1 Juan 1:5

Ñanderuete Ñe’ẽ Porã 2015

Ko ñe’ẽ porãite kóva ore rohendu Hesu Crístogui ha rombohasase peẽme: Ñanderuete ningo tesape, ha mba’eveichagua pytũ ndaipóri ipype, (Tiágo 1,17).

Referencias Cruzadas

Salmokuéra 139:12

pytũ jepeve nomoypytũmo’ãi mba’eve ndehegui, ha pe pyhare ojajái ramo ku arakuéicha, ndéve g̃uarã pytũ ha tesakã peteĩchaite.

Salmokuéra 27:1

Ñanderuete ningo che rekove resape ha che salvador, mávagui piko akyhyjéta. Ñanderuete che rekove mombaretehára, mávagui piko añemondýita.

Salmokuéra 36:9

Ndehegui osẽ pe tekove ku y osẽ háicha yvúgui, ha nde resape rupínte ore rohecha porãite.

Salmokuéra 84:11

Ñanderuete ñanemo’ã porã ha kuarahýicha ñanderesape. Jeporiahuvereko ha terakuã porã Ñanderuete ome’ẽkuaa. Ha umi heko potĩvape Ha’e ohovasava’erã.

Isaías 2:5

Peju, Jacóbo rogaygua ha jaguata Ñanderuete rapére.

Isaías 60:19

Araka’evéma nereikotevẽmo’ãvéi kuarahy rehe omyesakã hag̃ua nde ára pukukue, ni jasy nanderesapemo’ãvéita, pende Ruete voi oikóta nde resapehára ramo opaite ára peve, ha nde Jára reko jajaipa oĩta nendive.

Daniel 2:22

Ha’e omyesakã umi mba’e ojekuaa’ỹva térã okañýva, Ha’e oikuaapa umi mba’e oĩva guive pytũguýpe, Ha’e voi ningo pe tesape.

Juan 1:19

Ko Juan ningo pe techahare he’imava’ekue pa’i ha Leviguakuérape, ouva’ekue hendápe Jerusaléngui, oporandu hag̃ua ichupe: Máva piko nde.

Juan 1:4

Ipype oĩva’ekue pe Tekove, ha pe Tekove ningo umi kuimba’e ha kuñakuéra Resapehára.

Juan 1:9

Pe Ñe’ẽ ningo pe Tesape añeteguáva, ouva’ekue ko yvy ape ári ohesape hag̃ua opavave kuimba’e ha kuñáme.

Juan 8:12

Hesu he’i jevy ichupekuéra: Che ningo ko múndo resape. Upe oúva che rapykuéri ndoikomo’ãvéima pytũnguýpe, oguerekóma uvei pe tekove resape.

Juan 9:5

Che aiko aja ko yvy ári, che’aĩna ko múndo resapehára.

1 Corintoyguakuérape 11:23

Umi tekombo’e che ahupitýva Ñandejára Hesu Crístogui umía ambohasava’ekue peẽme: Upe pyharépe oñeme’ẽ hague Hesu Crístope hese ija’e’ỹva pópe (Juda rupi), Ha’e ojapyhy pe pan;

1 Timotéope 6:16

Ha’eñoite oguereko pe tekove tapia g̃uarãva, Ha’e oikóva tesape ojeike’ỹháme: Ndaipóri yvyarigua apytépe ohecháva ichupe ha ndaikatúi voi ohecha ichupe; toñemomba’eguasu ha toñembotuicha ichupe tapia g̃uarã, taupéicha (amen).

Tiágo 1:17

Opaite me’ẽmby iporãva ha opaite jopói hekoite peguáva ou yvatégui, Ñanderuetégui; Ha’e ningo pe tesape Ru, Ha’e noñemoambuéi ha hendive ndaipóri ypytũ.

1 Juan 3:11

Upévare pehendu ñepyrũ guive ko ñe’ẽ he’íva: Jajohayhuva’erã.

Apocalípsis 21:23

Ha pe tavaguasu noikotevẽi kuarahy térã jasy rehe ohesape hag̃ua ipype, Ñanderuete reko jajaipa, ohesape ipype, ha péva ningo pe Ovecha Ra’y voihína.

Apocalípsis 22:5

Upépe ndaiporimo’ãvéima pyhare, ha natekotevẽi tataindy, térã kuarahy resape rehe, Ñandejára Ñanderuete voi ohesapéta ichupekuéra heko jajaipa rupi, ha Ha’e oisãmbyhýta ára atyguasu guive ambue ára atyguasurãme.