondépe, ñanderehehápe.

Tiágo 1:27

Pe ñemomba’eguasu (cúlto) ipotĩva, Ñandejára Ñanderuete ohayhúva ningo kóva: Ñaipytyvõ umi ityre’ỹvape ha imenave’ỹvape hemikotevẽme, ha ñañemboyke opaichagua teko vaígui.

Tiágo 3:9

Pe juru rupi oñemomba’eguasu Ñandejára Ñanderuetépe ha juru rupi oñemaldeci avei tapichakuérape, ojejapova’ekue Ñanderuete ra’ãngáicha.

1 Pédro 2:22

Ha’e ndojapói mba’eveichagua tembiapo vai, ha japu ndojejohuiva’ekue ijurúpe.

1 Pédro 3:18

Hesu Crísto ohasa asyeteva’ekue peteĩ jevy (ñane) angaipa rehehápe, pe Heko porãitéva ñane angaipavóra rehehápe, ñandegueraha hag̃ua Ñanderuete rendápe; añetehápe ho’o omano, Ipytu Porã katu oñemoingove jevy.

1 Juan 3:18

Che hermanokuéra ani japorohayhu ñande jurúpente térã ñe’ẽ rei rupínte, japorohayhu katu uvei añetehápe ñane rembiapo porã rupi.

1 Juan 3:5

Peẽ ningo peikuaa voi, Hesu Crísto ojehechauka hague oipe’a hag̃ua ñane rembiapo vaikue, ipype ndaipórigui angaipa (tembiapo vai).

1 Juan 3:7

Che ra’ykuéra ha che rajykuéra, anítei avave penembotavy; pe ojapóva heko peguáva, heko potĩma Hesu Crístoicha.

1 Juan 4:4

Che ra’ykuéra ha che rajykuéra, peẽ ningo Ñanderuete reheguáva, ha peẽ pembopoguy umi proféta ijapúvape; ituichavégui pe oĩva pendepype, upe oĩva yvy apére.

1 Juan 5:17

Opaichagua tembiapo oñemoĩva Ñanderuete ha hembiapoukapy rehe ningo tembiapo vai (angaipa), ijapytépe katu oĩ umi tembiapo vai ndogueraháiva ñemanóme.

1 Juan 5:21

Che ra’ykuéra ha che rajykuéra, peñeñangarekóke umi jára gua’u ra’ãngágui.

3 Juan 1:4

Chéve ndaipóri vy’a tuichavéva kóvagui, ahendu ramo che ra’ykuéra ha che rajykuéra pytu porã reheguáva oguata porãha oikóvo pe añetegua rapére.