1 Juan 1:10

Ñanderuete Ñe’ẽ Porã 2015

Ja’érõ nañanerembiapo vairiha, ñambojapu Ñanderuetépe, ha iñe’ẽ noĩri ñandepype.

Referencias Cruzadas

Job 15:14

Mba’eichagua yvyarigua piko oñemboheko potĩkuaa ha mba’eichagua kuña membyre piko oñemboheko porãkuaa.

Job 24:25

Ha ndaupéichairõ mávapa he’ikuaa chejapuha, térã mávapa ombotovekuaa che ñe’ẽ.

Salmokuéra 130:3

Ore Ruete, Nde nemandu’a ramo ore rembiapo vai rehe, mávapa oñembo’ykuaa gueteri ne renondépe.

Jeremías 2:35

Upeichavéramo jepe nde ere: Che reko ipotĩgui, ipochykue oñemboyke chehegui. Ema’ẽ porãke, Che rombojovakéta, ere haguére: Nacherembiapo vaíri.

Juan 3:33

Upe ohendúva ichupe ha ojeroviáva iñe’ẽre, upévamante omoañete Ñanderuete ñe’ẽ.

Colosayguakuérape 3:16

Hesu Crísto ñe’ẽ tomyenyhẽ pende py’apy opaite árape peñohekombo’e opaite arandúpe ha peñomokyre’ỹ Salmokuéra, purahéi ha ñembo’e rupi, ha peagradece Ñanderuetépe pende py’aite guive.

1 Juan 1:8

Ja’érõ nañaneangaipaiha, ñande ñañembotavy ñandejupe voi, ha ñandepype ndaipóri pe añetegua.

1 Juan 2:14

Che ahaíma peẽ, penaceramóvape (pende pytu porãme), peikuaágui Ñanderuetépe ha pejapógui hembipota. Che ahaíma peẽ, tuvakuérape, peẽ peikuaágui Ñanderuetépe, oikovahína ñepyrũ guive. Che ahaíma peẽme, karia’ykuéra, peẽ peñemombaretégui Ñanderuete ñe’ẽ rupi, ha upévare peẽ pembopoguy añáme.

1 Juan 2:4

Oime ramo he’íva che aikuaa ichupe, ha ndojapói hembipota, ijapu ha ipype ndaipóri pe añetegua.

1 Juan 4:4

Che ra’ykuéra ha che rajykuéra, peẽ ningo Ñanderuete reheguáva, ha peẽ pembopoguy umi proféta ijapúvape; ituichavégui pe oĩva pendepype, upe oĩva yvy apére.

1 Juan 5:10

Pe ojeroviáva Ñanderuete rehe oguereko ipype iñe’ẽ añeteguáva, ha pe ojerovia’ỹva katu ombojapu Ñanderuetépe, ndojeroviáigui Ñanderuete ñe’ẽre, Ha’e he’iva’ekue Ita’ýra rehe.

2 Juan 1:2

Ko añetegua kóva oĩ ñandepype, ha opytáta ñandepype tapia g̃uarã.