Iósua 7:15 - An Bíobla Naomhtha 1817 (Bedell)

¹⁵ Agus is eadh bhias de, an té ar a mbéarthar leis an ní móidighthe loisgfighear lé teinidh é féin, agus a mbía aige uile; do bhrígh gur sháruigh sé cunradh an TIGHEARNA, agus do bhrígh gur oibrigh sé leimhe a Niosrael.

An Bíobla Naofa 1981

¹⁵ An té a ghabhfar, agus ní atá faoin mbang ina sheilbh aige, loisctear sa tine é, é féin agus a bhfuil aige, mar gur sháraigh sé conradh an Tiarna agus go ndearna sé rud náireach in Iosrael.’ ”

Iósua 7:15 Tagairtí Cros

Geineasas 34:7

Agus tangadur mic Iácob ón mhach amuigh a nuáir do chualadur sin: agus do ghlac doilghios íad, agus do bhádur na fir ro fheargach, fa go ndéarna sé leimhe a naghaidh Israel tré luighe lé hinghin Iácob; ní nar dhlightheach do dheanamh.

2 Samúéil 13:13

Agus misi, cáit a ccuirfinn mo mhíochlú? agus ar do shonsa, biáidh tú mar áon do na hamadánuibh a Nisrael. Anois, guidhim thú, labhair ris an rígh; oir ní chuinneochuidh sé misi uáit.

Iósua 7:11

Do pheacuidh Israel, agus do sháruigheadar mo chunnradhsa noch do aithin mé dhíobh: óir do ghlacadar don ní móidighthe, do ghadadar mar an ccéadna fós, agus níor léigeadar sin orra, agus do chuireadar a measg a ccoda féin é.

Iósua 7:16

¶ Mar sin do éirigh Iosua go moch ar maidin, agus tug Israel leis iona ttreabhuibh; agus do gabhadh treabh Iudah:

Breithiúna 20:10

Agus béaram deichneamhar as a ccéad ar feadh uile threibh Israel, agus céad as an mhíle, agus mile as na deich míle, do bhreith lóinn chum an phobal, chor go ndéanuid, a núair thiocfaid go Gibeáh Bheniamin, do réir a nuile leímhe dar oibrigheadar ann Israel.

Breithiúna 20:5

Agus do éirgheadar muinntir Ghibeah am aghaidh, agus tangadar timchioll an tighe orum san noidhche, agus do bhreathnuigheadar mo mharbhadh: agus deígnigheadar mo leannán, ionnus go bhfúair sí bás.

Breithiúna 20:6

Agus do ghlac misi mo leannán, agus do gheárr mé na píosuighibh í, agus do chuir mé ar feadh chríche oighreachda Israel í: óir do rinneadar míghníomh agus leimhe a Nisrael.

1 Samúéil 26:21

¶ Ann sin a dubhairt Saul, Do pheacaidh mé; fill, a mhic a Dháibhí: óir ní dhéansa dochar dhuit ní bhus mó, do chionn go raibh manum mórluaigh ad radharc a niugh; féuch, do rinné mé amadánachd, agus do chúaidh me ar seachrán go hiomarcach.