1 Juan 1:4

Ñanderuete Ñe’ẽ Porã 2015

Ha ko’ã mba’e ningo rohai peẽme ko kuatiañe’ẽ kóvape, javy’aite hag̃ua oñondive.

Referencias Cruzadas

Isaías 61:10

Chepy’aroryetéta Ñanderuete ndive, che ánga ovy’aitéta che Jára ndive, chemonde haguére isalvacion pegua aópe ha cheñuã ijustícia rehegua ahojápe, ku omendátava peguáicha chembojeguaka hikuái, oñembojeguaka háicha kuñataĩ omendátava ijeguaka hepývape.

Juan 15:11

Ko’ã mba’e ko’ãva Che ha’éma peẽme che vy’a oĩ hag̃ua pendepype, ha penerenyhẽ hag̃ua vy’águi.

Juan 16:24

Ko’ág̃a peve ne’ĩra pejerure mba’eve che rérape, pejerure katu ha pehupityva’erã, peẽ pevy’aite hag̃ua.

Juan 3:29

Pe hembirekorãva, péva pe menarã; pe ohayhúva pe menarãme omoirũ ichupe ha ovy’a ohendu guive iñe’ẽ, ha pe vy’a péva che ahupitýma ko’ág̃a.

2 Corintoyguakuérape 1:24

Ore ndaha’éi pende jerovia jára, ore poipytyvõsénte pevy’ave hag̃ua pehóvo pende jeroviápe.

Efesoyguakuérape 3:19

ha peñemomba’e porã Hesu Crísto mborayhu rehe peẽ penerenyhẽmba hag̃ua Ñanderuete mborayhu reheve.

1 Juan 2:1

Che ra’ykuéra ha rajykuéra, ko’ã mba’e ningo ahai peẽme ani hag̃ua pejapo mba’e ivaíva. Opáichavo oimérõ sapy’a peteĩ ñande apytépe ho’ára’e angaipápe, (anítei péva opyta hi’angaipápe), jarekógui ñane pytyvõhára (abogádo) Ñanderuete ndive g̃uarã, Hesu Crísto, Ha’e oñe’ẽta ñanderehe.

2 Juan 1:12

Heta mba’e arekove ramojepe amombe’uveva’erã peẽme, ndahaiséi katu kuatiárente, aha’ãrõse aha ramog̃uarã pene rendápe, ha oñondive ñañe’ẽ hag̃ua, javy’a porã hag̃ua oñondive.