Seanfhocal 19:1 - An Bíobla Naofa 1981

¹ Is fearr an bochtán a mhaireann go fíréanta ná an té atá saibhir ach claon ina shlite.

An Bíobla Naomhtha 1817 (Bedell)

¹ Is féarr an bocht shiubhluighios iona iomláine, ná an té bhíos urchóideach iona phuisinibh, agus na amadán.

Seanfhocal 19:1 Tagairtí Cros

Salm 26:11

Ach caithimse mo shaol go hionraic: fuascail mé agus nocht dom do thrócaire.

Salm 37:26

Bíonn sé fial i gcónaí; tugann sé iasacht uaidh, agus beannófar a shliocht dá éis.

Seanfhocal 12:26

Tugann an fíréan cúl leis an urchóid; ach treoraíonn cosán na n‑urchóideach iadsan amú.

Seanfhocal 14:2

An té a shiúlann ar chosán na fíréantachta, bíonn eagla an Tiarna air; ach an té ar claon iad a bhealaí, is beag é a mheas air.

Seanfhocal 15:16

Is fearr an builín beag agus eagla an Tiarna ná an builín mór agus buairt dá réir.

Seanfhocal 16:8

Is fearr an beagán agus an chóir ná an mórán agus an éagóir.

Seanfhocal 19:22

Bíonn súil le dílseacht ó dhuine, agus is fearr bochtán ná bréagaire.

Seanfhocal 20:7

An fíréan a bhfuil a bhealaí gan cháim, is méanar dá chlann ina dhiaidh.

Seanfhocal 28:6

Is fearr fear bocht a shiúlann san fhíréantacht, ná fear saibhir na mbealaí claon.

Seanfhocal 4:24

Tabhair cúl leis an mbéal mealltach, agus seachain an comhrá claon.

Íseáia 59:3

Óir tá bhur lámha truaillithe le fuil agus bhur méara le cionta. Tá an bhréag ar bhur mbeola agus monabhar an éigirt ar bhur dteanga.

Matha 16:26

Óir cá fearrde duine go ngnóthódh sé an domhan go léir dá ligfeadh sé a anam féin ar ceal? Nó cad a d'fhéadfadh duine a thabhairt mar mhalairt ar a anam?

1 Samúéil 25:17

Déan do mhachnamh air sin anois agus féach cad is féidir leat a dhéanamh mar tá sé beartaithe drochíde a imirt ar ár maistir agus ar a theaghlach go léir, agus tá sé féin chomh ciotrúnta sin nach féidir d'aon duine focal a rá leis.”

1 Samúéil 25:25

Ná bíodh aon aird agat ar Nábál an drochmhianaigh, mar is cuma a nádúr nó a ainm; tuathalachán a ainm agus is tuathalach a mheon. Ach ní fhaca mise, do bhanóglach, na saighdiúirí a chuir mo thiarna.